Zefania 2:3 - MUKANDA USANDU WA ZAMBI 1975

³ Enu eswe akwa kulikehesa mu chifuchi akwa kulinga shimbi jenyi; fupenu Yehova, fupenu ululi, fupenu kulikehesa cha mbunge. Hanji manusweka ha tangwa lia ufwatulo wa Yehova.

Mukanda Wa Zambi 1970

³ Tewulukenu kuli Mwene Zambi, yenu eswe akwa kulikehesa a mu chifuchi, yenu waze nwakwononokena Shimbi jenyi. Lingenu yibema, likehesenu ku meso ja Mwene Zambi. Tangwa likwo kechi kunumwesa lamba ha tangwa lia ufwatulo wenyi.

Zefania 2:3 Iomraidhean Croise

2 Samuel 12:22

Iye yamba ngwenyi, Shimbu mwana achili ni mwono nalilile ni kulitwamina kulia mumu nambile ngwami, Kwiji, hanji Yehova manguvwila vumbi, mwana atwame ni mwono.

Miaso (Masamu) 105:4

Fupenu Yehova ni tachi jenyi. Fupenu meso jenyi matangwa eswe.

Miaso (Masamu) 149:4

Mumu Yehova kakuwahilila ni atu jenyi. Kumapemesa yimbovu ni ulamwino.

Miaso (Masamu) 22:26

Yimbovu kumalia nikukuta; waze akufupa Yehova mamuhalisa; mbunge ye yitwame ni mwono ku miaka ya mutolo.

Miaso (Masamu) 31:20

Muasweka mu chiswamo kumeso je, kuchina punga ya atu. Muasweka ku tenga mu mbalaka ye, kuchina kulitachika cha malimi.

Miaso (Masamu) 45:4

Enda nikuwaha mu ulamba we, mumu ha umwenemwene, ni umbovu, ni ululi. Chindume che muchikulongesa yuma ya kukolesa mwongo.

Miaso (Masamu) 57:1

Nguvwile kama vumbi, Zambi, nguvwile kama vumbi, mumu mbunge yami kuyaswama muli yena. Ewa, mu Chizulie cha mapulwa je munguswama ndo luyinda yono hahwa.

Miaso (Masamu) 76:9

muze Zambi akatukile mukupatula, akalamwine yimbovu eswe a hano hashi.(Litulike.)

Miaso (Masamu) 91:1

Yoze watwama muma mwa kuswama mwa mwe Chitunda kumakatwama mu chihuhumuke cha Mukwa-Ndundo-Jeswe.

Kutuhuka 12:27

Nukambe ngwenu, Chino che chitapo cha Chizomboka cha Yehova mumu te iye yazomboka mazuwo ja A-Izalele mu chifuchi cha Engitu muze alambile A-Engitu, yapulula atu jetu. E atu yahetamisa mitwe, yawayila.

Yishima 18:10

Jina lia Yehova liapwa kaposhi mukolo; mukwa ululi machinyinamo mba mamufungila mwilu.

Izaya 1:17

lilongesenu kulinga yipema; fupenu ululi; yulenu uswi; fungenu ana-ashiwa, hakwilenu tuliwa.

Izaya 11:4

alioze makayula yiswale ni ululi, makapatwila yimbovu a hashi, ni katonde ka. Kumakalamba hashi ni mbwechi ya mu kanwa lienyi, kumakashiha yingulungulu ni mwiku wa mivumbo yenyi.

Izaya 61:1

Spiritu ya Mwene Yehova hwali hali yami, mumu Yehova hananguwayisa ngukanehe sango lipema kuli yiswale. Hanangutumu ngukawuke waze amakuka mbunge, kwambujola kutusuka kuli funge, ni kwazulwila mapito a zuwo lia ususu kuli waze anakashiwa.

Jeremia 39:18

Mumu pundu mungukulamwina; kuchi kufwa ni katana alioze muzuka mwono we ngwe upite wa jita mumu hiunangufuliela. Chocho kanambe Yehova.

Jeremia 45:5

Mba yena unalifupila yuma yilemu yena mwene nyi? Kanda uyifupa, mumu Yehova kanambe ngwenyi, Mungukoka yuma yikalu hali atu eswe, hindu mungukwaha mwono we ngwe upite wa jita kweswako muoya.

Ezekiel 13:5

Kunwakandukile ku yituwa mu chipanga-cha-mawe. Kunwatungile chimwe chipanga-cha-mawe ha munyachi wa Izalele chikajikize mu jita ha tangwa lia Yehova.

Hosea 10:12

Likuwilenu mbuto ya ululi; helenu mihuko ya utu wa zango; chipenu mavu aze helila; mumu mwaka wa kufupa Yehova hiweza hanga akeze nikununokesa ulamwino.

Hosea 7:10

Kulengumuka cha Izalele chakumushindakenya hindu kahilukile kuli Yehova Zambi yo, chipwe kumufupa ha yino yuma yeswe.

Yona 3:9

Iya unanyingika? Hanji Zambi malumuka alikonyeke, atewuluke ku utenu wenyi usasu, ni yetu kutuchi kukuwa.

Zakaria 8:19

Yehova-wa-Tujita kanambe ngwenyi, Kulitwamina kulia ha kakweji wamuchiwana, ni ha kakweji wamuchitano, ni ha kakweji wamuchishimbiali, ni ha kakweji wamuchikumi, yeswe muyipwa kuli akwa munyachi wa Yunda matangwa a uwahililo ni chiseke, ni yiwanyino ya maseho. Kashika zangenu umwenemwene ni sambukila.

Mateu 5:5

Kawaha akwa kushimbika, mumu kumakatunga he hashi.

1 Tesalonika 4:1

Ha yize yinasala, mandumbu, tunaliumbu, nikunushinjila muli Mwene Yesu, chizechene ngwe nwatambwile kuli yetu, ngwe chize Chanutamba kwenda ni kupemena kuli Zambi, chizechene ngwe nwakwenda, hanga nukalumbamemo nawa ni nawa.

1 Tesalonika 4:10

mumu chamwenemwene nwakuzanga mandumbu waze eswe ali mu Masendoniya mweswe. Alioze tunaliumbu, mandumbu, nukalumbamemo nawa ni nawa;

1 Petulu 1:22

Se hinunatomesa mbunge jenu ha kwononoka chenu ku umwenemwene, hanga nukafwile mandumbu ni kufwila chize kuchishi ulembekese, lizangenu umwe mukwo ni mukwo ku mbunge yipema ni mbunge yeswe.

1 Petulu 3:4

aiioze ukapwe mutu wa kuswama wa mbunge, ni kuzala chingunu cha Spiritu ya kushimbika ni ya kuhola, yize kumeso ja Zambi ya ndando yinene chikolo.

2 Petulu 3:18

Alioze tatukenu mu vumbi ni yinyingi ya Mwene wetu kanda Chilamwina chetu Yesu Kristu. Uhenya ukapwe kuli iye, ni haliapwila, ni ndo ku miaka ya mutolo. Amene.