Zefania 3:20 - MUKANDA USANDU WA ZAMBI 1975

²⁰ Ha mwaka uze mungukanunjisa; mungukanukungulula; mumu mungukanupwisa jina lia lufuma ni uhaliso hakachi ka mavungu eswe a hashi muze mungukuhilwisa kuwaha chenu ku meso jenu. Chocho kanambe Yehova.

Mukanda Wa Zambi 1970

²⁰ Tangwa kulineza lize munguhilwisa ku mahiahia jo atu jenu waze amwangashanyine. Mungunufumanyisa hashi heswe, mungunuyukisa nawa.” Mwene Zambi hachamba.

Zefania 3:20 Iomraidhean Croise

Miaso (Masamu) 35:6

Jila yo yikalé, yikasenunuke, mungelo wa Yehova akaahange.

Izaya 56:5

mungwaaha mwe mu zuwo liami muchima lia yishimi yami, Chiwulwiso ni jina kuhiana ana a malunga ni a mapwo. Mungwaaha jina lia mutolo lize kulichi kajimuka.

Izaya 56:8

Mwene Yehova mukwa kukonga A-Izalele aze haambila kanambe ngwenyi, Mungukunga kuli iye akwo nawa helu lia waze hanaakongo.

Izaya 60:15

Mumu wapwile uli wa kwehuka ni kukuvwila kole, niumwe kapwile nikupalikilamo, kashika mungukakupwisa wa ulamba wa mutolo, ni uwahililo chize ku miaka ndo ku miaka.

Izaya 61:9

Ana jo makaanyingika hakachi ka mavungu; waze masemuka kuli ayo makaanyingika hakachi ka minyachi. Waze eswe makaamona makaatayiza ngwo, Atu a kuwahisa kuli Yehova.

Izaya 62:12

Kumakaatongola ngwo, E atu asandu; likwo nawa ngwo, Kule ja Yehova. Makanutongola ngwo, A kufupa, lie limbo kalimbilile.

Izaya 62:7

kanda numwecha ndo hanakolesa Yerusaleme, ndo hanayipwisa uhaliso hano hashi.

Izaya 66:22

Mumu Yehova kanambe ngwenyi, Chizechene ngwe lilu liaha ni hashi haha yize mungulinga muyikalinduluka kumeso jami, chocho ni ana jenu ni jina lienu muyikalinduluka.

Jeremia 23:3

Henaho mungukonga masalila ja mapanga jami ku yifuchi yeswe kuze hinaahumina. Mungwaneha nawa ku limba lio mba masema ni kuliokesa.

Jeremia 29:14

Yehova kanambe ngwenyi, Mununguwana mba munguhilwisa kuwaha chenu ni kunukonga ni kunuchiza ku mavungu eswe ni yifuchi yeswe kuze hinanuhumina mba mungunuhilwisa nawa ku chifuchi kuze nanuchijile hatangu ngukanutume ku unjize. Chocho kanambe Yehova.

Jeremia 30:3

Mumu Yehova kanambe ngwenyi, Matangwa kaneza muze munguhilwisa kuwaha cha atu jami A-Izalele ni A-Yunda. Mungukaaneha nawa ku chifuchi chize nahanyine kuli tulamba two, mba makachizuka. Chocho kanambe Yehova.

Jeremia 33:9

Ni chihunda chino kumuchikapwa kuli yami jina lia uwahililo, ni uhaliso, ni uhenya kumeso ja mavungu eswe a hashi waze mevwa yipema yize yeswe mungwalinga. O kumakevwa woma ni kuchikima mumu ha yipema yeswe ni kuwaha cheswe mungwalingila.

Ezekiel 16:53

Mungukahilwisa kuwaha cho; kuwaha cha Sondome ni anenyi a mapwo, ni kuwaha cha Samaria ni anenyi a mapwo; chikwo nawa mungukahilwisa kuwaha cha yena mwene hakachi ko,

Ezekiel 28:25

Mwene Yehova kanambe ngwenyi, Muze mungukakonga munyachi wa Izalele hakachi ka mavungu kuze anamwanganyina, ni kusolola usandu wami muli ayo kumeso ja mavungu, mba makatwama mu chifuchi cho ene chize nahanyine kuli kavumbi kami Yakomba.

Ezekiel 34:16

Mungukufupa waze anatoko; mungukuhilwisa waze hanajimbata; mungukajichika muya yilema; mungukakolesa akwa upekepeke; mungukonwona akwa maji ni akwa tachi, ni kwalisa ni ululi.

Ezekiel 37:12

Kashika profeteza wambe kuli ayo ngwe, Mwene Yehova kanambe ngwenyi, Kumungukapakula mafuka jenu; mungukanuhindwisa ku mafuka jenu, enu atu jami. Kumungukanuneha ku mahienu mu chifuchi cha Izalele.

Ezekiel 37:21

hi amba kuli ayo ngwe, Mwene Yehova kanambe ngwenyi, Munguchiza A-Izalele ku mavungu kuze hanayi; mungwakonga sali ni sali ngukaanehe mu chifuchi cha ayo ene.

Ezekiel 39:13

Akwa chifuchi eswe makafunda A-Ngoke, mba muchikapwa cha kwalemesa ha tangwa lize mungukasolola uhenya wami. Chocho kanambe Mwene Yehova.

Ezekiel 39:28

Henaho makanyingika yami nguli Yehova Zambi yo mumu naatumine ku unjize hakachi ka mavungu, mba naakungile nawa ku chifuchi cha ayo ene. Chichi kahichika niumwe akasale hakachi ka mavungu nawa.

Joele 3:1

Mumu ha matangwa aze ni miaka yize muze mungukuhilwisa kuwaha cha Yunda ni Yerusaleme,

Amose 9:14

Mungukahilwisa kuwaha cha atu jami A-Izalele mba makatungulula yihunda yize hiyapuzuka, makatwamamo. Makalima minda ya uva nikunwa vinyu yayo; makalinga manaka nikulia mihuko yo.

Mika 2:12

Enu A-Yakomba, pundu mungukanukunga eswe; mungukakunga masalila ja Izalele. Mungwasela hamuwika ngwe mapanga mu limba; ngwe mbunga ya mapanga ku ulilo wo; mbunga ya malunga ni chimbangwinya.

Mika 4:7

Yilema mungukaapwisa masalila, ni waze aambilile mungukaapwisa vungu lia tachi mba Yehova makapwa mwanangana wo mu mulundu wa Zaione chize ku mwakono ndo ku miaka yeswe.

Zefania 2:7

Mbaka muyipwa chihinga cha masalila ja munyachi wa A-Yunda kuze Analishila yimuna. Mu mazuwo ja Asekalone mapomba ha chingoloshi; mumu Yehova Zambi yo maewuluka ni kwahilwisa kuwaha cho.

Zefania 3:19

Ha mwaka uze mungukasopesa waze eswe akukupinjisa. Mungukalamwina mukwa kupalita; mungukakungulula waze aahumine. Waze aakolesele sonyi hashi heswe, mungwapwisa uhaliso, ni jina lia lufuma.

Zakaria 8:13

Nwapwile kashilikilo ka kushinga hakachi ka mavungu, chizechene yenu akwa munyachi wa Yunda ni munyachi wa Izalele mungukanulamwina mba munupwa chiwape. Kanda nwivwa woma; moko jenu akatakame.

Zakaria 8:8

Mungukaaneha akatwame mu Yerusaleme. O kumakapwa atu jami, ni yami mungukapwa Zambi yo, ni umwenemwene ni ululi.

Malaki 3:12

Mavungu eswe makanutongola ngwo, Kunwawaha, mumu munukapwa chifuchi cha uwahililo. Chocho kanambe Yehova-wa-Tujita.

Shimbi 26:18

Yehova halishika ni yenu musono nukapwe atu a mbala a iye, ngwe anulakenyene, hanga nufunge maliji jenyi eswe a shimbi.

Shimbi 26:19

Akanunangamise helu lia mavungu eswe waatangile iye, ni uhaliso, ni lufuma, ni ulemu, hanga nukapwe atu asandu a Yehova Zambi yenu, ngwe ambile iye.