Zefania 1:5 - MUKANDA USANDU WA ZAMBI 1975

⁵ waze ha mafulumba kakulihetamina ku mbunga ya mwilu; waze akulihetamina nikulishinga ni Yehova, hindu kakulishinga ni Malekame,

Mukanda Wa Zambi 1970

⁵ Mungunongesa mweswawo wakunyina ha fulumba ni kuwayila tangwa, ni kakweji, ni matongonoshi. Mungunongesa waze akunguwayila ni kulishinga ni jina liami, alioze kuma kaakulishinga nawa mu jina lia zambi Milkome.

Zefania 1:5 Iomraidhean Croise

1 Yitanga Ya Mianangana 11:33

Munguchilinga mumu hanangwehuka akawayile Asatarote zambi ya A-Sendone, ni Chemoshe zambi ya Moape, ni Milikome zambi ya A-Amone. Kendele mu majila jami kulinga chize changupemena, nikufunga yiyulo yami ni upatwilo wami ngwe tato David walingile.

1 Yitanga Ya Mianangana 11:5

Mumu Solomone wakawile Asatarote zambi ya A-Sendone, ni Milikome chizelwokeso cha A-Amone.

1 Yitanga Ya Mianangana 18:21

Eliya yakundama kuli atu eswe ngwenyi, Ndo mwaka uka munukakashana hakachi ka mbunge jiali? Nyi Yehova iye Zambi mukaulenu. Alioze nyi Mbale mukaulenu. Atu kamukumbulwile chipwe liji limuwika.

1 MIANANGANA 17:32

Chocho evwilile woma, Yehova akalilingile hakachi ko asasendote ja manangamo, waze aashihilile yitapo mu mazuwo ja ha manangamo.

1 MIANANGANA 17:33

Kanda evwilile woma Yehova, kanda alingilile mazambi jo ene nikulita ni ndako ja mavungu kuze aachijile.

1 MIANANGANA 17:41

Chocho mavungu ano kanda evwilile woma Yehova kanda alingilile tuponya two twa kwola. Ni ana jo ni ajikulu jo alingile chizechene ngwe tulamba two, ndo tangwa lia musono.

1 MIANANGANA 23:12

Yilumbilo yize yapwile ha fulumba ya zuwo lia Ahaze lia kwilu, yize te mianangana ja A-Yunda halinga, ni yilumbilo yize Manase halinga mu maze aali a zuwo lia Yehova, mwanangana yayinungwinako, yayifwenya nikumbila we wunga wayo mu chitwetwe cha Kendrone.

Izaya 22:1

Liji Iia kutwala ku chikulo cha usolwelo ngwo, Kuchi chinalumbunuka hinwakanduka eswe helu lia mazuwo,

Izaya 44:5

Umwe mamba ngwenyi, Ami nguli wa Yehova; mukwo maliluka jina lia Yakomba; mukwo masoneka ha kwoko lienyi, Wa mbala wa Yehova, ni kuliwezela jina likwo ngwenyi, Izalele.

Izaya 45:23

Nalishingile ni yami mwene. Liji limwe hiliatuhuka mu kanwa liami mu ululi, kulichi kuhasa kuhiluka kunyima, ngwami, Kungunwa lieswe mulikazondama kuli yami, ni limi lieswe mulikalishinga.

Izaya 48:1

Panjikenu chino, enu akwa munyachi wa Yakomba, enu hanwaha jina lia Izalele, ni yenu nwasemukine kuli Yunda. Nwakulishinga ni jina lia Yehova, mwakutayiza Zambi ya Izalele, alioze kunwachilingile ni umwenemwene ni ululi.

Jeremia 12:16

Muchikapwa nyi malilongesa kanawa kanawa ndako ja atu jami, akalishinge ni jina liami ngwo, Ni mwono wa Yehova, chizechene ngwe alongesele atu jami kulishinga ni Mbale; nyi chocho mba maatungisa hakachi ka atu jami.

Jeremia 19:13

Mazuwo a Yerusaleme ni mazuwo ja mianangana ja Yunda maachisa ngwe chihela cha Tofete, mazuwo aze eswe ha mafulumba jo hochela insensu ku mbunga yeswe ya mwilu, ni kuzuza milambu ya kunwa ku mazambi akwo.

Jeremia 32:29

A-Kaletea wano anase jita ni chihunda chino meza ni kuchocheka kahia ni kuchocha hamwe ni mazuwo haze hanalambwila insensu ha mafulumba kuli Mbale, ni kuzuza milambu ya kunwa kuli mazambi eka akangwihie.

Jeremia 4:2

nyi munulishinga ngwenu, Ni mwono wa Yehova ni umwenemwene, ni kulita, ni ululi mba mavungu maliwahisa muli iye, ni muli iye nawa malisamba.

Jeremia 49:1

Ha kutwala kuli A-Amone. Yehova kanambe ngwenyi, Izalele te keshi ni ana a malunga? Swana keshi nenyi niumwe? Nyi chocho kuchi te Milikome hasalakana Ngate, ni atu jenyi hatwama mu yihunda yako?

Jeremia 5:2

Chipwe akwamba ngwo, Ni mwono wa Yehova, hindu hanalishingi ni mahuza.

Jeremia 5:7

Kuchi munguhasa kunukonekena? Ana jenu hanangwehuka, hanalishingi ni waze hi mazambi ko. Muze naalishile kanawa, alingile utanji, ni kakuya mu yendo ku mazuwo ja yikoi.

Jeremia 7:10

mba munwiza nikumana kumeso jami mu zuwo lino, hanaliluku jina liami, nukambe ngwenu, Hanatupulula! nukaye nukanyongonone ni yuma yino ya kukoka lwaji?

Jeremia 7:9

Te nunazange kwiya, ni kushiha, ni kulinga utanji, ni kulishinga ni mahuza, nikwochela Mbale insensu, ni kukaula mazambi eka kunwaanyingikine,

Jeremia 8:2

Mayimwanga kumeso ja tangwa ni kakweji ni mbunga yeswe ya mwilu, aze azangile nikwalingila, nikwakaula, nikwafupa, nikwawayila. Kechi kayikungulula chipwe kuyifunda. Kumuyikapwa ngwe wilo ha mavu.

Hosea 10:2

Mbunge jo ja mafwefwe kashika chaatamba kumbata uhie wo. Yehova makapuzula yilumbilo yo nikwonwona manguji jo.

Hosea 4:15

Chipwe yenu A-Izalele munulinga ukoi, hindu A-Yunda kanda anjila mu uhie. Kanda nunjila mu Ngilingali; kanda nukanduka ku Mbete-Avene; kanda nulishinga ngwenu, Ni mwono wa Yehova.

Amose 5:26

Munukambata mwanangana wenu Sakute, ni Kaiwana zambi yenu wa matongonoshi, ni tuponya twenu aze hinwalilingila,

Mateu 6:24

Niumwe mahasa kulingila miata aali: mumu hanji mavwila kole umwe, mazanga mukwo; hanji makakaminya kuli umwe, malelesa mukwo. Kunwahashile kulingila Zambi ni kulingila upite hamuwika.

Yilinga 10:9

Muze hikwacha shimbu wano apwile mu jila, machikundama ku limbo, Petulu wakandukile helu lia zuwo mukulemba, ngwe ha ola amuchisambano:

A-ROMA 14:11

Mumu chinasonewa ngwo, Mwene kanambe ngwenyi, Ni mwono wami makungunwa eswe kumakaliumba kuli yami, malimi eswe kumakahalisa Zambi.

Shimbi 10:20

Nukavwile woma Yehova Zambi yenu, nukamuvumbike iye, nukamulalaminye, nukalishinge ni jina lienyi.

Shimbi 4:19

Kuchina munuhetula meso jenu ku malilu mba ha kumona tangwa, ni kakweji, ni matongonoshi, te yizavu yeswe ya ha malilu, munuhungumuka nikuyiwayila nikuyivumbika, yuma Yehova Zambi yenu wayipangilile mavungu, eswe ali kushi lia malilu.

Yoshua 23:7

Kanda nukalifutula ni mavungu aze asala hakachi kenu. Kanda nukavuluka majina ja mazambi jo, chipwe kulishinga ni majina jo, chipwe kwalingila, chipwe kufukama kuli ayo.