Zefania 2:7 - MUKANDA USANDU WA ZAMBI 1975

⁷ Mbaka muyipwa chihinga cha masalila ja munyachi wa A-Yunda kuze Analishila yimuna. Mu mazuwo ja Asekalone mapomba ha chingoloshi; mumu Yehova Zambi yo maewuluka ni kwahilwisa kuwaha cho.

Mukanda Wa Zambi 1970

⁷ Ayuda waze maasala ni mwono enoo maazuka chifuchi chenu. Kwenako maalishila yimuna jo ni kubomba mu mazuwo ja akwa Ashkelone. Mumu Mwene Zambi mabwa hamwe no, maawahisa nawa.

Zefania 2:7 Iomraidhean Croise

Ubutukilo 50:24

Mba José yamba kuli ayayo ngwenyi, Mungufwa alioze Zambi pundu makeza kuli yenu, manuchiza ku chifuchi chino akanutwale ku chifuchi chize achilakenyene ni shingo kuli Apalahama, ni kuli Izake, ni kuli Yakomba.

Miaso (Masamu) 80:14

Zambi-wa-Tujita, tunaliumbu, utewulukile nawa. Kwilu watwama, tala hashi, umone, uhete ku chinjinda chino,

Miaso (Masamu) 85:1

Yehova hiunavwila vumbi chifuchi che. Hiunahilwisa funge ja kuli Yakomba.

Kutuhuka 4:31

E atu afulielele mba muze evwile ngwo, Yehova te hanangisa A-Izalele, hamona luyinda wo, hohene yahetamisa mitwe yo nikuwayila.

Izaya 11:11

Ha tangwa lize Mwene mazoza kwoko lienyi chisuho chamuchiali akahilwise masalila ja atu jenyi aze asala ku Asuria, ni ku Engitu, ni ku Patarose, ni ku Etiopia, ni ku Elame, ni ku Shinare, ni ku Hamate, ni ku yifuchi yeswe yasulangana ni kalunga-lwiji.

Izaya 11:14

Alioze kumakahulumukina ha chipaya cha A-Filistea ku Chitokelo; hamuwika kumakapupa akwa Chivumbuko. Kumakazoza moko jo kulimika ni A-Endome ni A-Moape, ni A-Amone maononokena.

Izaya 11:16

Kumukukapwa Chikoka cha kukatuka ku Asuria hali masalila ja atu jenyi aze asalako, ngwe chapwile hali A-Izalele muze akatukile ku chifuchi cha Engitu.

Izaya 14:1

Yehova kumakavwila keke A-Yakomba; kumakatongola cheka nawa A-Izalele, ni kwasa mu chifuchi cho ene. Chipwe tundaka malifutula no ni kulalaminya ku munyachi wa Yakomba.

Izaya 32:14

Mumu zuwo lia mwanangana maliehuka; chihunda cha atu anji machichina; mulundu ni kaposhi wa kalayi muyalumuka mena a tushitu ndo ku miaka, uwahililo wa yimbulu a mu yambu, ni ulilo wa yimuna.

Jeremia 23:3

Henaho mungukonga masalila ja mapanga jami ku yifuchi yeswe kuze hinaahumina. Mungwaneha nawa ku limba lio mba masema ni kuliokesa.

Jeremia 29:10

Mumu Yehova kanambe ngwenyi, Muze makumi shimbiali a miaka hamanunuka ku Babilonia mungununangisa; mungumanununa kuli yenu chize nalakenyene. Mungunuhilwisa ku chifuchi chino.

Jeremia 29:14

Yehova kanambe ngwenyi, Mununguwana mba munguhilwisa kuwaha chenu ni kunukonga ni kunuchiza ku mavungu eswe ni yifuchi yeswe kuze hinanuhumina mba mungunuhilwisa nawa ku chifuchi kuze nanuchijile hatangu ngukanutume ku unjize. Chocho kanambe Yehova.

Jeremia 3:18

Ha matangwa aze munyachi wa Yunda muulinunga ni munyachi wa Izalele mba hamuwika makatuka ku chifuchi cha Norte ni kwiza ku chifuchi chino nahanyine chihinga kuli tulamba twenu.

Jeremia 30:3

Mumu Yehova kanambe ngwenyi, Matangwa kaneza muze munguhilwisa kuwaha cha atu jami A-Izalele ni A-Yunda. Mungukaaneha nawa ku chifuchi chize nahanyine kuli tulamba two, mba makachizuka. Chocho kanambe Yehova.

Jeremia 31:7

Mumu Yehova kanambe ngwenyi, Imbenu ni liji linene lia chiseke mumu hali Yakomba; likwizenu mumu hali mukwa lutwe hakachi ka mavungu. Ambululenu; halisenu nikwamba ngwenu, Yehova hanalamwina atu jenyi, e masalila ja A-Izalele.

Jeremia 32:44

Kumakalanda minda ni mbongo, ni mikanda ya kulanda mayisa majina jo, nikujika yijikilo kumeso ja yela mwe mu chifuchi cha Mbenjamine ni kwa kujingilika Yerusaleme, ni mu yihunda ya Yunda, ni yihunda ya ku chifuchi cha milundu, mu yihunda ya Shefela, ni mu yihunda ya ku Negeve. Mumu munguhilwisa kuwaha cho. Chocho kanambe Yehova.

Jeremia 33:12

Yehova-wa-Tujita kanambe ngwenyi, Muno mwene munapu mwa hululu, kumushi atu chipwe yimuna, ni mu yihunda yamo yeswe, kumukukapwa mazuwo ja tufunga kanahwimisa yimuna jo.

Jeremia 33:7

Mungukahilwisa kuwaha cha Yunda ni kuwaha cha Izalele, nikwatunga nawa chize apwile hatangu.

Jeremia 47:5

Ngeza hapwa ni lwole, Asekalone hanonga. Enu masalila ja A-Anake, ndo mwiji muka munulitetateta?

Ezekiel 39:25

Kashika Mwene Yehova kanambe ngwenyi, Haliapwila mungukahilwisa kuwaha cha Yakomba, mungukavwila keke munyachi weswe wa Izalele. Mungukevwa ukwa ha jina liami lisandu.

Hosea 6:11

Ni yena Yunda kucha che hanakufunjikilacho.

Obadia 1:19

Akwa Negeve kumakazuka mulundu wa Esau. Akwa Shefela kumakazuka A-Filistea. Kumakazuka chifuchi cha Eframe ni chifuchi cha Samaria. Mbenjamine kumakazuka Ngiliate.

Mika 2:12

Enu A-Yakomba, pundu mungukanukunga eswe; mungukakunga masalila ja Izalele. Mungwasela hamuwika ngwe mapanga mu limba; ngwe mbunga ya mapanga ku ulilo wo; mbunga ya malunga ni chimbangwinya.

Mika 4:10

Mwana-pwo Zaione, pinda ni mikuma ngwe mukwa kufumbajala, mumu haliapwila mukatuka ku chihunda ukatwame mu yambu, kumuoya ku Babilonia. Kwenako makakupulwila; kwenako Yehova makakukulila ku tachi ja akwa kole je.

Mika 4:7

Yilema mungukaapwisa masalila, ni waze aambilile mungukaapwisa vungu lia tachi mba Yehova makapwa mwanangana wo mu mulundu wa Zaione chize ku mwakono ndo ku miaka yeswe.

Zefania 2:9

Yehova-wa-Tujita, Zambi ya Izalele kanambe ngwenyi, Kashika, ni mwono wami Moape malumuka ngwe Sondome, ni A-Amone mapwa ngwe Ngomora, chifuchi cha kutakana ni mikalale ni matenga a mungwa, chifuchi cha hululu ndo ku miaka. Masalila ja atu jami maapupa, ni atu jami aze alisalaho maazuka.

Zefania 3:13

Waze malisalaho mu Izalele kechi kalinga chipi nichimwe. Kechi kahanjika mahuza; chipwe kuwana mu makanwa jo limi lia kwonga. Mumu makawana kelo; makapomba; niumwe makaakolesa woma wakuhi.

Zefania 3:20

Ha mwaka uze mungukanunjisa; mungukanukungulula; mumu mungukanupwisa jina lia lufuma ni uhaliso hakachi ka mavungu eswe a hashi muze mungukuhilwisa kuwaha chenu ku meso jenu. Chocho kanambe Yehova.

Hagai 1:12

Henaho Zorobabele mwana Salatiele, ni Yoshua mwana Jehozadake mwe sasendote mukwa lutwe, ni masalila eswe ja atu ononokene ku liji lia Yehova Zambi yo, ni maliji ja profeta Hagaia, chize Yehova Zambi yo hamutuma; mba e atu evwilile woma Yehova.

Hagai 2:2

Amba haliapwila kuli Zorobabele mwana Salatiele, nguvulu wa Yunda, ni kuli mwe sasendote mukwa lutwe Yoshua mwana Jehozadake ni ku masalila eswe ja atu ngwe,

Luka 1:68

Mwene Zambi ya Izalele afumane; mumu hanatale hali atu jenyi, hanaalingila ukule.

Luka 7:16

Eswe akwachile woma; o achichimiekene Zambi ngwo, Profeta munene hanasoloka hakachi ketu; chikwo ngwo, Zambi hanatale hali atu jenyi.

Yilinga 8:26

Alioze mungelo wa Mwene wahanjikile kuli Fwilipe ngwenyi, Katuka, uye ku Sule mu jila yize ya kukatuka ku Yerusaleme ya kupalumuka ku Ngeza: yenayo puya.

Yilinga 8:40

Alioze Fwilipe amuwanyine ku Azote: iye nikupalika ndusu wambujolele sango lipema ku membo eswe ndo wahetele ku Sesarea.

A-ROMA 11:5

Chizechene ha mwaka uno nawa kwali masalila nikulita ni kutongola cha vumbi.

Rute 1:6

Mba yakatuka ni atembwa-anenyi ahiluke ku chifuchi cha Moape mumu te hevwa mu chifuchi cha Moape ngwo, Yehova hanangisa atu jenyi, haaha kulia.