1 Saŋ 3:23 - Jola-Kasa

²³ Ban eluwaayi yoola muñeˈe elobe: lootaale úyinenaal li kajawaku kata Añoolool Yéesu Kilisita, ban li úbooliwoolaal loon akila humumool alobolaalumuu.

1 Saŋ 3:23 Iomraidhean Croise

Máciya 22:39

Yál̥ubutayi yanokoomuu li yátinaalayi yo yommuu inye: «Ufañ afaali an loon awu humumi úfañoolomuu.»

Maak 9:7

Muñeˈe kafaal li kuyaan kúhimeniil li máyiinowamu mata ko. Hulim li húfulumul li kafaalaku haane: — Laalu Añoolom an iboolaatumuu. Jijantenool!

Hulimahu Hásuumaahu loon Saŋ akiic homuu 1:12

Bale bukanabuku feh kayab homuu, yo yommuu kúyinenumuu li ho, li huseniil bútin min kulako bañiil bata Ateemit.

Hulimahu Hásuumaahu loon Saŋ akiic homuu 13:34

Boot min isenuul hulim huwunkul: jíbooliwoo. Joote jíbooliwoo loon ínje foof íbooliwuulumuu.

Hulimahu Hásuumaahu loon Saŋ akiic homuu 14:1

Yéesu li aan kúgoomaku koola: — Jakum jiyina. Jíyinen li Ateemit, li jíyinen foof lí ínje.

Hulimahu Hásuumaahu loon Saŋ akiic homuu 15:12

Hulimahu húmbaam ho hommuu unhe: Jíbooliwoo loon ínje humumom íbooliwuulumuu.

Hulimahu Hásuumaahu loon Saŋ akiic homuu 17:3

Buloŋabu bábaneliitumuu bo bommuu, min kuhaasi awu áamimuu Ateemit anolawu ata mal̥egen, li kuhaas foof Yéesu Kilisita an uboñulomuu.

Hulimahu Hásuumaahu loon Saŋ akiic homuu 2:23

Emmuu Yéesu Yeelusalem lalakowe nan kagaanaku kata Faakayi yata Kusuwifaku, bukan kameeŋe li kúyinen li akila nan kujukumuu búhiisenumabu bájaahalenimuu ban akaanumuu.

Hulimahu Hásuumaahu loon Saŋ akiic homuu 3:18

An áyinenumuu li Añiilawu let atiibi. Bale an áyinenutumuu layaane atiibi aban, mata áyinenut li Añiilawu anolawu sih ata Ateemit.

Hulimahu Hásuumaahu loon Saŋ akiic homuu 6:29

Yéesu li aaniil: — Bulokabu ban Ateemit afañumuu min jikaan, bo bommuu min jíyinen li anawu an áboñulumuu.

Bakaanelabu 16:31

Fool buko li Silaas li koonool: — Uyínenumuu li Amaaŋenawu Yéesu, fan ufak boot li butoŋi ló.

Kata Efées 5:2

Jiloŋ buloŋ bata húbooli loon Kilisita ábooliwolaamuu, ayok asen buloŋool boot li alolaal. Lasensen buloŋabu boola loon kasila, búsimen básuume Ateemit.

1 Kata Tesalonik 4:9

Muñeˈe tookut min an akiiculuul mata húbooliwoo hata batuyaay, mata Ateemit lalobuulob kaanaku joote jíbooliwoo.

1 Tímote 1:15

Hulim unhe hata mal̥egen hatooke min ésukayi feh eyab ho: Yéesu Kilisita labiibil li adunaayi boot kafaken kuhoofoola. Ban ínje humumom emmuu átinaa li kuhoofoolaabuku umbuku feh.

1 Fiyeel 1:22

Joonosoono bukan kanabe humum hata min jítuulumuu mal̥egenamu, boot mata min jíbooliwoo li mal̥egen loon batuyaay. Jíbooliwoo ŋáa’ li uyinumuul feh.

1 Fiyeel 4:8

Wahawu wan jommuu jijand jikaan, wo wommuu min jíbooliwoo ŋáa’, mata «Húbooli láhimenehimen uhoofoo wameeŋe.»

1 Saŋ 2:7

Kufaalom, inti eluwa ewunkul likiicuul, bale eluwa ehaan yan jiyabumuu yaan no li húkitumahu. Eluwaayi unyu ehaanayi yo yommuu hulimahu han jijamumuu.

1 Saŋ 3:11

Li mal̥egenamu, hulimahu unhe jijamumuu yaan no li húkitumahu: Ubóoliwoolaal.

1 Saŋ 4:15

An aanumuu Yéesu ammuu Añiilawu ata Ateemit, Ateemit ummu nanoonan li anawu ummu, ban akila foof ummu nanoonan li Ateemit.

1 Saŋ 4:21

Eluwaayi inye Yéesu Kilisita asenolaalumuu: an áboolimuu Ateemit laate ábooli foof atuyool.

1 Saŋ 5:13

Likiicuukiic kulimaku unku bukuluul jáyinenumuu li kajawaku kata Añiilawu ata Ateemit, mantee li jihaas kaanaku jibabbaj buloŋabu bábaneliitumuu.