Zefania 2:5 - MUKANDA USANDU WA ZAMBI 1975

⁵ Lamba kuli yenu nwatwama ku mbaka, enu akwa vungu lia A-Cherete! Liji lia Yehova Malimika ni yenu, enu A-Kanana, chifuchi cha A-Filistea. Mungukanwonwona ndo niumwe mwenyembo kechi kasalako.

Mukanda Wa Zambi 1970

⁵ Yenu akwa chifuchi cha Filistia, lamba lienu, yenu waze nwatwama ku mbumbulu ya kalunga lwiji. Mwene Zambi hanubatwila, kumanunongesa, kukuchi kusala niumwe.

Zefania 2:5 Iomraidhean Croise

Izaya 14:29

Enu A-Filistea, kanda nuwahilila eswe, mumu mbwechi anulambile nayo hiyamakuka, alioze ku chikota cha lunoka mukusemuka fwiji, ni mwana wa iye makapwa toto.

Izaya 14:30

Kapula-jimo wa chiswale kumakalia, ni mukwa kuhona makapomba kanawa; alioze munyachi wenu munguushiha ni zala, ni masalila jenu mungwashiha lume.

Jeremia 47:7

Kuchi mahasa kuhola muze Yehova hamutuma? Hanamutongola kulimika ni Asekalone ni ye mbaka.

Ezekiel 25:16

kashika Mwene Yehova kanambe ngwenyi, Munguzoza kwoko liami kulimika ni A-Filistea; mungutetaho A-Cherete ni kwonwona mbaka yeswe yikwo.

Amose 3:1

Enu A-Izalele, ivwenu liji lino Yehova hanahanjika lia kulimika ni yenu, munyachi uze weswe nachijile ku chifuchi cha Engitu, ngwami,

Amose 5:1

Enu munyachi wa Izalele, ivwenu liji lino ngunande lia kunulilila. Ngwami,

Zefania 1:11

Lilenu mbimbi enu nwatwama ku Makateshi, mumu akwa kusepa hahwako, waze eswe akupezalisa prata haatetako.

Zefania 3:6

Hinasutula mavungu; yipanga yo ya mawe yinapuzuka. Hinenyeka matapalo jo, chocho niumwe keshi kwendelamo. Yihunda yo hiyalumuka ya hululu; kumushi mutu; kumushi mwenyayo.

Zakaria 1:6

Maliji jami ni yiyulo yami yize natumine kuli tuvumbi twami aprofeta te kuyawanyine tulamba twenu? Kashika yalikonyeka ngwo, Chizechene ngwe Yehova-wa-Tujita wanyongene kulinga ni yetu mumu ha majila jetu ni yitanga yetu, chochene hatulinga.

Marku 12:12

O afupile kumukwata; alioze evwile woma wa mbunga; mumu anyingikine wahanjikile chishima cha kwahisa: kashika yamuhichika, yakatuka.

Yoshua 13:2

Chifuchi chasala chino, yihanda yeswe ya A-Filistea, ni yeswe ya A-Ngeshure.

Yoshua 13:3

(Chize ku Shihore ku Chivumbuko cha Engitu ndo ku njiza ya Ekrone ku Norte cheswe, ngwo, cha A-Kanana. Mianangana atano a A-Filistea aliko; au wa Ngeza, au wa Ashedode, au wa Asekalone, au wa Ngate, au wa Ekrone) ni cha A-Avimi.

Akwa Kuyula 3:3

E mavungu te wano; miata atano ja A-Filistea, ni A-Kanana eswe, ni A-Sendone, ni A-Hevwe aze atwamine ku mulundu wa Lebano chize ku mulundu wa Mbale-Hermone ndo ku kunjila ku Hamate.

1 Samuel 30:14

Twanehene jita ku Negeve ya A-Cherete, ni ya A-Yunda, ni ku Negeve ya Kalemba. Twochele Zikalage ni kahia.