Zefania 1:15 - MUKANDA USANDU WA ZAMBI 1975

¹⁵ Tangwa lize lia ufwatulo; tangwa lia kupinda ni kulifwita; tangwa lia kwenyeka ni kukuwisa; tangwa lia milima ni kulendama; tangwa lia malelwa ni milima pwi;

Mukanda Wa Zambi 1970

¹⁵ Mulibwa tangwa lia utenu, lia kubinda ni misongo, lia kwenyeka ni kwonona, lia ufuku ni chifuka, lia milima ni malelwa,

Zefania 1:15 Iomraidhean Croise

Izaya 13:9

Tangwa lia Yehova kulineza, lia uswi, ni ufwatulo, ni utenu usasu, akapwise hashi ngwe puya nikushiha akwa shili jaho.

Izaya 22:5

Mumu Mwene Yehova-wa-Tujita kali ni tangwa lia Chizungozungo ni kuliataliata ni kutatajala mu chikulo cha usolwelo. Cho kupupa yipanga-ya-mawe ni kukalumioka ku milundu!

Izaya 8:22

Mba kumakatala hashi, kumanyi kupinda ni milima ni kulá cha hunya; mba kumakaakapula mu milima pwi.

Jeremia 30:7

Lwangu! Mumu lie tangwa lino lialema naye kukushi likwo lia kulifwa. Liapwa tangwa lia lamba kuli Yakomba; hindu makaalamwina ku lamba lino.

Joele 2:11

Mba Yehova kakuhanjika lundunjila kulutwe lia tujita twenyi. Mumu chizavu chenyi cha tujita chinene, ni waze mamanununa shimbi jenyi akwa tachi. Mumu tangwa lia Yehova linene; kole ni mwongo! Iya malihasa?

Joele 2:2

Tangwa lia milima ni kulendama; tangwa lia malelwa ni milima pwi. Atu anene, a tachi aneza ngwe milima ha milundu. Kanda amoneka akwo a kulifwa no, chipwe kulutwe kechi kamoneka, chipwe ku miaka ya yisemuko yinji.

Joele 2:31

Tangwa mulikalumuka milima; kakweji makalumuka manyinga sltimbu kanda likaheta tangwa lia Yehova, linene, kole ni mwongo.

Zefania 1:18

Ha tangwa lia ufwatulo wa Yehova kechi kahasa kulipulula chipwe ni prata yo, chipwe ni oru yo. Mu kahia ka ufwatulo wenyi wa ukwa hashi heswe muhaliwa, mumu makasulisa akwa hashi eswe liakulu, susumuku lume.

Zefania 2:2

shimbu kanda akolesa shimbi; shimbu tangwa kanda Upalika ngwe yizungu; shimbu utenu usasu wa Yehova kanda unuwana; shimbu tangwa lia ufwatulo wa Yehova kanda linuwana.

Mateu 24:29

Alioze haze hene kulutwe lia luyinda wa matangwa aze, tangwa mulikalá, ni kakweji kechi katwa mieji, ni matongonoshi kumakaholoka mwilu, ni tachi ja malilu kumujikanyika.

A-ROMA 2:5

Alioze nikulita ni kukala cha mbunge yize kuyishi kulikonyeka, kuwakulitulikila utenu ha tangwa lia utenu muze masolola upatwilo wa ululi wa Zambi;

Shimbi 28:52

Makanuseleka ku yihunda yenu yeswe, ndo yipanga yenu yisuku ya tachi muyikapuzuka, yize nwakuyifuliela, ndusu chifuchi chenu cheswe. Iye makanuseleka mu yihunda yenu yeswe ndusu chifuchi chenu cheswe, Yehova Zambi yenu hananwehecho.

2 Petulu 3:7

Alioze malilu aze a haliapwila, ni hashi, ku liji limuwika hanayitulikila kahia, kanayifungu ndo ku tangwa lia upatwilo ni kwonwona cha yitanganyani.

Usolwelo 6:17

Mumu tangwa linene lia utenu wenyi hilineza, mba iya mahasa kumana?