Zefania 2:9 - MUKANDA USANDU WA ZAMBI 1975

⁹ Yehova-wa-Tujita, Zambi ya Izalele kanambe ngwenyi, Kashika, ni mwono wami Moape malumuka ngwe Sondome, ni A-Amone mapwa ngwe Ngomora, chifuchi cha kutakana ni mikalale ni matenga a mungwa, chifuchi cha hululu ndo ku miaka. Masalila ja atu jami maapupa, ni atu jami aze alisalaho maazuka.

Mukanda Wa Zambi 1970

⁹ Mwene Zambi Mukwa Ndundo Jeswe, Zambi ya Aisraele, kanambe ngwenyi: Ni mwe yami mwene, Amoabe ni Aamone kumaanonga ngwe chize anongene membo ja Sodome ni Gomora. Kumaabwa ngwe mena ja mungwa, kumeenyeka ndoo ku miaka yeswe, maasoka yambu yibi. Atu jami waze maasala ni mwono, e maabuba ni kutambula chifuchi cho.”

Zefania 2:9 Iomraidhean Croise

Izaya 11:14

Alioze kumakahulumukina ha chipaya cha A-Filistea ku Chitokelo; hamuwika kumakapupa akwa Chivumbuko. Kumakazoza moko jo kulimika ni A-Endome ni A-Moape, ni A-Amone maononokena.

Izaya 25:10

Mumu kwoko lia Yehova kumulikatula ha mulundu uno ni A-Moape mapwa a kuliata kuma kwo ngwe kakuliata mwambu mu wina wa wilo.

Izaya 49:18

Hetula meso je umone kweswe kwa kujingilika; eswe kanakunguluka, kaneza kuli yena. Yehova kanambe ngwenyi, Ni mwono wami, kumukaazala ngwe chuma cha uhenya, kumukalikashilo ngwe ndungi kakulinga.

Jeremia 46:18

Mwe Mwanangana jina lienyi Yehova-wa-Tujita kanambe ngwenyi, Ni mwono wami, chizechene ngwe Tabore hakachi ka milundu, ngwe Karmela ku kalunga-lwiji chocho meza.

Jeremia 48:1

Ha kutwala kuli A-Moape. Yehova-wa-Tujita, Zambi ya Izalele kanambe ngwenyi, Lamba lia Nebo mumu hanenyekako! Kiriataime hanayikolesa sonyi, hanayitambula; mbongo yako hanayikolesa sonyi; hanayipuzula,

Jeremia 49:1

Ha kutwala kuli A-Amone. Yehova kanambe ngwenyi, Izalele te keshi ni ana a malunga? Swana keshi nenyi niumwe? Nyi chocho kuchi te Milikome hasalakana Ngate, ni atu jenyi hatwama mu yihunda yako?

Jeremia 49:18

Chizechene ngwe muze hanunguna Sondome ni Ngomora ni yihunda ya kujingilika niumwe matungako, niumwe matwamako njize, chocho kanambe Yehova.

Jeremia 49:33

Hazore muyikalumuka wendelo wa mikuza kanda puya ya mutolo. Niumwe matungako, niumwe matwamako njize.

Jeremia 50:40

Chizechene ngwe muze Zambi wanungwine Sondome ni Ngomora, ni yihunda ya kuyijingilika, chocho niumwe mutu matungamo, niumwe mwana mutu matwamamo njize. Chocho kanambe Yehova.

Amose 1:13

Yehova kanambe ngwenyi, Mumu ha milonga yitatu ya A-Amone hanji yiwana, chichi kahilwisa kastigu, mumu yahangula mapwo tufumba mu Ngiliate hanga akatohese manjiza jo.

Amose 2:1

Yehova kanambe ngwenyi, Mumu ha milonga yitatu ya Moape hanji yiwana, chichi kahilwisa kastigu, mumu halumuna kale yifwaha ya mwanangana wa Endome.

Zefania 2:14

Yimuna makapomba hakachi kacho, tushitu eswe a mavungu; ni makuyu, ni chisekele kumakapomba ha masongo a manguji jenyi. Liji lio mulikahiohia mu njanela jako, ndo ku yikolo mukupwa kwa hululu, mumu makafukula milimo yenyi ya sedru.

Zefania 2:7

Mbaka muyipwa chihinga cha masalila ja munyachi wa A-Yunda kuze Analishila yimuna. Mu mazuwo ja Asekalone mapomba ha chingoloshi; mumu Yehova Zambi yo maewuluka ni kwahilwisa kuwaha cho.

Zefania 3:13

Waze malisalaho mu Izalele kechi kalinga chipi nichimwe. Kechi kahanjika mahuza; chipwe kuwana mu makanwa jo limi lia kwonga. Mumu makawana kelo; makapomba; niumwe makaakolesa woma wakuhi.

Zakaria 2:13

Enu akwa musunya weswe, holenu kúlú kumeso ja Yehova, mumu hakasumuka ku zuwo lienyi lisandu.

Kwalula 14:21

Alioze, chamwenemwene, ni mwono wami, chizechene ngwe hashi heswe muhakatakana ni ulemu wa Yehova,

A-ROMA 14:11

Mumu chinasonewa ngwo, Mwene kanambe ngwenyi, Ni mwono wami makungunwa eswe kumakaliumba kuli yami, malimi eswe kumakahalisa Zambi.

Shimbi 29:22

Mba chisemuko muchikapwa, ana jenu aze makasemuka kulutwe lienu, ni kandaka yoze makakatuka ku chifuchi chisuku, ha kumona lamba lia chifuchi chenu, ni weji Yehova anuyijishile nawo.

Shimbi 29:23

Chifuchi cheswe chapwa fundanga, ni mungwa, ni mbwemena, chifuchi kachikuwile ni mbuto, kuchemine, chipwe mwambu niumwe kuwasokelemo, ngwe apupile Sondome ni Ngomora, ni Andama, ni Zepoime, Yehova wayipupile ni utenu wenyi, ni ufwatulo wenyi.