Zefania 1:12 - MUKANDA USANDU WA ZAMBI 1975

¹² Ha mwaka uze mungupolongoza mu Yerusaleme ni ndeya. Mungulamba kastigu malunga waze anenguluka ni kutoha; waze akwamba mu mbunge jo ngwo, Chipwe chipema, chipwe chipi, Yehova kechi kalinga nichimwe.

Mukanda Wa Zambi 1970

¹² “Ha tangwa lize mungwiza ni ndeya ni kubolongoza mu Yerusaleme. Mungumwesa lamba waze atwama mu uhwimino, waze akwamba ngwo: ‘Mwene Zambi kechi kulinga nichimwe, chibwe chibi chibwe chibema.’

Zefania 1:12 Iomraidhean Croise

Jobe 21:15

Mukwa-Ndundo-Jeswe kuchi apwa tumulingile? Nyi mutulemba kuli iye kutumbuka chika chiliko?

Miaso (Masamu) 10:4

Chingulungulu mu kulengumuka cha meso jenyi keshi kufupa Zambi. Mu kutaka chenyi cheswe Zambi keshiko.

Miaso (Masamu) 14:1

Chihepuke kanambe mu mbunge yenyi ngwenyi, Kukushi Zambi niumwe. Hanapiha; kakulinga yitanga ya kuzelwokesa. Kukushi niumwe yoze unalingi chipema.

Miaso (Masamu) 94:7

Hindu kakwamba ngwo, Yehova keshi kumona; Zambi ya Yakomba keshi kunyonga.

Izaya 5:19

Kakwamba ngwo, Atambukeko, apupwise milimo yenyi hanga tukayimone. Upale wa mwe Musandu wa Izalele Ukundame, wize tuunyingike!

Jeremia 10:5

Tuponya two kapwa ngwe mutondo wa kwola kahashile kuhanjika. Chatamba kwambata mumu kahashile kwenda. Kanda nwavwila woma, mumu kahashile kulinga chipi, chipwe kulinga chipema keshi nacho.

Jeremia 48:11

Moape hahwima chize ku ukweze wenyi mba kenguluka ngwe vinyu. Kamutehwine ku chikwachilo ni chikwachilo chipwe kuya ku unjize. Kashika kuyema chenyi kali nacho ni haliapwila ni lupembo wenyi kalumukine.

Ezekiel 8:12

Aye yanguhula ngwenyi, Mwana mutu, hiwamona chize makulwana a munyachi wa Izalele analingi mu milima, mutu mweswe mu yipatulo yenyi ya tuponya? Mumu kakwamba ngwo, Yehova katumwene. Yehova hanakatuka mu chifuchi.

Ezekiel 9:4

Yehova yamba kuli iye ngwenyi, Palika mu chihunda, mwe mu Yerusaleme, ukase mufunda ha mahuma ja malunga aze akutwa mikuma ni kulishimwoka ha mukunda wa yuma ya lwaji akulingamo.

Ezekiel 9:9

Aye yamba kuli yami ngwenyi, Uhie wa munyachi wa Izalele ni wa Yunda unene Wahiana. Chifuchi chazala ni manyinga ni chihunda chazala ni uhenge, mumu kakwamba ngwo, Yehova hanakatuka mu chifuchi; Yehova kamweneko.

Amose 6:1

Lamba kuli waze anatwama nikwoloka mu Zaione, ni waze anatwama kawape ha mulundu wa Samaria, malunga alemu a mavungu akwa lutwe, kuli ayo akwa munyachi wa Izalele kakuya.

Obadia 1:6

Alioze hapupa Esau Chichize! Cho kupolongoza nikufupa upite wa kusweka!

Malaki 2:17

Hinwakatalisa Yehova ni maliji jenu. Hindu nwakwamba ngwenu, Twamukatalisa kuchi? Ha kwamba ngwenu, Mweswe kanalingi chipi, kanapeme kumeso ja Yehova, aye kakuwahilila no. Hanji ha kuhula ngwenu, Zambi ya upatwilo wa kulita kuli ali?

2 Petulu 3:4

Mamba ngwo, Chilakenyo cha kuheta chenyi Chilihicho? Mumu hanga tulamba ayile tulo, yuma yeswe kuyakutwama chizechene ngwe yapwile chize ku uputukilo wa kutanga.

Usolwelo 2:23

Mungukashiha ana jenyi ni kufwa; ni yikungulwila yeswe kumanyingika yami nguli yoze wakuhengula muchima ni mu mbunge: mba mungukahana kuli mweswe wa kuli yenu nikulita ni yitanga yenu.