Zefania 3:13 - MUKANDA USANDU WA ZAMBI 1975

¹³ Waze malisalaho mu Izalele kechi kalinga chipi nichimwe. Kechi kahanjika mahuza; chipwe kuwana mu makanwa jo limi lia kwonga. Mumu makawana kelo; makapomba; niumwe makaakolesa woma wakuhi.

Mukanda Wa Zambi 1970

¹³ Aisraele waze maasala ni mwono keechi kulinga chibi kuli mutu niumwe, keechi kuhanjika mahuza, hanji kweseka kwonga. Kumaayuka, kumaatwama mu uhwimino, keechi kuvwila niumwe woma.”

Zefania 3:13 Iomraidhean Croise

2 Sango Ja Mianangana 20:30

Chocho chifuchi cheswe cha Yehosofate chahwimine, mumu Zambi yenyi yamwaha kuhwima kweswe kwa kujingilika.

Jobe 11:19

Kumukapomba, niumwe mahasa kukukolesa woma. Anji meza nikuwunjila kuli yena.

Miaso (Masamu) 119:3

Chipwe uhenge keshi kuulinga; kakwenda mu majila jenyi.

Miaso (Masamu) 120:2

Yehova, pulula kama mbunge yami ku mivumbo ya mahuza ni ku limi lia kwonga.

Miaso (Masamu) 120:3

Yika makwaha? Yika makulinga nawa, ena limi lia kwonga?

Miaso (Masamu) 23:2

Kakungupombesa muma mwa kelo; kakungutwala mu sesa lia meya a uhwimino.

Izaya 17:2

Yihunda yenyi mayichina ndo ku miaka yeswe; kumuyipwa wendelo wa yimuna waze mautaminako, mba niumwe maavwisa woma.

Izaya 35:8

Kumukukapwa tapalo, jina lialio Tapalo Lisandu. Akwa luchisa kechi kapalikako ni akwa kupalikako kechi kapiasuka, chipwe mapwa yihepuke.

Izaya 54:14

Mukajikijila mu ululi, mukatwama kusuku ni upinjiso, mumu kuchi kwivwa woma; mukatwama kusuku ni mwongo mumu kuuchi kakukundama.

Izaya 6:13

Alioze umwe hakachi ka kumi malisalaho, hindu machocha nawa, ngwe mutondo wa terebine, hanji carvalho, uze wahichika chimbunji mu mavu ha kuupakula. Munyachi lisandu che chimbunji.

Izaya 60:21

Atu jenu eswe makapwa akwa ululi; kumakazuka chifuchi ndo ku miaka ya mutolo nikupwa mutondo uze natumbile, chitanga cha moko jami, hanga akangwehe uhenya.

Izaya 63:8

Mumu wambile ngwenyi, Pundu o atu jami, ana a malunga waze kechi kangwonga. Chocho walipwishile Chilamwina cho.

Izaya 65:10

Sharone muyikapwa ulilo wa mapanga, chikulo cha Akore muchikapwa kuma kwa kuutamina ngombe, ni hali atu jami waze hangufupa.

Jeremia 23:4

Mungwasela tufunga waze maafunga mba kechi kevwa nawa woma chipwe kulishimwoka. Niumwe makahona nawa. Chocho kanambe Yehova.

Jeremia 30:10

Kashika Yehova kanambe ngwenyi, Kanda wivwa woma, yena Yakomba kavumbi kami, ni yena Izalele kanda ulishimwoka, mumu mungukakulamwina chipwe kusuku. Mungukalamwina ana je ku chifuchi cha ufunge wo. Yakomba makahiluka ni kuhola ni kuhwima, niumwe mamukolesa woma.

Jeremia 31:33

Alioze Yehova kanambe ngwenyi, Usendo mungukolesa ni munyachi wa Izalele kulutwe lia matangwa aze uno, Mungukasa shimbi yami muchima lio, ni kuyisoneka ha mbunge jo. Mungukapwa Zambi yo, no makapwa atu jami.

Ezekiel 39:26

Kumakavulama sonyi jo, ni mafwefwe aze eswe angulingile, muze makatwama kawape mu chifuchi cho ni yoze maavwisa woma wakuhi;

Joele 3:17

Chocho munukanyingika ngwenu, Yehova iye Zambi yetu katwama ha mulundu wenyi usandu wa Zaione. Mba Yerusaleme muyikapwa yisandu, ni yilambala kechi kupalikako nawa.

Joele 3:21

Kumungukakala manyinga jo aze te chaakalile; mumu Yehova katwama mu Zaione.

Alevi 26:6

Mungunwaha uhwimino mu chifuchi. Munupomba kanawa, niumwe manuvwisa woma. Munguchiza ngongo api mu chifuchi. Chipwe katana ka jita kechi kupalika mu chifuchi chenu.

Mika 4:4

alioze mutu mweswe matwama mushi lia mutondo wenyi wa uva hanji mushi lia mutondo wenyi wa makuyu; niumwe maavwisa woma mumu kanwa lia Yehova-wa-Tujita hilinahanjika.

Mika 4:7

Yilema mungukaapwisa masalila, ni waze aambilile mungukaapwisa vungu lia tachi mba Yehova makapwa mwanangana wo mu mulundu wa Zaione chize ku mwakono ndo ku miaka yeswe.

Mika 7:14

Funga atu je ni mbwechi ye; ye mbunga ya mapanga je a chihinga, waze atwama ukawo mu musenge, he hakachi ka chifuchi cha manaka. Akalie mu Mbashane ni Ngiliate ngwe ku matangwa a shakulu.

Zefania 2:7

Mbaka muyipwa chihinga cha masalila ja munyachi wa A-Yunda kuze Analishila yimuna. Mu mazuwo ja Asekalone mapomba ha chingoloshi; mumu Yehova Zambi yo maewuluka ni kwahilwisa kuwaha cho.

Zefania 3:5

Yehova muchima lienyi mukwa ululi, kalingile nichimwe chipi. Tangwa ha tangwa chimene upatwilo wenyi wa kulita unasoloka; ha kucha cha tangwa keshi kuhona, alioze akwa uhenge keshi sonyi.

Zakaria 8:12

Mumu kumukukapwa mbuto ya sambukila ni kuwaha; Mitondo ya uva muyikema mihuko, ni mavu makahana mbuto yako, ni malilu makahana mume wako, mba mungukayukisa masalila ja vungu lino ni yuma yino yeswe.

Zakaria 8:16

Yuma munukalinga yino; Hanjikenu umwenemwene umwe kuli mukwo ni mukwo; ku malwaza jenu lingenu upatwilo wamwenemwene uze wakukoka sambukila;

Zakaria 8:3

Yehova kanambe ngwenyi, Mungukahiluka ku Zaione, mungukatwama hakachi ka Yerusaleme, mba makatongola Yerusaleme ngwo, Chihunda cha jika, ni mulundu wa Yehova-wa-Tujita, makautongola ngwo, Mulundu usandu.

Mateu 13:41

Mwe Mwana Mutu kumakatuma angelo jenyi, kumakakunga yitalingiso yeswe ni waze akulinga uhulia, makaachiza mu wanangana wenyi.

Yoano 1:47

Yesu wamwene Natanele kaneza kuli iye, yamba ha kutwala kuli iye ngwenyi, Talenu Ka-Izalele wamwenemwene, muli iye wakuhi kalimbalimba niumwe!

Kolosu 3:9

Kanda nuhanjika mahuza umwe kuli mukwo; se hinunazula mutu mukulu hamwe ni yilinga yenyi,

1 Petulu 3:14

Alioze chipwe kachi munukevwa lamba mumu ha ululi, kunwawaha: kanda nukevwa woma ku woma wo, chipwe kanda nulipikala;

1 Yoano 5:18

Tunanyingika ngwetu, Mweswawo wasemuka kuli Zambi keshi kuvulumiona; aiioze yoze wasemuka kuli Zambi kakulifunga mwene, ni mwe chingulungulu keshi kumukwata.

Usolwelo 14:5

Mu makanwa jo kawanyine mahuza niamwe, keshi kapalia.

Usolwelo 21:27

Ni chuma cha luchisa, chipwe yoze wakulinga chizelwokeso, chipwe yoze wamutomba mahuza, kechi kanjilamo nichimwe: aiioze waze wika anaasoneka mu mukanda wa mwono wa mwe Mwana-panga.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.