Zefania 1:7 - MUKANDA USANDU WA ZAMBI 1975

⁷ Holenu kumeso ja Mwene Yehova, mumu tangwa lia Yehova hiliakundama hakamwihi; Yehova hanalulika yitapo ni kusela ku usandu ngeji jenyi.

Mukanda Wa Zambi 1970

⁷ Tangwa lia Mwene Zambi hiliakundama lize Zambi mabatwila atu, kashika twamenu kuluu ku meso jenyi. Mwene Zambi kanalulika kulambula atu jenyi ngwe mulambu.

Zefania 1:7 Iomraidhean Croise

Jobe 24:1

Kuchi te Mukwa-Ndundo-Jeswe kasele matangwa a upatwilo? Waze anamunyingika kuchi te keshi kumumona nikukwasa?

Miaso (Masamu) 46:10

Holenu, nunyingike, yami Zambi. Mungukanangama hakachi ka mavungu; mungukanangama hashi heswe.

Izaya 13:3

Yami mwene hinamba asandu jami, hinasanyika malunga jami a ndundo akalinge utenu wami, atu jami akwa kuwahilila ni kulikwiza.

Izaya 13:6

Lilenu mbimbi, mumu tangwa lia Yehova hiliakundama; muliza ngwe kwenyeka cha kuli Mukwa-Ndundo-Jeswe.

Izaya 2:12

Mumu Yehova-wa-Tujita kali ni tangwa lia kulimika ni akwa kulengumuka ni akwa kulizata eswe, kulimika ni akwa kulifuza eswe ni kwanunguna,

Izaya 29:2

Hindu mungupinjisa Ariele, mba kumukukapwa mikuma ni kulinyenga, neye kumakapwa kuli yami ngwe umwe Ariele.

Izaya 34:5

Mumu katana kami hanwa kanawa mwilu, mba kaneza kusopa ni Endome ni atu aze hinaahisa.

Izaya 34:6

Yehova kali ni katana, hakuta ni manyinga, halia nawa maji, hamwe ni manyinga a ana-mapanga ni pembe, ni maji a ku njiso ja kuji a mapanga. Mumu Yehova kali ni yitapo mu Mbozera, kushiha chinene mu chifuchi cha Endome.

Izaya 6:5

Ami yingwamba ngwami, Lamba liami! Ngunatoko, mumu nguli mukwa mivumbo ya luchisa, natwama hakachi ka akwa mivumbo ya luchisa; mumu meso jami hamona Mwanangana, Yehova-wa-Tujita.

Jeremia 46:10

Tangwa lize, tangwa lia Mwene Yehova-wa-Tujita, tangwa lia kukala milonga; akakale milonga hali akwa kole jenyi. Katana makonwona ndo kukuta; makanwa ni kukuta ni manyinga jo. Mumu Mwene Yehova-wa-Tujita kanalingi yitapo mu chifuchi cha ku Norte, kwe ku lwiji Ufrateze.

Ezekiel 7:10

Talenu lie tangwa! Talenu, lineza! Kuji-ni-tomo lienu hilieza. Mbwechi hiyatemuna yitemo; kulengumuka hichasoka.

Ezekiel 7:7

Kuji-ni-tomo lienu hilianuheta, enu nwatwama mu chifuchi. Mwaka hiweza; tangwa hiliakundama; tangwa lia chimbangwinya, kulichi kapwa tangwa lia kulikwiza ha milundu.

Joele 1:15

Mama yami! Lie tangwa! Lie tangwa lia Yehova hiliakundama. Muliza ngwe kwonwona cha kuli Mukwa-Ndundo-Jeswe.

Joele 2:11

Mba Yehova kakuhanjika lundunjila kulutwe lia tujita twenyi. Mumu chizavu chenyi cha tujita chinene, ni waze mamanununa shimbi jenyi akwa tachi. Mumu tangwa lia Yehova linene; kole ni mwongo! Iya malihasa?

Joele 2:31

Tangwa mulikalumuka milima; kakweji makalumuka manyinga sltimbu kanda likaheta tangwa lia Yehova, linene, kole ni mwongo.

Amose 6:10

Mba muze usoko wa mutu, yoze te mamwocha, mamuzundula kuchiza yifwaha mu zuwo, mamba kuli mukwo uli mwe muchima lia zuwo ngwenyi, Kwasala umwe mukwo nawa hamwe ni yena? Aye makumbulula ngwenyi, Ka. Mba mukwo mamba ngwenyi, Kala! Mumu kuchatutambile kuvuluka jina lia Yehova.

Amose 8:3

Mwene Yehova kanambe ngwenyi, Miaso ya mu tembele muyalumuka kulila mbimbi ha tangwa lize; mijimba ya afu muyikapwa yinji makayimbila kweswe nikuhola.

Habakuke 2:20

Alioze Yehova mwali mu tembele yenyi yisandu. Akwa hashi eswe akahole kumeso jenyi.

Zefania 1:14

Tangwa linene lia Yehova linakundama; linakundama fuji-fuji. Chizungozungo cha tangwa lia Yehova chisasu; kwenako akwa ndundo mateta ni lijilinene.

Zakaria 14:1

Limwe tangwa lia Yehova kulineza muze upite wenu wa kupupa makaupangila hakachi kenu.

Zakaria 2:13

Enu akwa musunya weswe, holenu kúlú kumeso ja Yehova, mumu hakasumuka ku zuwo lienyi lisandu.

Malaki 4:1

Mumu Yehova-wa-Tujita kanambe ngwenyi, Talenu, tangwa kulineza nikuyila ngwe lutengo, muze akwa kulizata eswe, ni eswe akwa kulinga yipi makapwa ngwe mwambu, ni tangwa lize lineza mulikaaocha mba kechi kalisalaho chipwe muji chipwe mutango.

Mateu 22:4

Cheka nawa watumine ndungo akwo, ngwenyi, Nukambe kuli waze aalakenyene ngwenu, Hinalulika kulia chami; ngombe jami ni yimuna jami a kutoha haashiha, ni yuma yeswe yinalulika: tweyenu ku ulungi.

A-ROMA 3:19

Achi, tunanyingika yeswayo shimbi muyamba, muyihanjika kuli waze atwama kushi lia shimbi; hanga makanwa eswe akapakike, ni akwa hashi eswe akahie kuli Zambi:

A-ROMA 9:20

Ka, alioze yena mutu, yena iya, wakukumbulula kulimika ni Zambi? Chuma cha kutengewa muchamba kuli yoze wachitengele ngwenyi, Kuchi te wangutangile chocho?

Filipu 4:5

Umbovu wenu ukamoneke kuli atu eswe. Mwene hakamwihi ali.

Kolosu 1:12

nukasakwile kuli Tata, yoze hanatutesa ha kutambula chihanda cha chihinga cha asandu mu pangu;

1 Samuel 16:5

Iye ngwenyi, Ni sambukila nguneza kulambula chitapo kuli Yehova. Liselenu ku usandu nwize ni yami ku chitapo. Iye yasela ku usandu Yese ni ana jenyi; yaasanyika ku chitapo.

1 Samuel 20:26

Hindu Saulu tangwa lize kambile nichimwe, mumu yanyonga ngwenyi, Chimwe chuma chamuwana. Kapemene; pundu kapemene.