Zefania 2:2 - MUKANDA USANDU WA ZAMBI 1975

² shimbu kanda akolesa shimbi; shimbu tangwa kanda Upalika ngwe yizungu; shimbu utenu usasu wa Yehova kanda unuwana; shimbu tangwa lia ufwatulo wa Yehova kanda linuwana.

Mukanda Wa Zambi 1970

² shimbu kanda nuuma ni kulekama ngwe yitemo, shimbu kahia ka ufwatulo wa Mwene Zambi kanda kachikundama, shimbu kanda achisolola utenu wenyi.

Zefania 2:2 Iomraidhean Croise

Jobe 21:18

O kakupwa ngwe mwambu mu fuji? Kakupwa ngwe yizungu yize yakuhehuka ni kangonga?

Miaso (Masamu) 1:4

Yingulungulu keshi kupwa chocho. O kapwa ngwe yizungu yize yakuhehuka ni fuji.

Miaso (Masamu) 2:12

Mbejenu mwe Mwana, kuchina matenuka mba munukuwa mu jila, mumu utenu wenyi muusasaminya washi. Kawaha waze eswe akuswama muli iye. Samu lia David muze achinyine kumeso ja mwanenyi Absalome.

Miaso (Masamu) 50:22

Zewulenu chuma chino, yenu nwakuvulama Zambi, kuchina mungunupapulula ni yoze manupulula wakuhi.

Izaya 17:13

Mavungu kanachungula ngwe kuchungula cha meya anji. Alioze kumakaakanda mba machina kusuku. Maahuma ngwe yizungu mu fuji ha milundu, ngwe fufuta ya kuhehula kulutwe lia kangonga.

Jeremia 23:20

Utenu wa Yehova kuuchi kahiluka kunyima ndo halinga ni kumanununa yize hapala mu manyonga jenyi. Ha matangwa a kusula muchinulumbunuka zwalala.

Jeremia 4:4

Lipwisenu ngalami kuli Yehova; Chizenu misosha ya mbunge jenu, enu malunga a Yunda ni akwa Yerusaleme; kuchina ufwatulo wami muuvunduka ngwe kahia, nikulekwoka ni yoze makajima wakuhi, mumu ha upi wa yilinga yenu.

Lungungu 4:11

Yehova watuswile ufwatulo wenyi, Wazukwile utenu wenyi usasu; wawikile kahia mu Zaione kaze kalalishile ndo ku fundamentu.

Ezekiel 12:25

Alioze yami Yehova munguhanjika liji lize munguhanjika, mba kumuchikapwa. Kuchichi kalaluka nawa, alioze ha matangwa a yenwene, akwa munyachi wa yihulia, munguhanjika lie liji, mungulilinga nawa. Chocho kanambe Mwene Yehova.

Hosea 13:3

Kashika mapwa ngwe mbundu ya chimene; hanji ngwe mume uze wakuma washi; ngwe yizungu yize yakuhehuka ku chizungwilo hanji ngwe mwishi unakatuka ku njanela.

Nahume 1:6

Iya mahasa kulikoleza ku ufwatulo wenyi? Iya mahasa kujikiza mu chivukuminya cha utenu wenyi? Kakuzukula ufwatulo wenyi ngwe kahia; kakupula ndusu yimawe.

Zefania 1:18

Ha tangwa lia ufwatulo wa Yehova kechi kahasa kulipulula chipwe ni prata yo, chipwe ni oru yo. Mu kahia ka ufwatulo wenyi wa ukwa hashi heswe muhaliwa, mumu makasulisa akwa hashi eswe liakulu, susumuku lume.

Zefania 3:8

Kashika Yehova kanambe ngwenyi, Ngutwaminyine ndo tangwa lize mungumana ngwe chela. Mumu chize hinapatula mu mbunge ngwami, Kukunga mavungu nikukungulula mawanangana hanga ngukaazukwile ufwatulo wami; kusasaminya cheswe cha utenu wami. Mumu akwa hashi eswe makajimuka mu kahia ka ufwatulo wami wa ukwa.

Mateu 24:35

Lilu ni hashi kumuyikahwa, alioze maliji jami kechi kahwa nichimwe.