Zefania 1:3 - MUKANDA USANDU WA ZAMBI 1975

³ Mungukakomba atu ni tushitu. Mungukakomba tujila a mu tetela, ni yishi a mu kalunga-lwiji, ni yitalingiso, ni yingulungulu. Mungukasutula e atu lume hashi. Chocho kanambe Yehova.

Mukanda Wa Zambi 1970

³ atu, ni tushitu, ni tujila, ni yishi. Mungulimbula yingulungulu. Mungwonona akwa hashi eswe, kuhechi kusala mukwa mwono niumwe. Yami Mwene Zambi nachamba.

Zefania 1:3 Iomraidhean Croise

Ubutukilo 6:7

Kashika Yehova yamba ngwenyi, Atu ano natangile mungwanongesa hashi; ni atu, ni tushitu, ni tututu, ni tujila a mu tetela, mumu hichangukonyekesa chize naatangile.

Izaya 27:9

Kashika ni chuma chino makukila uhie wa Yakomba, ni chino muchipwa mihuko yingunu ha kuchiza shili yenyi; muze mapwisa mawe eswe a yilumbilo ngwe mawe a wunga a kufwenyona tuyifwenyu. Niumwe Ashera, nichimwe chilumbilo cha insensu muchikamana.

Izaya 6:11

Ami yingwamba ngwami, Mwene, ndo mwiji muka? Aye yamba ngwenyi, Ndo yihunda muyipwa ya hululu, ni yoze matwamamo wakuhi, ni mazuwo keshi malunga, ni chifuchi muchisala cha woya,

Izaya 6:12

ni Yehova hatwala atu kusuku, ni yihela ya woya yapwa yinji hakachi ka chifuchi.

Jeremia 12:4

Ndo mwiji muka chifuchi muchilishimwoka, ni mwambu mu minda muulela? Mumu ha ungulungulu wa waze atwamamo tushitu ni tujila hanaahungumunamo, mumu te atu ambile ngwo, Kechi kamona songo lietu.

Jeremia 50:3

Mumu ku Norte hikwakatuka limwe vungu hilieza kulimika nenyi. Kumakenyeka chifuchi chenyi; niumwe masalamo. Ni atu ni tushitu machinamo.

Jeremia 7:20

Kashika Mwene Yehova kanambe ngwenyi, Utenu wami ni ufwatulo wami kumuukazukuka homa hano hali atu, ni yimuna, ni ha mitondo ya mu minda ni ha mihuko ya mavu, kumuukalekwoka, kechi kuhasa kuujima.

Jeremia 9:10

Putukenu kulila ni kulila mbimbi ha mukunda wa milundu; putukenu lungungu ha mukunda wa ulilo wa mu puya, mumu hanenyekako kashika niumwe mapalikako, chipwe kuteta cha yimuna kachivwileko. Chipwe tujila a mu tetela, chipwe tushitu hachinako haya.

Ezekiel 44:12

Se aavumbikile kumeso ja mahamba jo nikwalumuka chitalingiso cha uhenge kuli akwa munyachi wa Izalele, kashika ha kutwala kuli ayo, yami Mwene Yehova hinalishinga ngwami, Kumakatambula kastigu yo.

Ezekiel 7:19

Kakumbilambila prata yo mu matapalo; oru yapwa ngwe chuma cha luchisa. Prata yo ni oru yo kuyichi kahasa kwapulula ha tangwa lia ufwatulo wa Yehova. Kahashile kuchiza zala nayo, hanji kukuchisa nayo majimo jo. Mumu yapwile chitalingiso cha uhenge wo.

Hosea 14:3

A-Asuria kechi kutulamwina; kutuchi kwenda hali tuvwalu; mba kutuchi kamba nawa ngwetu, Zambi yetu ku yuma ya kulinga ni moko jetu. Muli yena ana-ashiwa kakuwana keke.

Hosea 14:8

Eframe makamba ngwenyi, Chika chinguliko ni mahamba nawa? Ngunatá, ngunakuhulikila meso. Nguli ngwe mutondo wa kupresu wa wisu, mihuko ye yinakatuka kuli yami.

Hosea 4:3

Kashika chifuchi chinalinyenge, ni waze eswe atwamamo kanahongo, ni tushitu a mu yambu nawa, ni tujila a mu tetela, ni chipwe yishi a mu kalunga-lwiji kanaachiza.

Zakaria 13:2

Yehova-wa-Tujita kanambe ngwenyi, Ha tangwa lize munguteta majina ja mahamba mu chifuchi; chipwe kwewuluka kechi kaewuluka nawa. Mungukachiza nawa ku chifuchi aprofeta, ni Spiritu wa luchisa.

Mateu 13:41

Mwe Mwana Mutu kumakatuma angelo jenyi, kumakakunga yitalingiso yeswe ni waze akulinga uhulia, makaachiza mu wanangana wenyi.

Mateu 23:39

Mumu ngunambe kuli yenu ngwami, Kunuchi kangumona nichimwe chize ku haliapwila ndo munukamba ngwenu, Kawaha yoze meza mu jina lia Mwene.

Usolwelo 2:14

Alioze yuma yikehe ngukuli nayo, mumu uli no koko waze akulalaminya ku longeso lia Mbalau, yoze walongesele Mbalake kutela chitalingiso kulutwe lia ana ja Izalele, mukulia yuma yize hanayitambula yitapo ku mahamba, mukulinga utanji.