Zefania 3:11 - MUKANDA USANDU WA ZAMBI 1975

¹¹ Ha tangwa lize kechi kunukolesa sonyi ha mukunda wa yitanga yize nwangukatukilile nayo; mumu ha mwaka uze munguchiza hakachi kenu waze akulisamba ni kulengumuka cho, ni yenu kunuchi kulizata nawa mu mulundu wami usandu.

Mukanda Wa Zambi 1970

¹¹ Ha matangwa waze yenu atu jami hikunuchi kwivwa nawa sonyi mumu nwangukatukilile. Munguchiza akwa kulengumuka ni akwa kulizata eswe, kunuchi kungukatukila nawa ha mulundu wami wa chijila.

Zefania 3:11 Iomraidhean Croise

Miaso (Masamu) 131:1

Yehova, mbunge yami kuyishi kulizelula. Meso jami chishi kwatwala kwilu naye. Chipwe yami chendele mu yuma yinene, hanji mu yuma yize yakukomwesa naye kuli yami.

Miaso (Masamu) 49:5

Kuchi te mungwivwa woma ha matangwa a yuma yipi muze uhenge wakungujingilika kwe ku tushijino twami.

Miaso (Masamu) 59:12

Mumu ha shili ya mu makanwa jo, ni maliji a ha mivumbo yo akakwachike mu kulengumuka cho, mumu te ha matuka ni mahuza aze akuhanjika.

Izaya 11:9

Niumwe mavwisa yikola hanji kwonwona mweswe mu mulundu wami usandu; mumu hashi muhazala ni chinyingi cha Yehova ngwe meya akufuka kalunga-lwiji.

Izaya 2:12

Mumu Yehova-wa-Tujita kali ni tangwa lia kulimika ni akwa kulengumuka ni akwa kulizata eswe, kulimika ni akwa kulifuza eswe ni kwanunguna,

Izaya 45:17

Alioze Yehova kakulamwina A-Izalele ni ulamwino wa mutolo. Enu kunuchi kevwa sonyi chipwe kutatajala ku miaka ya mutolo.

Izaya 5:15

Atu kanahetama, malunga hanalimbuka, ni meso ja akwa kulizata hanaahombola.

Izaya 54:4

Kanda wivwa woma, kuchi kwivwa sonyi; kanda utatajala, kechi kukukolesa sonyi. Mumu mukavulama sonyi ja wana-mapwo we, ni luchoko wa utwamishi we kuchi kamwiwuluka nawa.

Izaya 56:7

wano mungwaneha ku mulundu wami lisandu, ni kwaaha uwahililo mu zuwo liami lia kulembela. Milambu yo ya kulumba ni yitapo yo mungutambula ha chilumbilo chami; mumu zuwo liami malitongola ngwo, Zuwo lia kulembela lia mavungu eswe.

Izaya 61:7

Kusalakana sonyi jenu munupwa ni yihanda yiali, kusalakana sau munuwahilila ni chihinga chenu. Kashika mu chifuchi chenu munuzuka yihanda yiali, uwahililo wenu muupwa wa mutolo.

Jeremia 13:9

Yehova kanambe ngwenyi, Chizechene mungulumbula kulengumuka cha Yunda ni kulengumuka chinene cha Yerusaleme.

Jeremia 7:4

Kanda nufuliela maliji wano a kwonga ngwo, Yino yinapu tembele ya Yehova, tembele ya Yehova, tembele ya Yehova.

Ezekiel 20:40

Mumu Mwene Yehova kanambe ngwenyi, Ha mulundu wami, we mulundu usuku wa Izalele, akwa munyachi wa Izalele e eswe makangulingila mu chifuchi. Kwenako mungukaatambula; kwenako mungwita milambu yenu ni ye yipema hakachi ka yawana yenu, hamwe ni yitapo yenu yisandu.

Ezekiel 24:21

Amba kuli akwa munyachi wa Izalele ngwe, Mwene Yehova kanambe ngwenyi, Mungukajilula zuwo liami lisandu, we uhenya wa tachi jenu ni chize meso jenu anawahilila nacho, ni chize nwakuzanga ni mbunge jenu jeswe. Anenu a malunga ni a mapwo waze nwahichikile kunyima kumafwa ni katana.

Daniel 9:16

Mwene, nikulita ni yitanga ye yeswe ya ululi, utenu we ni ufwatulo we ukakatuke ku chihunda che cha Yerusaleme, ku mulundu we usandu. Mumu ha mukunda wa milonga yetu ni uhenge wa tulamba twetu, Yerusaleme ni atu je hanalumuka kashilikilo hakachi ka waze eswe anatujingilika.

Daniel 9:20

Shimbu munguchihanjika nikulemba, nikushikisa shili yami ni shili ya atu jami A-Izalele, ni kuliumba kumeso ja Yehova Zambi yami mumu ha mulundu usandu wa Zambi yami;

Mika 3:11

Akwa lutwe jako kakupatula ha chindo; asasendote jako kakulongesa ha fweto; aprofeta jako kakutaha ha mbongo; hindu kakujamina hali Yehova nikwamba ngwo, Yehova hwali hakachi ketu; nichimwe chipi muchikatuwana.

Kwalula 16:3

Yalikungulula nikulimika ni Mose ni Arone, yamba kuli ayo ngwo, Hikwahwa ni yenu! Mumu akwa chikungulwila eswe asandu, mutu mweswe, Yehova hwali hakachi ko. Kuchi te nunalitangala helu lia mbunga ya Yehova?

Mateu 3:9

kanda nushinginyeka kwamba muli yenwene ngwenu, Apalahama tuli nenyi kaka: mumu ngunambe kuli yenu ngwami, Chipwe ku mawe ano Zambi mahasa kusangula ana kuli Apalahama.

A-ROMA 2:17

Alioze kachi yena, kanakuvuluka ngwo, Ka-Yunda, wakulijikijila ha shimbi, wakulisamba muli Zambi,

A-ROMA 9:33

Ngwe chinasonewa ngwo, Talenu mungusa mu Zaione liwe lia kuhukanyisa, ni luliwe lwa kutalingisa; ni yoze mafuliela kuli iye kechi kevwa sonyi.

1 Petulu 2:6

Mumu chinasonewa mu chisoneko ngwo, Talenu, mungusa mu Zaione liwe lia lutwe lia mbango, lia kutongola, lilemu; yoze mamufuliela kechi kevwa sonyi.