Zefania 1:10 - MUKANDA USANDU WA ZAMBI 1975

¹⁰ Yehova kanambe ngwenyi, Ha tangwa lize makevwa muteto ku chikolo cha yishi, ni mbimbi ku chihanda chamuchiali, ni zungo linene ku milundu.

Mukanda Wa Zambi 1970

¹⁰ Mwene Zambi kanambe ngwenyi: “Ha tangwa lize munwivwa mbimbi ku chikolo cha Yishi ku Yerusaleme. Kumunwivwa mbimbi mu chota chaha cha limbo, ni zungo linji ha milundu.

Zefania 1:10 Iomraidhean Croise

2 Samuel 5:7

Hindu David yatambula chihunda cha kukolesa cha Zaione, che chihunda cha David.

2 Samuel 5:9

David watwamine mu chihunda chize cha kukolesa. Yachiluka ngwenyi, Limbo lia David. David yatungisa limbo chize ku Milo kweswe kwa kujingilika, ni muchima.

1 MIANANGANA 22:14

Chocho Hilekia mwe sasendote, ni Ahikame, ni Akopore, ni Shafane, ni Asaia yaya kuli mwe profeta Huleda pwo lia Shalume mwana Tikiva mwana Harahasa mukwa kufunga uzalo; (aye yatwama mu Yerusaleme mu chihanda chamuchiali) mba o yahanjika nenyi.

2 Sango Ja Mianangana 3:1

Henaho Solomone yaputuka kutunga zuwo lia Yehova ku Yerusaleme ha mulundu wa Moria kuze Yehova wasolokele kuli tato David, ha chihela David halulika ha chizungwilo cha Ka-Yepushe Ornane.

2 Sango Ja Mianangana 32:22

Chocho Yehova yalamwina Hezekia ni akwa Yerusaleme ku kwoko lia Senakeribe mwanangana wa Asuria, ni ku moko ja eswe ni kwafunga sali ni sali.

2 Sango Ja Mianangana 33:14

Kulutwe lia yino yuma yatunga chipanga-cha-mawe cha haze ku chihunda cha David, sali lia Ngehone ku Chitokelo mu chikulo kwe ku unjililo wa chikolo cha yishi. Yatunga nawa chipanga-cha-mawe cha Ofele ni kuchisuhisa ni Chizundamo chinene. Yasa nawa tupitau a hamu mu yihunda yeswe ya mu Yunda yili ni yipanga-ya-mawe.

2 Sango Ja Mianangana 34:22

Chocho Hilekia ni waze mwanangana hatuma yaya kuli profeta wa pwo Huleda, pwo lia Shalume mwana Tikiva, mwana Hashara, mukwa kufunga mazalo (aye Watwamine mu Yerusaleme mu chihanda chamuchiali), yahanjika nenyi pande jino.

Nehemia 12:39

Yituya ndusu helu lia chikolo cha Eframe, ni chikolo chikulu, ni chikolo cha yishi, ni kaposhi ka Hananele, ni kaposhi ka Hamea ndo ku chikolo cha mapanga. Yamana lume ku chikolo cha tulayi.

Nehemia 3:3

Chikolo cha yishi yachitunga kuli ana ja Hasena. Yasa manguji ni mikambo; yamika mapito jako, ni yikungo yako, ni njalo jako.

Izaya 59:11

Eswe twakukenana ngwe ursu. Twakutwatwa mikuma ngwe tutele. Twakufupa upatwilo wa kulita, kuushiko. Twakufupa ulamwino alioze kusuku uli ni yetu.

Jeremia 39:2

Ha mwaka kumi ni kashi wa Zedekia ni kakweji wamuchiwana ni tangwa liamuchilivwa lia kakweji, chihunda yachilokola.

Jeremia 4:31

Mumu ngunevu muteto ngwe wa pwo kanafumbajala, kulifwita ngwe umwe ha kusema mwana mutangu. Muteto wa mwana-pwo Zaione nikuhuza; kanazozo moko jenyi ngwenyi, Lamba liami, ngunalezumuka kumeso ja yingalwe.

Ezekiel 6:13

Munukanyingika yami nguli Yehova muze afu jo, aze haashiha, makapombapomba hakachi ka mahamba jo kwa kujingilika yilumbilo yo, ni ha mundundena weswe usuku, ni ha mbulwa milundu, ni mushi lia mutondo weswe wa wisu, ni mushi lia mutondo weswe wa carvalho wa mafwo, kweswako hatambula insensu ya lupembo mupema ku mahamba jo eswe.

Amose 8:3

Mwene Yehova kanambe ngwenyi, Miaso ya mu tembele muyalumuka kulila mbimbi ha tangwa lize; mijimba ya afu muyikapwa yinji makayimbila kweswe nikuhola.

Zefania 1:15

Tangwa lize lia ufwatulo; tangwa lia kupinda ni kulifwita; tangwa lia kwenyeka ni kukuwisa; tangwa lia milima ni kulendama; tangwa lia malelwa ni milima pwi;

Zefania 1:7

Holenu kumeso ja Mwene Yehova, mumu tangwa lia Yehova hiliakundama hakamwihi; Yehova hanalulika yitapo ni kusela ku usandu ngeji jenyi.