Zefania 3:1 - MUKANDA USANDU WA ZAMBI 1975

¹ Lamba kuli chihulia yoze halichisa, chihunda cha kupinjisa akwo!

Mukanda Wa Zambi 1970

¹ Akwa Yerusaleme lamba lio, limbo ha uhenge ni lia uhulia lize Wakubinjisa atu jenyi mwene.

Zefania 3:1 Iomraidhean Croise

Izaya 30:12

Kashika mwe Musandu wa Izalele kanambe ngwenyi, Se nwakulelesa liji lino, nunajikijila kupinjisa ni kupiya, ni kulikolelaho;

Izaya 5:7

Mumu munda wa uva wa Yehova-wa-Tujita we munyachi wa Izalele, ni malunga a Yunda kapwa wande wenyi upema. Yafupa upatwilo wa kulita, alioze yawana manyinga a kumwanga; yafupa ululi, kumanyi yevwa muteto wika!

Izaya 59:13

Twakuvulumuna, twakulikala Yehova, twakuhambuluka mu jila ya kukaula Zambi yetu, twakuhanjika kupinjisa ni kukolema, twakunyonga mu mbunge maliji a mahuza, twakwahanjika nawa.

Izaya 59:6

Wandajili wo kuuchi kupwa uzalo, niumwe mahasa kulifuka ni milimo yo. Yilinga yo yitanga ya uhenge, yitanga ya upupilo yili mu moko jo.

Jeremia 22:17

Alioze yena uli ni meso ni mbunge ya kunyonga kufumbuka cha uhenge, ni kumwanga manyinga keshi chitela ni kulinga upinjiso ni upupilo.

Jeremia 5:23

Alioze akwa vungu lino kali ni mbunge ja pami ni kukolema. Hanapianguka, hanayi kusuku.

Jeremia 6:6

Mumu Yehova-wa-Tujita kanambe ngwenyi, Pakulenu mitondo yenyi, lingenu mulumba wa kuseleka Yerusaleme. Che chihunda chino chatamba kuchilamba, mumu nichimwe chuma chilimo shina kupingjisa wika.

Jeremia 6:7

Chizechene ngwe shima nakufunga meya jalio aha, chocho iye kakupwa ni ungulungulu wenyi waha. Kakwivwa upupilo ni kwonwona muli iye, kuyiza ni yilonda yili kumeso jami matangwa eswe.

Ezekiel 22:29

Atu a mu chifuchi hafwetesa atu ni mbenga ni kwiya yuma. Hapinjisa yiswale ni akwa kuhona; hafwetesa njize, ni yoze maakwasa wakuhi.

Ezekiel 22:7

Muli yena yisemi kakwalelesa; muli yena ngeji kakwafwetesa ni mbenga; ni ana-ashiwa ni tuliwa kakwavulumuna muli yena.

Ezekiel 23:30

hiwakukokela chuma chino mumu hiwalinga ukoi ni akwa mavungu ni kulichisa ni mahamba jo.

Alevi 1:16

Akatukile chisakwilia ni yize yilimo akachimbile ku lumbu lia chilumbilo liatata ku Chivumbuko, ku chichilila cha uto.

Amose 3:9

Ambululenu mu mbonge ja Ashedode ni mu mbonge ja chifuchi cha Engitu ngwenu, Kungulukenu ha milundu ya Samaria nukamone chizungozungo muli ayo ni we upinjiso hakachi ko.

Amose 4:1

Ivwenu liji lino, enu ngombe a ku Mbashane, enu nuli mu mulundu wa Samaria, nwakupinjisa yiswale, nwakufwenya akwa kuhona, nwakwamba kuli akwenu-malunga ngwenu, Nehenu tunwe.

Mika 2:2

Kakuvwila kuzo ya minda, mba mayitambula. Kakuvwila kuzo ya mazuwo, mba maachiza. Kakupinjisa mutu ni zuwo lienyi, ni mutu ni chihinga chenyi.

Zakaria 7:10

Kanda nupinjisa twamishi, hanji shiwa, hanji njize, hanji chiswale. Niumwe kanda atakila mukwo chuma chipi mu mbunge yenyi.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.