Zefania 3:8 - MUKANDA USANDU WA ZAMBI 1975

⁸ Kashika Yehova kanambe ngwenyi, Ngutwaminyine ndo tangwa lize mungumana ngwe chela. Mumu chize hinapatula mu mbunge ngwami, Kukunga mavungu nikukungulula mawanangana hanga ngukaazukwile ufwatulo wami; kusasaminya cheswe cha utenu wami. Mumu akwa hashi eswe makajimuka mu kahia ka ufwatulo wami wa ukwa.

Mukanda Wa Zambi 1970

⁸ Mwene Zambi kanambe ngwenyi: “Shimbwilenu tangwa lize mungukatuka ni kusuma mavungu. Hinabatula kukungulula mavungu ni mawanangana hanga amone tachi ja ufwatulo wami. Mungwonona hashi heswe ni utenu wami.

Zefania 3:8 Iomraidhean Croise

Miaso (Masamu) 12:5

Yehova kanambe ngwenyi, Mumu ha lamba lia mukwa luyinda, ha mikuma ya chiswale mungukatuka haliapwila. Mungumusela homa hawape haze iye akufupa nikuhwimashana.

Miaso (Masamu) 123:2

Ngwe meso ja akwa milimo matala ku kwoko lia mwata wo, ngwe meso ja mwana-pwo matala ku kwoko lia ndona yenyi, chocho meso jetu kanatale kuli Yehova Zambi yetu ndo matuvwila vumbi.

Miaso (Masamu) 27:14

Twaminyina Yehova! Takama, mbunge ye yikajikize. Ewa, twaminyina Yehova. Samu lia David.

Miaso (Masamu) 37:34

Twaminyina Yehova. Funga jila yenyi, mba makunangamisa ukahinge chifuchi. Muze mapatula yingulungulu mukachimona.

Miaso (Masamu) 37:7

Hwima hali Yehova, umutwaminyine ni uhumikizo. Kanda ulifwita mumu hali yoze wakuwaha mu jila yenyi, hanji hali yoze wakumanununa kutaka chenyi chipi.

Miaso (Masamu) 62:1

Mbunge yami yinahwimi kanawa muli Zambi wika. Kuli iye kunakatuka ulamwino wami.

Miaso (Masamu) 62:5

Mbunge yami hwima muli Zambi wika, mumu kutalatala chami chili kuli iye wika.

Miaso (Masamu) 79:5

Yehova, ndo mwiji muka? Mukatenuka ku miaka ya mutolo, nyi? Ukwa we muuyila ngwe kahia, nyi?

Miaso (Masamu) 79:6

Zukwila kama ufwatulo we hali mavungu waze kakunyingikine, hali waze keshi kutambika ha jina lie.

Yishima 20:22

Kanda uamba ngwe, Munguhilwisa yipi. Twaminyina Yehova mba makulamwina.

Mwaso Ubema Wahiana 8:6

Nguse ngwe Chijikilo ha mbunge ye; ngwe Chijikilo ha kwoko lie; mumu zango Unalite ni ufwe ha tachi, ni uswi wa ukwa walita ni uze wa Shiole. Kuhenya chawo chapwa cha kahia; te mulengi wa tachi.

Izaya 14:26

Che chikuma hanapale ha kutwala ku hashi heswe chenacho. Ni lie kwoko lia kuzoza helu lia mavungu eswe lienalio.

Izaya 30:18

Kashika Yehova kanashimbula akanulinge vumbi; kashika kanalinangamisa ha kunuvwila keke. Mumu Yehova iye Zambi ya ululi, kawaha waze mamutwaminyina.

Izaya 34:2

Mumu Yehova kanatenuka ni mavungu eswe, ufwatulo ali nawo ni tujita two eswe. Hanaahisa ni kwakunjika ku kushiha.

Izaya 63:6

Naliachile mavungu mu utenu wami, nazengewesele mavungu mu ufwatulo wami, nazujile hashi manyinga ja mwono wo.

Jeremia 10:25

Zukula ufwatulo we ha mavungu aze kakunyingikine, hali minyachi aze katambikile ha jina lie. Mumu anongesene Yakomba, amunongesene ni kumukuwisa, ni kupwisa kuma kwenyi kwa kutwama kwa hululu.

Hosea 12:6

Chocho yena, ku tachi ja Zambi ye, hiluka, lalaminya ku zango ni upatwilo wa kulita; mba matangwa eswe twaminyina Zambi ye.

Joele 3:2

mungukakungulula mavungu eswe, mungukaapalumwisa ku chana cha Yehosofate. Kuze mungukasopa no hali atu jami ni ha chihinga chami Izalele, waze hanaamwange hakachi ka mavungu nikulitetiela chifuchi chami.

Mika 7:7

Alioze ha kutwala kuli yami, mungutala kuli Yehova; mungutwaminyina Zambi ya ulamwino wami; Zambi yami mangwivwa.

Habakuke 2:3

Mumu usolwelo unachitwaminyina mwaka wawo. Kuunatambuka ku songo liawo—kuushi mahuza. Chipwe mumona ngwe unashimbula shimbu hindu twaminyina. Muwiza kupwa; kuuchi kahona.

Zefania 1:18

Ha tangwa lia ufwatulo wa Yehova kechi kahasa kulipulula chipwe ni prata yo, chipwe ni oru yo. Mu kahia ka ufwatulo wenyi wa ukwa hashi heswe muhaliwa, mumu makasulisa akwa hashi eswe liakulu, susumuku lume.

Hagai 2:22

mungununguna ngunja ja mawanangana; mungwonwona tachi ja mawanangana ja mavungu, nikununguna matemba-a-jita ni akwa kwaendesa. Tuvwalu ni akwa kwaendesa malimbuka mweswe ku katana wa mukwo.

Mateu 25:32

mavungu eswe makakunguluka kumeso jenyi: iye makaahandununa umwe kuli mukwo, chizechene ngwe kafunga mahandununa mapanga kuli pembe.

2 Petulu 3:10

Alioze tangwa lia Mwene kumulikeza ngwe mwiji ha ufuku: muze malilu makahwa ni lundunjila, ni yuma ya mwilu muyikasangunuka ni chivukuminya cha kahia, ni hashi ni yitanga yize yiliho muyikawema wupu.

Usolwelo 16:1

Mba nevwile liji linene lia kukatuka ku tembele, Unambe kuli angelo shimbiali ngwo, Yénu, nukamwange misenge ya ufwatulo wa Zambi hashi.

Usolwelo 16:14

Mumu o maspiritu ja ndemoniu, nikulinga yilayi; waze akutuhuka nikuya kuli mianangana ja yifuchi yeswe ya hashi, mukwakungulula ku jita ya tangwa linene lia Zambi ya Ndundo-Jeswe.