Zefania 2:10 - MUKANDA USANDU WA ZAMBI 1975

¹⁰ Chino muchipwa nicho mumu ha kulengumuka cho; mumu ha kulenya ni kulizata kulimika ni atu a Yehova-wa-Tujita.

Mukanda Wa Zambi 1970

¹⁰ Chenacho Amoabe ni Aamone maamona lamba mumu haalizata, haalisuta, haashililika atu ja Mwene Zambi Mukwa Ndundo Jeswe.

Zefania 2:10 Iomraidhean Croise

1 Sango Ja Mianangana 16:21

Alioze iye katayijile niumwe kwalinga chipi. Chipwe mianangana waámbilile mumu hali ayo,

Kutuhuka 10:3

Mose ni Arone yaheta kuli Falau, yamba kuli iye ngwo, Chocho anambe Yehova, Zambi ya A-Hepreu, ngwenyi, Ndo mwiji muka kusolo kulilelesa kumeso jami? Echa atu jami aye, akangulingile.

Kutuhuka 9:17

Yena hindu hiwalinangamisa mukulimika ni atu jami, kusolo kwaecha kuya, nyi?

Izaya 16:6

Hitwevwa liji lia kulengumuka cha Moape chize alengumukine, ni kulitohesa, ni kulifuza, ni kulizata. Kulisamba chenyi chapwile cha kwonga.

Jeremia 12:14

Yehova kanambe ha kutwala kuli enyembo jami api, waze akukwata ku chihinga chize hinahana kuli atu jami A-Izalele ngwenyi, Mungwatukula ku chifuchi cho; mungutukula munyachi wa A-Yunda hakachi ko.

Jeremia 48:14

Kuchi nwakwamba ngwenu, Tuli akwa kukumba tuli tujita a ndundo?

Jeremia 48:29

Hitwevwa lufuma wa kulengumuka cha Moape— walengumuka chikolo— ni kulifuza chenyi, ni kulengumuka chenyi, ni kulizata chenyi, ni kulizelula cha mbunge yenyi.

Lungungu 1:9

Luchisa wenyi wapwile ha mahina jenyi; kanyongene upatwilo wenyi, kashika kulimbuka chenyi chakola woma, keshi ni yoze mamuwumbijeka. Yehova! Tala kama luyinda wami, mumu mukwa kole yami hakumba.

Ezekiel 25:6

Mumu Mwene Yehova kanambe ngwenyi, Se nwasakwilile ni koshi, ni kulinyehuna, ni kulikwiza ni shili yize yeswe yapwile muli yenu ha chifuchi cha Izalele,

Daniel 4:37

Kashika yami Nabukanezore ngunahalisa Mwanangana wa mwilu, ni kumwalakana, ni kumulemesa; mumu yitanga yenyi yinalulama, ni ndako jenyi jinalite; kanahase kukehesa waze eswe akwenda nikulilengela.

Obadia 1:11

Ha tangwa lize yena wamanyine ku lumbu. Ha tangwa lize yilambala apunjile yikumba yenyi, ni tundaka anjilile ku yajilo yenyi nikulela chela Yerusaleme, chipwe yena wapwile hamuwika no.

Obadia 1:3

Kulengumuka cha mbunge ye hichakwonga, ena watunga mu yivwenge ya mu mawe, zuwo lie liapwa kwilu; kuwakwamba mu mbunge ye ngwe, Iya manguhulumuna hashi?

Zefania 2:8

Hinevwa kuchoka cha Moape, ni kutukana cha A-Amone, chize hachoka atu jami nikulizata kulimika ni chifuchi cho.

1 Petulu 5:5

Chizechene twanuke, zeyelenu kuli makulwana, ewa, yenu eswe lijichikenu ni muya wa kulikehesa, hanga nukalivumbike umwe ni mukwo ni mukwo: mumu Zambi kakulimika ni akwa kulizelula, aiioze kakuhana vumbi kuli akwa kulikehesa.