Zefania 3:19 - MUKANDA USANDU WA ZAMBI 1975

¹⁹ Ha mwaka uze mungukasopesa waze eswe akukupinjisa. Mungukalamwina mukwa kupalita; mungukakungulula waze aahumine. Waze aakolesele sonyi hashi heswe, mungwapwisa uhaliso, ni jina lia lufuma.

Mukanda Wa Zambi 1970

¹⁹ Tangwa kulineza lize mungumwesa lamba waze akunubinjisa. Mungulamwina akwa kubalita, munguhilwisa njize ku mahiahia jo. Munguchiza sonyi jo, mungwalemesa. Akwa hashi eswe maachichimieka.

Zefania 3:19 Iomraidhean Croise

Izaya 26:11

Yehova, kwoko lie hiliazunduka, hindu kalimwene. Amone kama zango lie lia tachi hali atu je, akevwe sonyi. Kahia ka akwa kulimika ni yena kakaalalise.

Izaya 33:1

Lamba kuli yena chonwonyi, yena mwene kakwonwene; ena mukwa mafwefwe, niumwe halinga ni mafwefwe kuli yena. Muze mulitwamina kwonwona, mba akwo makwonwona; muze mulitwamina kulinga ni mafwefwe, akwo malinga ni mafwefwe kuli yena.

Izaya 60:14

Ana ja waze anupinjishile meza nikuhetamina hashi kuli yenu; waze eswe anulelesele mahetamina ku yiliato yenu. Kumakanutongola ngwo, Limbo lia Yehova, Zaione ya mwe Musandu wa Izalele.

Izaya 60:18

Upupilo kechi ka wivwa nawa mu chifuchi chenu, chipwe kwenyeka ni kwonwona mu manjiza jenu. Munukatongola yipanga yenu ngwenu, Ulamwino, munukatongola mapito jenu ngwenu, Uhaliso.

Izaya 61:7

Kusalakana sonyi jenu munupwa ni yihanda yiali, kusalakana sau munuwahilila ni chihinga chenu. Kashika mu chifuchi chenu munuzuka yihanda yiali, uwahililo wenu muupwa wa mutolo.

Izaya 62:7

kanda numwecha ndo hanakolesa Yerusaleme, ndo hanayipwisa uhaliso hano hashi.

Jeremia 30:16

Kashika waze akukunongesa kumakanonga, akwa kole je eswe kumaya ku ufunge, e eswe lume. Waze mapunda upite we kumakaapunda. Waze eswe makupupa kumakapupiwa.

Jeremia 30:19

Momwene mukatuhukila miaso ya kusakwila, ni maliji ja akwa kusehejela. Mungukaokesa; kechi katepuluka; mungukaaha ulemu; kechi kakeha.

Jeremia 31:8

Mungwachiza ku chifuchi cha ku Norte, mungwakonga chize ku kusula-songo lia hashi. Hakachi ko kumukukapwa afwa-meso ni yitonji, ni tufumba ni tufumbakaji hamuwika, mbunga yinene, eswe makahiluka kuno kwene.

Jeremia 33:9

Ni chihunda chino kumuchikapwa kuli yami jina lia uwahililo, ni uhaliso, ni uhenya kumeso ja mavungu eswe a hashi waze mevwa yipema yize yeswe mungwalinga. O kumakevwa woma ni kuchikima mumu ha yipema yeswe ni kuwaha cheswe mungwalingila.

Jeremia 46:28

Yehova kanambe ngwenyi, Yena kavumbi kami Yakomba kanda wivwa woma, mumu yami hamuwika ni yena nguli. Mungumanununa wupu mavungu aze eswe kuze hinanuhumina, alioze yenu chichi kunumanununa liakulu. Mungunufumba ni kulita. Chichi kunuhichika chizechene ni kastigu yakuhi.

Ezekiel 16:27

Kashika nazozele kwoko liami kulimika ni yena; natepulwile chihanda che cha kukusela, ni kukukunjika ku chipululu cha akwa kole je, mapwo ja A-Filistea waze evwilile sonyi ndako je ja usolo.

Ezekiel 16:57

shimbu te ungulungulu we kanda aufukula? Haliapwila hiwalifwa nenyi, umwe kanamuyungu kuli ana ja Endome ni enyembo jenyi eswe ni kuli ana ja A-Filistea. Waze eswe a kukujingilika kanakulelesa.

Ezekiel 34:16

Mungukufupa waze anatoko; mungukuhilwisa waze hanajimbata; mungukajichika muya yilema; mungukakolesa akwa upekepeke; mungukonwona akwa maji ni akwa tachi, ni kwalisa ni ululi.

Ezekiel 39:13

Akwa chifuchi eswe makafunda A-Ngoke, mba muchikapwa cha kwalemesa ha tangwa lize mungukasolola uhenya wami. Chocho kanambe Mwene Yehova.

Ezekiel 39:26

Kumakavulama sonyi jo, ni mafwefwe aze eswe angulingile, muze makatwama kawape mu chifuchi cho ni yoze maavwisa woma wakuhi;

Mika 7:10

Mba mukwa kole yami makamona, ni sonyi mujikafuka yoze wangwambile ngwenyi, Yehova Zambi ye kuli ali? Meso jami kumakamutala ni kulikwiza; mba makamuliata ngwe malowa a mu tapalo.

Zefania 3:15

Yehova hachiza uhiso uze wa kulimika ni yena; hambila akwa kole je. Mwanangana wa Izalele, mwe Yehova mwali muli yena; kuchi kevwa nawa woma wa yuma yipi.

Zakaria 8:23

Yehova-wa-Tujita kanambe ngwenyi, Ha matangwa aze kumi lia malunga a ku mavungu ja malimi eswe makakwata ku hina lia mutu umuwika Ka-Yunda nikwamba ngwo, Tutayize kuya ni yena mumu hitwevwa lufuma ngwo, Zambi hwali hamwe ni yenu.

Shimbi 26:19

Akanunangamise helu lia mavungu eswe waatangile iye, ni uhaliso, ni lufuma, ni ulemu, hanga nukapwe atu asandu a Yehova Zambi yenu, ngwe ambile iye.

Hebreu 12:13

Lingenu majila a kululama ha molu jenu, hanga chilema kechi kakondoloka, aiioze Shinaho akahinduke.

Usolwelo 20:9

O afutunukine ha kuzazuluka cha hashi, o ajingilikile chilombo cha asandu, ni limbo lize analizange chikolo: ni kahia kahulumukine ka kuli Zambi mwilu, kaalesele.

Akwa Kuyula 1:7

Adonibezeke yamba ngwenyi, Makumi shimbiali a mianangana naatetele minwe yo ya shina ku moko ni ku molu, anjile yifwenyufwenyu kushi ha mesa yami. Chize nalingile Zambi hananguhilwisacho. Chocho amunehene ku Yerusaleme, yafwilako.