Zefania 3:15 - MUKANDA USANDU WA ZAMBI 1975

¹⁵ Yehova hachiza uhiso uze wa kulimika ni yena; hambila akwa kole je. Mwanangana wa Izalele, mwe Yehova mwali muli yena; kuchi kevwa nawa woma wa yuma yipi.

Mukanda Wa Zambi 1970

¹⁵ Mwene Zambi hasa songo ku lamba lienu; Akwa kole jenu eswe haachiza. Mwene Zambi, mwanangana wa Aisraele, kali hamwe ni yenu; Haliabwila kukushi nawa nichimwe chize munuvwila woma.

Zefania 3:15 Iomraidhean Croise

Ubutukilo 30:23

Yaka ufumba, yasema mwana, yamba ngwenyi, Zambi hanguchiza sau.

Miaso (Masamu) 149:2

Izalele akawahilile muli yoze wamutangile. Ana ja Zaione akawahilile muli mwanangana wo.

Miaso (Masamu) 19:9

Woma wa Yehova upema, kuwakulinduluka ku miaka ya mutolo. Upatwilo wa Yehova wamwenemwene, weswe wa ululi.

Miaso (Masamu) 85:3

Hiunachiza ufwatulo we weswe. Hiunatewuluka ku kusasaminya cha utenu we.

Izaya 12:6

Likwizenu, imbenu ni uwahililo, enu nwatwama mu Zaione, mumu mwe Musandu wa Izalele kalema hakachi kenu.

Izaya 25:8

Kumakakumba che kufwa ndo ku miaka ya mutolo mba Mwene Yehova makusumuna masoji ku meso eswe. Ni sau lize liatwama hali atu jenyi makalichiza hashi heswe, mumu Yehova hanachambe.

Izaya 33:22

Mumu Yehova iye ngaji yetu, Yehova iye mukwa kutuyula; Yehova iye mwanangana wetu, makatulamwina.

Izaya 35:10

Kule ja Yehova makahiluka nikwiza ku Zaione nikwimba, ni uwahililo wa mutolo ha mitwe yo. Kumakawana uwahililo ni chiseke; mba chinyengo ni mikuma muyikachina.

Izaya 51:22

Mwene we, Yehova Zambi ye, mukwa kuhakwila atu jenyi kanambe ngwenyi, Hinachiza ku kwoko lie we musenge wa kupiepietesa, musenge wa ufwatulo wami kuchi kuunwa nawa.

Izaya 52:9

Enu yihela ya hululu mu Yerusaleme, putukenu mwaso hamuwika, mumu Yehova hanawumbijeka atu jenyi; hanakula Yerusaleme.

Izaya 54:14

Mukajikijila mu ululi, mukatwama kusuku ni upinjiso, mumu kuchi kwivwa woma; mukatwama kusuku ni mwongo mumu kuuchi kakukundama.

Izaya 60:18

Upupilo kechi ka wivwa nawa mu chifuchi chenu, chipwe kwenyeka ni kwonwona mu manjiza jenu. Munukatongola yipanga yenu ngwenu, Ulamwino, munukatongola mapito jenu ngwenu, Uhaliso.

Izaya 65:19

Ni yami munguwahilila ni Yerusaleme, mungwivwa chiseke ni atu jami. Kechi kevwamo nawa liji lia kulila, hanji muteto wa lamba.

Jeremia 8:19

Panjikenu muteto wa mwana wa pwo atu jami, ha usuhe ni unene wa chifuchi ngwo, Yehova keshimo mu Zaione? Mwanangana wenyi katwamine muli iye? Kuchi te hanangwihi ni tuponya two twa kwola hi mahamba jo a tundaka?

Ezekiel 35:10

Mumu wambile ngwe, Mavungu wano aali ni yifuchi yino yiali, yeswe muyikapwa niyami mba mutuyizuka—chipwe Yehova kokwene kwali—

Ezekiel 36:15

Chichi katayiza nawa nukevwe kuchoka cha mavungu; kunuchi katambula nawa sau lia mavungu; ni yenu kunuchi katalingisa nawa vungu lienu. Chocho kanambe Mwene Yehova.

Ezekiel 39:29

Chichi kaaswekela nawa meso jami muze mungukazukula Spiritu yami hali akwa munyachi wa Izalele. Chocho kanambe Mwene Yehova.

Ezekiel 48:35

Muchipwa cha kumi Ha tununu ni tununu nake a mbungu kweswe kwa kujingilika. Jina Iia chihunda chize ku tangwa lize mulipwa Yehova Mwali.

Joele 3:17

Chocho munukanyingika ngwenu, Yehova iye Zambi yetu katwama ha mulundu wenyi usandu wa Zaione. Mba Yerusaleme muyikapwa yisandu, ni yilambala kechi kupalikako nawa.

Amose 9:15

Mungukaatumba mu chifuchi cho, mba kechi katukukako nawa ku chifuchi chize hinaaha. Chocho kanambe Yehova Zambi yenu.

Mika 7:10

Mba mukwa kole yami makamona, ni sonyi mujikafuka yoze wangwambile ngwenyi, Yehova Zambi ye kuli ali? Meso jami kumakamutala ni kulikwiza; mba makamuliata ngwe malowa a mu tapalo.

Habakuke 2:17

Upupilo uze walingilile Lebano muukulundumukina, kwonwona cha tushitu muchikukolesa woma mumu ha manyinga ja atu ni upupilo wa hashi, ku yihunda ni waze eswe atwamamo.

Habakuke 2:8

Mumu yena hiwapupa mavungu anji, kashika waze analisalaho ku mavungu kumakakupupa, mumu ha manyinga ja atu ni upupilo wa hashi, ku yihunda ni waze eswe atwamamo.

Zefania 3:17

Yehova Zambi ye mwali muli yena, mwe ka jita yoze wakuhana kukumba. Kumakevwa kuwaha ni yena ni chiseke chinji; kumakakuhuzulula mu zango lienyi; kumakalikwiza ni yena ni miaso ya tachi

Zefania 3:5

Yehova muchima lienyi mukwa ululi, kalingile nichimwe chipi. Tangwa ha tangwa chimene upatwilo wenyi wa kulita unasoloka; ha kucha cha tangwa keshi kuhona, alioze akwa uhenge keshi sonyi.

Zakaria 12:3

Ha tangwa lize mungukapwisa Yerusaleme luliwe lulemu ha mavungu eswe. Waze eswe maluzundula malilemeka, ni mavungu eswe a hashi malikungulula kulimika nalwo.

Zakaria 14:11

Atu makatwamamo mumu kukuchi kapwa nawa shingo. Yerusaleme muyikatwama kawape.

Zakaria 9:9

Ena mwana-pwo Zaione, Wahilila chikolo! Ena mwana-pwo Yerusaleme, likwize! Mwanangana wenu kaneza kuli yenu; aye mukwa kukangana, mukwa kukumba, hindu kanalikehesa, kanende hali chimbulu, te hali mwana-chimbulu wa kusemuka kuli chimbulu.

Yoano 1:49

Natanele wamukumbulwile ngwenyi, Longeshi, mwe Mwana Zambi yena; mwe Mwanangana wa Izalele yena.

Yoano 12:15

Kanda wivwa woma, yena mwana wa Zaione; Tala Mwanangana we kaneza, kanatwama hali mwana-chimbulu.

Yoano 19:19

Pilatu wasonekene jina nawa, nikulisa ha kulusu. Kwasonewene ngwo, Yesu Ka-Nazare, Mwe Mwanangana wa A-Yunda.

Yoano 5:30

Chishi kuhasa kulinga nichimwe ukawami: ngwe nakwivwa, chocho nakupatula: ni upatwilo wami wa ululi; mumu chishi kufupa upale wami, alioze upale wa yoze wangutumine.

Usolwelo 12:10

Mba nevwile liji linene mwilu ngwo, Haliapwila ulamwino, ni tachi, ni wanangana wa Zambi yetu hiuneza, ni yiyulo ya Kristu yenyi: mumu hananyase hashi mukwa kusuma mandumbu jetu, yoze wakwasuma kumeso ja Zambi yetu mwalwa ni ufuku.

Usolwelo 18:20

Ivwa chiseke, yena lilu, ni yenu asandu, ni yenu apostolo, ni yenu aprofeta; mumu Zambi hanapatula upatwilo wenu hali iye.

Usolwelo 19:16

Iye ha hina lienyi ni ha chitongo chenyi jina akwete, linasonewa ngwo, Mwanangana wa mianangana, Mwene WA ENE.

Usolwelo 7:15

Kashika kwali kulutwe lia ngunja ya Zambi; kakumulingila mwalwa ni ufuku mu tembele yenyi: ni yoze watwama ha ngunja mazazulula mbalaka yenyi hali ayo.