Zefania 3:16 - MUKANDA USANDU WA ZAMBI 1975

¹⁶ Ha tangwa lize makamba ku Yerusaleme ngwo, Ena Zaione, kanda wivwa woma; moko je kanda ahonga.

Mukanda Wa Zambi 1970

¹⁶ Tangwa kulineza lize maambila Yerusaleme ngwo: “Limbo lia Zione, kanda wivwa woma! Moko je kanda alekumuka!

Zefania 3:16 Iomraidhean Croise

Jobe 4:3

Ena hiunafumbu anji, hiunatakamisa moko aze anahongo.

Izaya 25:9

Ha tangwa lize mamba ngwo, Mwe Zambi yetu yono! Twamutwaminyinyine atulamwine. Mwe Yehova yono twatwaminyinyine tuwahililenu ni kulikwiza ni ulamwino wenyi.

Izaya 40:9

Ena Zaione kanganda ka sango lipema, kanduka ku mulundu usuku; ena Yerusaleme kanganda ka sango lipema, kololoka ni tachi, kololoka, kanda wivwa woma; amba ku yihunda ya Yunda ngwe Talenu Zambi yenu!

Izaya 41:10

ngwami, Kanda wivwa woma, nguli hamwe ni yena, kanda ulishimwoka, nguli Zambi ye. Kumungukutakamisa, kumungukukwasa, kumungukuzundula ni kwoko liami lia chindume lia ululi.

Izaya 44:2

Yehova yoze wakutangile, wakuwumbile mu jimo makakukwasa, kanambe ngwenyi, Kanda wivwa woma kavumbi kami Yakomba, ena Yeshurene nakutongwele.

Izaya 54:4

Kanda wivwa woma, kuchi kwivwa sonyi; kanda utatajala, kechi kukukolesa sonyi. Mumu mukavulama sonyi ja wana-mapwo we, ni luchoko wa utwamishi we kuchi kamwiwuluka nawa.

Joele 2:21

Ena chifuchi, kanda wivwa woma. Waha nikuwahilila, mumu Yehova hanalingi yuma yinene.

Zakaria 8:13

Nwapwile kashilikilo ka kushinga hakachi ka mavungu, chizechene yenu akwa munyachi wa Yunda ni munyachi wa Izalele mungukanulamwina mba munupwa chiwape. Kanda nwivwa woma; moko jenu akatakame.

Zakaria 8:15

chocho nawa Yehova-wa-Tujita kanapale matangwa ano kulinga chipema ku Yerusaleme, ni ku munyachi wa Yunda. Kanda nwivwa woma.

Yoano 12:12

Muze hikwacha, mbunga yinene ya waze ejile ku chiwanyino, muze evwile ngwo, Yesu kaneza ku Yerusaleme,

2 Korintu 4:1

Kashika se uvumbiko uno tuli nawo, nikulita ni keke yino hitunawane, kutushi kulezumioka:

Galashia 6:9

Mba kanda tulezumuka ha kulinga kanawa; mumu ha mwaka wacho kumutukacha nyi kutuchi kakokoloka.

Efesu 3:13

Kashika ngunanuhinjila ngwami, Kanda nulezumuka ha luyinda wami hali yenu, mwenawo uhenya wenu.

Hebreu 12:12

Kashika ololenu moko aze a upekepeke, ni makungunwa a kukokoloka.

Usolwelo 2:3

ni chize wakunyongonona, ni chize wevwile lamba mumu ha jina liami, ni chize kwevwile yikatalo.