2 Tímote 2:16 - Jola-Kasa

¹⁶ Utey elobayi yameeŋaayi yabajutumuu jáliŋ, yákaaneliitumuu bukanabuku kútuul Ateemit. Li mal̥egenamu, kalobemuu silobasu unsu kuhaŋehaŋ máloyi Ateemit.

2 Tímote 2:16 Iomraidhean Croise

1 Kata Koolent 15:33

Jakum jibuntoolo: «Kanaboo li bukan kajakut, lakajenekajen an ajake.»

1 Kata Koolent 5:6

Min jitebenemuu ubanduul loon muñaˈa, jakut maayeet! Kama jihaasut kaanaku: «Jílebiil jatit jíkaakenemuu efolayi feh yasiiwimuu.»

1 Tímote 1:9

Uhaasaal wahawu unwe: eluwaayi ekaanuti boot li bukan kakaane majake, bale ekaanikaan to boot li kákaanikoolemuu li kákaaneliitumuu loon elobumuu. Ekaanikaan to boot li kákoliwutumuu Ateemit li kuhoofoolaaku, boot li bukanabuku kaluukenutumuu Ateemit li wahawu wanabaawu. Ekaanikaan to foof boot li kamukemuu situubayiil mantee foof sijaawiil, boot li kumuka bukan.

1 Tímote 4:7

Uhoy ukoŋawu wákaaneliitumuu bukan kúyinen li Yéesu Kilisita, wammuu wata siñaakanasu saalaasu. Ukankaanoo min unaak útuul Ateemit.

1 Tímote 6:20

Tímote, ujok jak wahawu wan Ateemit asenimuu ooken. Utey elobayi yameeŋaayi yákaaneliitumuu bukanabuku kútuul Ateemit, li búceeŋoo mata wahawu wan kukee kúmalumuu koon laalu ehaasemiñ.

2 Tímote 2:14

Uwayil̥en wahawu unwu bukanabuku feh, ban li ulobiil hákil Ateemit ooniil, jakum kúmuyum mata kulim. Umúyawu unwu ubajut jáliŋ yanooyan. Woonosoono to boot kakajen bukanabuku kajantene komuu.

2 Tímote 2:21

An asikowumutumuu li wahawu unwu wajakutumuu wan ilobuulumuu mata wo, anawu fan anokoo li búgoloolumaabu bata éwulusayi. Lasenoolosenoolo Ateemit ammuu anahaanawu oola, ban li abaj jáliŋ li akila, min áami to boot kakaan wahoowah feh wajake.

2 Tímote 3:13

Bukanabuku kál̥afutumuu li kagisaaneyemuu fan kunaak kuhaŋ makaan nanoonan majakut. Fan kunaak kubunt kaabuku, ban buko humumiil bukanabuku li kunaak kubuntiil.

Eleetalayi yan Fool akiicumuu Tit 1:11

Jakum ukatiil min kúlobul. Mata kumbuku min kúguul̥emuu utoŋ feh, li baliikene ban kooteenut kuliiken bukanabuku. Ban kukankaan mo mantee li kúbajum tó wah suuneni loon makee.

Eleetalayi yan Fool akiicumuu Tit 1:14

Jakum kujok li ukoŋawu wata kusuwifaku, jakum foof kunab li kulimaku kan bukanabuku kahoyumuu mal̥egenamu koonemuu ésukayi kukaan.

Eleetalayi yan Fool akiicumuu Tit 3:9

Bale awu utey búwonnoolabu basoŋetaabu li elob mata uland, búceeŋoo li búwonnoo mata eluwaayi: wahawu unwu ubajut jáliŋ, ban bul̥uuhoo.

Eébulo 12:15

Jijuke to jakum bil an li bukuluul áfu’ li kájiyaku kata Ateemit. Jijuke to jakum bil an li bukuluul anokoo loon anuunuken átaliye, al̥iilulo li bukuluul min asik huwoogahu hooluul.

2 Fiyeel 2:18

Fan kunaak kulob kulim káamak kata bul̥uuhoo bale, ban li kunaak kuŋa’ kásiibowaku kooliil kajakutumuu li bakaanelabu booliil basuunenimuu, min kubuut bukanabuku kakitemuu li kúfakumul li tut bukanabuku kammuu li buloŋ balet li mal̥egen.

2 Fiyeel 2:2

Bukan kameeŋe fan kunab li bakaanelabu booliil basuuneniyaabu, ban bakaanelabu booliil fan búji bukanabuku li kulob kulim kajakut kuya li bútinabu bata mal̥egenamu.

Búhiisenumabu 13:14

Li enaak eŋa’ búhiisenumabu bájaahaleniyaabu ban eyilimuu ekaan hákil énuukuleŋayi yátinaalayi, min éjimen bukanabuku kakinumuu li etaamayi. Li yoon bukanabuku kukaan ebaaŋoot yata énuukuleŋayi yátinaalayi, yan ékunduwayi ecokumuu ban lí yóomi li buloŋ.

Búhiisenumabu 13:3

Húkow hakee hata énuukuleŋayi yákoyileniyaayi, ujukumuu loon hucokocoko kacok kata min huket, bale kacokaku unku li kufak. Bukanabuku feh kammuu li etaamayi li kujuk li kusego ŋáa’. Li kunab li énuukuleŋayi.