Zefania 3:17 - MUKANDA USANDU WA ZAMBI 1975

¹⁷ Yehova Zambi ye mwali muli yena, mwe ka jita yoze wakuhana kukumba. Kumakevwa kuwaha ni yena ni chiseke chinji; kumakakuhuzulula mu zango lienyi; kumakalikwiza ni yena ni miaso ya tachi

Mukanda Wa Zambi 1970

¹⁷ Mwene Zambi, Zambi yenu, kali hamwe ni yenu; ndundo jenyi jinanukwase kukumba. Mwene Zambi mawahilila ni yenu, mu zango lienyi manwaha mwono Waha. Kumaanwimbila ni kuwahilila,

Zefania 3:17 Iomraidhean Croise

Ubutukilo 1:31

Mba Zambi yamona yuma yeswe yize halinga ngwenyi, Chinapeme chikolo. Yikupwa chingoloshi, yikupwa chimene, tangwa liamuchisambano.

Ubutukilo 17:1

Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

Ubutukilo 18:14

Chuma chimwe muchipwa chikomokeso kuli Yehova nyi? Ha kangonde wa kutesa kumungwiza nawa kuli yena muze mwaka hiwaheta mba Sara makasema mwana.

Ubutukilo 2:2

Ha tangwa liamuchishimbiali Zambi yamanuna milimo yenyi yize alingile, mba ha tangwa liamuchishimbiali yahwima ku milimo yenyi yeswe yize alingile.

Miaso (Masamu) 147:11

Yehova kakuwahilila muli waze akumuvwila woma, ni muli waze akutalatala ku keke yenyi.

Miaso (Masamu) 149:4

Mumu Yehova kakuwahilila ni atu jenyi. Kumapemesa yimbovu ni ulamwino.

Miaso (Masamu) 78:65

Henaho Mwene walawile ngwe mu tulo; ngwe umwe mukwa tachi yoze unakalumioka ha mukunda wa vinyu.

Izaya 12:2

Zambi iye ulamwino wami, mungufuliela, chichi kwivwa woma; mumu Yehova, Yehova iye tachi jami ni mwaso wami. Iye hanapu ulamwino wami.

Izaya 12:6

Likwizenu, imbenu ni uwahililo, enu nwatwama mu Zaione, mumu mwe Musandu wa Izalele kalema hakachi kenu.

Izaya 18:4

Mumu Yehova wambili kuli yami ngwenyi, Kuma kwami kwakutwama munguhwima nikutala, ngwe chivukuminya cha kutemuka ni mwalwa, ngwe lelwa lia mume ha chivukuminya cha kucha.

Izaya 63:1

Iya yono kanakatuka ku Endome, kanazala uzalo wa ulombo uchila wa ku Mbozera, mazalo jenyi a uhenya, kanende mu kulumbama cha tachi jenyi? Yami nguneza nikwambujola usambiso, yami nguli ni ndundo kulamwina.

Izaya 63:12

Yoze wasele kwoko lienyi lia uhenya kwe ku kwoko lia Mose lia chindume; yoze wapulile e meya kumeso jo nikulifumanyishina jina lia mutolo iya?

Izaya 65:19

Ni yami munguwahilila ni Yerusaleme, mungwivwa chiseke ni atu jami. Kechi kevwamo nawa liji lia kulila, hanji muteto wa lamba.

Izaya 9:6

Mumu kuli yetu hikwasemuka umwe kemba, kuli yetu hahana umwe mwana wa lunga. Chiyulo kumuchikapwa ha chipaya chenyi, ni jina lienyi mamuluka ngwo, Longeshi wa mana mukwa kukomwesa, Zambi ya Ndundo, Tata ya Miakulwila, Mwanangana wa Sambukila.

Jeremia 32:41

Mungukawahilila ha kwalinga yipema, mungukaatumba mu chifuchi chino ni umwenemwene, ni mbunge yami yeswe, ni mwono wami weswe.

Hosea 14:4

Mungukawuka kukokoloka cho; mungukaazanga liakulu, mumu utenu wami hiwatewuluka kuli ayo.

Joele 2:21

Ena chifuchi, kanda wivwa woma. Waha nikuwahilila, mumu Yehova hanalingi yuma yinene.

Zefania 3:15

Yehova hachiza uhiso uze wa kulimika ni yena; hambila akwa kole je. Mwanangana wa Izalele, mwe Yehova mwali muli yena; kuchi kevwa nawa woma wa yuma yipi.

Zefania 3:5

Yehova muchima lienyi mukwa ululi, kalingile nichimwe chipi. Tangwa ha tangwa chimene upatwilo wenyi wa kulita unasoloka; ha kucha cha tangwa keshi kuhona, alioze akwa uhenge keshi sonyi.

Kwalula 14:8

Nyi Yehova wawahilila muli yetu, iye kumakatunjisa mu chino chifuchi, kumakatwahacho; chifuchi kuze kunokela yamwa ni wuchi.

Luka 15:32

Alioze chatamba kusehejela nikuwahilila; mumu yono mwanakwenu wapwile mufu, mba kali ni mwono cheka nawa; watokele, mba hamuwana.

Yoano 13:1

Achi, shimbu te chiwanyino cha Chizomboka kanda chiheta, Yesu nikunyingika ola yenyi hiyeza akatuke hashi akaye kuli mwe Tata, se hanazange nienyi mwene, waze apwile hano hashi, waazangile ndo ku songo.

Yoano 15:11

Yino yuma hinahaniika kuli yenu, hanga uwahililo wami ukapwe muli ycnu, ni uwahililo wenu ukazale tó.

Shimbi 23:15

Nyi ndungo machina kako, meza kuli yenu, kanda numukunjika kuli kako.

Shimbi 30:9

Yehova Zambi yenu makanufumbula ku milimo yeswe ya moko jenu, ni ana a ku mijimba yenu, ni ana a yimuna jenu, ni mbuto ya ha mavu jenu, hanga nuwahe. Mumu Yehova makawahilila nawa hali yenu, nuwahe, ngwe iye wawahililile hali akakenu,

Hebreu 7:25

Kashika kanahase nawa kulamwina ndo ku songo, waze akukundama kuli Zambi mu jina lienyi, se matangwa eswe katwama ni mwono mukwahakwila.