Zefania 3:14 - MUKANDA USANDU WA ZAMBI 1975

¹⁴ Ena mwana-pwo Zaione, imba ni liji linene. Ena Izalele, kololoka! Ena mwana-pwo Yerusaleme wahilila ni kulikwiza ni mbunge ye yeswe.

Mukanda Wa Zambi 1970

¹⁴ Yenu Aisraele, imbenu mwaso wa chiseke! Yenu akwa Yerusaleme, likwizenu ni mbunge jenu jeswe!

Zefania 3:14 Iomraidhean Croise

Nehemia 12:43

Yalambula milambu yinene tangwa lize nikulikwiza; mumu Zambi waahele kulikwiza cha uwahililo unene. Ni mapwo ni ana nawa yalikwiza; chocho uwahililo wa Yerusaleme yawivwa chipwe kusuku.

Miaso (Masamu) 14:7

Nyi kachi ulamwino wa Izalele muutuhuka mu Zaione te! Muze Zambi mahilwisa ufunge wa atu jenyi, mba A-Yakomba mawahilila; mba A-Izalele mevwa chiseke. Samu lia David.

Miaso (Masamu) 149:2

Izalele akawahilile muli yoze wamutangile. Ana ja Zaione akawahilile muli mwanangana wo.

Miaso (Masamu) 97:8

Zaione wachivwile nikuwahilila. Ana ja Yunda evwile chiseke mumu ha upatwilo wa yena Yehova.

Izaya 12:6

Likwizenu, imbenu ni uwahililo, enu nwatwama mu Zaione, mumu mwe Musandu wa Izalele kalema hakachi kenu.

Izaya 29:19

Mukwa kushimbika matambula uwahililo waha muli Yehova; ni yiswale hakachi ka atu kumakalikwiza muli mwe Musandu wa Izalele.

Izaya 35:2

Kumuyikatemuna nikulumbama nikuwahilila ni chiseke ni kwimba. Mahanako uhenya wa Lebano, ni ulamba wa Karmela ni Sharone. Kumakamona uhenya wa Yehova ni ulamba wa Zambi yetu.

Izaya 37:22

kashika liji Yehova hanambe ha kutwala kuli iye lino: Mwe mwana-pwo wa *virgem Zaione kanakulelesa; kanakusehe nikukulenya. Mwana-pwo Yerusaleme kanalengesela mutwe wenyi.

Izaya 40:1

Umbijeka atu jami, umbijeka, chocho kanambe Zambi yenu.

Izaya 40:9

Ena Zaione kanganda ka sango lipema, kanduka ku mulundu usuku; ena Yerusaleme kanganda ka sango lipema, kololoka ni tachi, kololoka, kanda wivwa woma; amba ku yihunda ya Yunda ngwe Talenu Zambi yenu!

Izaya 51:11

Waze aakulile Yehova kumakahiluka, meza ku Zaione nikwimba. Uwahililo wa mutolo muupwa ha mitwe yo; kumakazuka uwahililo ni chiseke, mba chinyengo ni mikuma muyikachina.

Izaya 52:9

Enu yihela ya hululu mu Yerusaleme, putukenu mwaso hamuwika, mumu Yehova hanawumbijeka atu jenyi; hanakula Yerusaleme.

Izaya 54:1

Imba, ena mumba kwasemene! Putuka mwaso ni kulikwiza, ena kwafumbajalile! Mumu ana ja mukwa kuyindama mahiana ana ja mukwa ulo. Chocho kanambe Yehova.

Jeremia 30:19

Momwene mukatuhukila miaso ya kusakwila, ni maliji ja akwa kusehejela. Mungukaokesa; kechi katepuluka; mungukaaha ulemu; kechi kakeha.

Jeremia 31:13

Henaho ana-mapwo makawahilila ni kuhangana ni akweze ni makulwana makasehejela. Mungwalumuna kulila cho mu uwahililo. Mungwalembejeka; mungwaaha chiseke ha chinyengo cho.

Jeremia 33:11

kumakevwa nawa liji lia kusehejela, ni liji lia chiseke, ni liji lia sandungi, ni liji lia ndungi, ni liji lia njimba shimbu manehaneha milambu ya kusakwila ku zuwo lia Yehova ngwo, Sakwililenu kuli Yehova-wa-Tujita mumu Yehova iye mupema, mumu utu wa zango lienyi wa mutolo. Mumu kumungukahilwisa kuwaha cha chifuchi chize chapwile hatangu. Chocho kanambe Yehova.

Joele 2:23

Enu ana ja Zaione, Wahililenu. Likwizenu muli Yehova Zambi yenu, mumu kakunwaha vula musazu nikulita. Kakunutuma vula, ni vula musazu, ni vula wa samakwasa ha kakweji mutangu.

Mika 4:8

Mba kuli yena kaposhi wa mbunga ya mapanga kanda mulundu wa mwana-pwo Zaione, kuli yena muchikeza, chiyulo cha ku shakulu muchikeza; wanangana wa mwana-pwo Yerusaleme.

Mateu 21:9

Mbunga jize angutetekelele ni jize akawile, akololokele ngwo, Vulie! Mwana David! Kufumana yoze meza mu jina lia Mwene; Vulie! mwilu mwahiana!