Zefania 3:9 - MUKANDA USANDU WA ZAMBI 1975

⁹ Ha mwaka uze mungwalumuna kuhanjika cha mavungu chikapwe kuhanjika chipema hanga eswe akatongole jina lia Yehova nikumulingila ni mbunge yimuwika.

Mukanda Wa Zambi 1970

⁹ “Mba mungwalumuna mbunge ja akwa mavungu. No maalemba kuli yami wika, hi kuli mazambi eka ko. Eswe maangwononokena.

Zefania 3:9 Iomraidhean Croise

Ubutukilo 11:1

Mba hashi heswe hapwile limi limuwika ni kuhanjika chimuwika.

Ubutukilo 4:26

Ni Sete nawa yasema mwana wa lunga, yamuluka jina ngwenyi, Enoshe. Ha matangwa aze atu aputukile kusanyika ha jina lia Yehova.

Miaso (Masamu) 113:3

Chize ku kuvumbuka cha tangwa ndo ku kutoka chalio, jina lia Yehova akalihalise.

Miaso (Masamu) 22:27

Masongo eswe a hashi kwaewuluka, kumatewulukila kuli Yehova; minyachi yeswe ya mavungu kumawayila kumeso je.

Izaya 19:18

Ha tangwa lize kumukukapwa mu chifuchi cha Engitu yihunda yitano kuze mahanjika limi lia Kanana ni kulishinga kuzeyela Yehova-wa-Tujita. Chimwe muchikapwa ni jina lia Chihunda cha Kwonwona.

Izaya 57:19

Yehova kanambe ngwenyi, Uhwimino, uhwimino kuli waze ali kusuku ni waze ali hakamwihi. Mungumuwuka.

Izaya 6:7

Yalisa ku kanwa liami ngwenyi, Chino hichakwata ku mivumbo ye, mba uhie we hakuchizawo, ni shili ye hakukonekenayo.

Jeremia 16:19

Yehova, yena tachi jami ni mbonge yami, chiswamo chami ha tangwa lia lamba, kuli yena mavungu makungulukila, chize ku masongo a hashi nikwamba ngwo, Tulamba twetu kahingile nichimwe shina mahuza wika, yuma yamokomoko kuyafumbwile nichimwe.

Ezekiel 37:17

ukayinunge mutondo umuwika, yikalumuke umuwika mu kwoko lie.

Habakuke 2:14

Mumu hashi muhazala ni chinyingi cha uhenya wa Yehova chizechene ngwe meya akufuka kalunga-lwiji.

Zefania 2:11

Yehova mapwa kole ni woma ha kulimika no. Ewa, makahongesa mazambi eswe a hashi, mba yifuchi yeswe ya mavungu makahetamina kuli iye, mweswe kuma kwenyi.

Zakaria 14:9

Yehova makeza kupwa mwanangana wa hashi heswe. Ha tangwa lize Yehova makapwa umuwika ni jina lienyi limuwika.

Zakaria 2:11

Mavungu anji malifutula ni Yehova ha tangwa lize nikwalumuka akapwe atu jami. Mba mungutwama hakachi kenu. Ni yenu mununyingika Yehova-wa-Tujita wangutumine kuli yenu.

Mateu 12:35

Mutu mupema ku upite upema wa mbunge masolola yuma yipema: ni chingulungulu ku upite wa ungulungulu wa mbunge masolola yuma ya ungulungulu.

Efesu 4:29

Liji lia kupihisa nilimwe kanda lituhuka mu makanwa jenu, alioze lize Unapeme ha kukolesa, nikulita ni chize muchitamba, hanga Ukahane vumbi kuli waze akwivwa.

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.