Zefania 3:7 - MUKANDA USANDU WA ZAMBI 1975

⁷ Nambile ngwami, Manguvwila woma, matayiza kumufumba, chocho chichi kamuteta kuma kwa kutwama chipwe namwaha kastigu. Alioze akalishile mbunge jo nikuchisa yitanga yo yeswe.

Mukanda Wa Zambi 1970

⁷ Yingunyonga ngwami, atu jami mba himangulemesa ni kutayiza longeso liami, hikeechi kavulama nawa longeso lize hingunaalongesa. Alioze susumuku kaakulinga yibi ngwe hatangu.”

Zefania 3:7 Iomraidhean Croise

Ubutukilo 6:12

Zambi wamwene hashi kumanyi hapihile mumu akwa mwono eswe hanapihisa majila jo hashi.

2 Sango Ja Mianangana 33:11

Kashika Yehova waatumine tupitau twa tujita twa mwanangana wa Asuria. Yakwata Manase mu malenge; yamukashila mu kuli, nikumutwala ku Babilonia.

Jobe 36:10

Kakujikula matwi jo akalilongese; kakwatuma ahichike uhenge.

Miaso (Masamu) 32:8

Mungukufumba, mungukulongesa jila yize muwendelamo. Mungukwaha mana nikukutala ni liso liami.

Yishima 19:20

Panjika ku yiyulo, tambula kufumba, ukapwe ni mana ku songo lia mwono we.

Izaya 5:4

Chuma chasalako chika munguhasa kulinga nawa ha munda wami wa uva? Muze nataliletalile ukeme uva kuchi te wemine uva ja mu yambu?

Izaya 63:8

Mumu wambile ngwenyi, Pundu o atu jami, ana a malunga waze kechi kangwonga. Chocho walipwishile Chilamwina cho.

Jeremia 17:23

Hindu kapanjikile chipwe kutela matwi, alioze akalishile makota jo, kuchina mevwa akaafumbule.

Jeremia 25:5

Alumukenu eswe, ku ndako jenu jipi ni ku yitanga yenu yipi, nukatwame mu chifuchi chino Yehova hanwaha, kuli yenu ni kuli tulamba twenu chize ku shakulu ndo ku miaka.

Jeremia 36:3

Hanji munyachi wa Yunda mevwa yuma yikalu yeswe yize ngunambe kulinga kuli ayo hanga mutu mweswe akatuke ku ndako jenyi jipi ngukaakonekene uhenge wo ni shili yo.

Jeremia 38:17

Mba Jeremia yamba kuli Zedekia ngwenyi, Yehova, Zambi-ya-Tujita, Zambi ya Izalele kanambe ngwenyi, Nyi munuzeya kuli alemu ja mwanangana wa Babilonia kechi kunushiha, ni chihunda chino kechi kuchocha ni kahia, ni yenu ni munyachi wenu, munukatwama ni mwono.

Jeremia 6:8

Ivwa kutoweza chino, ena Yerusaleme kuchina mungukuchiza mbunge; kuchina mungukupwisa chihunda cha hululu, chifuchi kuchishi atu.

Jeremia 7:7

nyi munu linga chocho mba mungunutayiza kutwama muma muno, mu chifuchi chize nahanyine ha shakulu kuli tulamba twenu ha miaka yeswe.

Jeremia 8:6

Hinatelako matwi, hinapanjika, alioze kahanjikile kanawa. Niumwe kanalikonyeka ha ungulungulu wenyi ngwenyi, Yika nalinga? Mweswe kanatalikisa mu jila yenyi mwene ngwe kavwalu yoze kanalimbilila mu jita.

Hosea 9:9

Hanalichisa chikolo, ngwe ha matangwa ja Ngibia. Iye kumakewuluka uhenge wo; kumakafwetesa milonga yo.

Zefania 3:2

Kapanjikile ku liji nilimwe, katayile kumufumba, kafulielele Yehova, kakundamine kuli Zambi yenyi.

Shimbi 4:16

Kuchina munulilumbula nikulisongela kaponya mu kulifwa cha mujimba weswawo, hanji mu kulifwa cha lunga, hanji cha pwo,

1 Timoteu 1:5

Alioze songo lia shimbi ngwo, Zango lia ku mbunge yitoma, ni shimbi yipema ya mbunge: ni Ufulielo uze kuushi ulembekese.

2 Petulu 3:9

Mwene keshi kuvumiwa ni chilakenyo chenyi, ngwe amwe akunyonga kupwa kuvuma; aiioze iye chihomboloji kuli yenu, se kazangile niumwe kutoka, aiioze eswe alikonyeke.