Zefania 3:6 - MUKANDA USANDU WA ZAMBI 1975

⁶ Hinasutula mavungu; yipanga yo ya mawe yinapuzuka. Hinenyeka matapalo jo, chocho niumwe keshi kwendelamo. Yihunda yo hiyalumuka ya hululu; kumushi mutu; kumushi mwenyayo.

Mukanda Wa Zambi 1970

⁶ Mwene Zambi kanambe ngwenyi: “Hingunonona mavungu amuwundu, hingunenyeka membo jo, ni kububa yipanga yo ni mazuwo jo asuku. Membo jo haabwa ahululu, mu majila kumwasalile niumwe.

Zefania 3:6 Iomraidhean Croise

Izaya 14:26

Che chikuma hanapale ha kutwala ku hashi heswe chenacho. Ni lie kwoko lia kuzoza helu lia mavungu eswe lienalio.

Izaya 37:36

Mba mungelo wa Yehova yatuhuka, yalamba mu chilombo cha A-Asuria kulakaji lia tununu ni makumi nake a tununu ni tununu atano. Muze akwo halaula chimenemene kumanyi eswe apwile afu.

Izaya 6:11

Ami yingwamba ngwami, Mwene, ndo mwiji muka? Aye yamba ngwenyi, Ndo yihunda muyipwa ya hululu, ni yoze matwamamo wakuhi, ni mazuwo keshi malunga, ni chifuchi muchisala cha woya,

Jeremia 9:12

Mutu wa mana yoze yuma yino muyimulumbunuka, iya? Yoze hevwa chuma chino ku kanwa lia Yehova akahase kuchilumbununa, iya? Kuchi te chifuchi hachenyeka, hachipihisa ngwe puya, kashika niumwe mapalikilako?

Alevi 26:31

Mungupwisa yihunda yenu yahululu. Mungupwisa mazuwo jenu asandu ngwe puya, mba chichi kuhumbika milambu yenu ya lupembo mupema.

Zefania 2:5

Lamba kuli yenu nwatwama ku mbaka, enu akwa vungu lia A-Cherete! Liji lia Yehova Malimika ni yenu, enu A-Kanana, chifuchi cha A-Filistea. Mungukanwonwona ndo niumwe mwenyembo kechi kasalako.

Zakaria 7:14

Kashika naamwangine ni chijimbi hakachi ka mavungu eswe kaanyingikine. Chocho chifuchi cho chasalile cha hululu; niumwe wapajekelemo, ni chifuchi chipema achipwishile cha hululu.

Mateu 23:38

Ivwenu, zuwo lienu hanalihichika kuli yenu Hahululu.

1 Korintu 10:11

Achi, yino yuma yaawanyine ngwe yilweza; yasonewene mukutukanyamisa, yetu, masongo ja miaka hanatuhete.

1 Korintu 10:6

Achi, yino yuma yapwile yilweza kuli yetu, hanga kutuchi kevwa usolo wa yuma yipi, ngwe ayo nawa evwile usolo.

Yoshua 23:4

Haliapwila hinanusela mavungu aze asala akapwe chihinga cha minyachi yenu, hamuwika ni mavungu aze eswe hinasutula, chize ku Yordau ndo ku Kalunga-lwiji Munene uli ku Chitokelo.