Zefania 1:6 - MUKANDA USANDU WA ZAMBI 1975

⁶ waze hanalitwamina kukaula Yehova; kafupile Yehova, chipwe kumuhula.

Mukanda Wa Zambi 1970

⁶ Mungunongesa eswe waze haangumba nyima, waze keeshi kwiza kuli yami ni kunguhula.”

Zefania 1:6 Iomraidhean Croise

2 Samuel 22:22

Mumu hingunafungu majila ja Yehova, chehukile Zambi yami ni ungulungulu.

2 Sango Ja Mianangana 15:13

ni mweswawo kechi kufupa Yehova Zambi ya Izalele akamushihe, apwe mukepe, apwe munene, apwe lunga, apwe pwo.

Miaso (Masamu) 10:4

Chingulungulu mu kulengumuka cha meso jenyi keshi kufupa Zambi. Mu kutaka chenyi cheswe Zambi keshiko.

Miaso (Masamu) 125:5

Alioze waze akupiasuka mu majila ahenga, Yehova kumakaatuhwisa hamuwika ni akwa kulinga uhenge. Sambukila yikapwe hali Izalele.

Miaso (Masamu) 36:3

Maliji a mu kanwa lienyi a uhenge ni kwonga. Hambila mana ni yitanga yipema. Ha muhela wenyi kakutaka uhenge;

Izaya 1:4

Enu vungu lia yivulumunyi, atu alemewa ni uhenge, ana ja akwa kulinga chipi, ana aze akulinga luchisa! Hanehuka Yehova, hanalelesa Musandu wa A-Izalele, hanalihandununa liakulu ni yami.

Izaya 43:22

Hindu yena Yakomba, kwangutambikile; ena Izalele, waliseka ni yami.

Izaya 9:12

A-Seria ku Chivumbuko, ni A-Filistea ku Chitokelo, kakuwumbula A-Izalele ni makanwa a kupakula. Chipwe chocho utenu wenyi kuwakondolokele; kwoko lienyi hindu kanalizozo.

Izaya 9:13

Atu katewulukilile kuli yoze waalambile, kafupile Yehova-wa-Tujita.

Jeremia 10:25

Zukula ufwatulo we ha mavungu aze kakunyingikine, hali minyachi aze katambikile ha jina lie. Mumu anongesene Yakomba, amunongesene ni kumukuwisa, ni kupwisa kuma kwenyi kwa kutwama kwa hululu.

Jeremia 15:6

Yehova kanambe ngwenyi, Hiwalituna yami, wakuyaya unyimenyime, kashika hinolola kwoko liami kulimika ni yena ni kukwonwona. Janguhwa nikulikoneka.

Jeremia 2:13

Mumu atu jami halinga yuma yipi yiali. Hanangwehuka, yami lie fuji lia meya a mwono, mba hanalitotela mashima ene, mashima a miaji, kahashile kupwa ni meya.

Jeremia 2:17

Yena mwene walikokela chuma chino ha kwehuka Yehova Zambi ye shimbu te makusongwela mu jila.

Jeremia 3:10

Alioze chipwe ni yino yuma yeswe hindu yayo wa mahuza Yunda kahilukile kuli yami ni mbunge yeswe alioze yalionga. Chocho kanambe Yehova.

Ezekiel 3:20

Chikwo nawa, nyi mukwa ululi makatuka ku ululi wenyi akalinge uhenge, mba yami ngukamusele chitalingiso, mafwa. Iye mafwila mutonga wenyi, ni yitanga yenyi ya ululi yize alingile kechi kayiwuluka; alioze manyinga jenyi ku kwoko lia yena mungwahula mumu kwamutowezele.

Hosea 11:7

Atu jami hasa mbunge jo akangwehuke, kashika hinaafunjikila kanga mba niumwe maachizayo.

Hosea 7:10

Kulengumuka cha Izalele chakumushindakenya hindu kahilukile kuli Yehova Zambi yo, chipwe kumufupa ha yino yuma yeswe.

Hosea 7:7

Eswe kali ni chivukuminya ngwe jiko; kakulalisa akwa kuyula jo. Mianangana jo eswe hanalimbuka alioze kangusanyikine niumwe.

Zefania 3:2

Kapanjikile ku liji nilimwe, katayile kumufumba, kafulielele Yehova, kakundamine kuli Zambi yenyi.

A-ROMA 3:11

yoze wakunyingika wakuhi niumwe; yoze wakufupafupa Zambi wakuhi niumwe.

Hebreu 2:3

ngwe kuchi mutupuluka, nyi mutulengulula ulamwino upwa haha? Uze se aputukile kuwambujola ku kanwa lia Mwene, mba hanaukolesa ni makanwa ja waze evwile;

Yoshua 23:12

Mumu nyi munuhilukila kunyima nikulifutula ni mavungu aze asala hakachi kenu nukalimbate no, hanga nukambate mapwo jo, no akambate mapwo jenu,

1 Samuel 15:11

Hinalikonyeka ha kupwisa Saulu mwanangana, mumu hanalitwamina kungukaula. Kalingile chize namutumine. Samuel yatenuka. Yateta kuli Yehova Ufuku weswe.