Zakaria 9:8 - MUKANDA USANDU WA ZAMBI 1975

⁸ Henaho mungukatwama ku zuwo liami ngwe kalayi, niamwe kechi kendako ngwe maswalale; niumwe mukwa kupinjisa makaakumba nawa mumu haliapwila ngunamono ni meso ja yami mwene.

Mukanda Wa Zambi 1970

⁸ Mba mungukafunga chifuchi chami ni kukinda tujita akwo kunjila mo. Chichi katayiza atu akalu kubinjisa nawa atu jami. Hinalimwena cho yami mwene chize atu jami haanamono lamba.”

Zakaria 9:8 Iomraidhean Croise

2 Samuel 16:12

Hanji Yehova matala ku chipi chino anangulingi, hanji Yehova mangukundulula chipema mumu ha matuka jenyi kuli yami musono.

1 MIANANGANA 19:34

Mumu yami kumungukafunga chihunda chino nguchilamwine ha mukunda wa yami mwene, ni wa kavumbi kami David.

1 MIANANGANA 23:29

Ha matangwa jenyi Falau-Neko, mwanangana wa Engitu wayile ku lwiji Ufrateze mukwasa jita ni mwanangana wa Asuria. Mba mwanangana Josia wayile kulimika nenyi. Alioze ha kulitala meso, mwanangana wa Engitu yashiha Josia ku Megidu.

1 MIANANGANA 24:1

Ha matangwa jenyi Nabukanezore mwanangana wa Babilonia yeza, mba Jehoakime walumukine mukwa kumwononokena miaka yitatu; mba henaho yalumuka nawa, yamukatukila.

Miaso (Masamu) 34:7

Mungelo wa Yehova kakutunga chilombo chenyi cha kujingilika waze akumuvwila woma, kakwapulula.

Miaso (Masamu) 72:4

Kumakapatwila yiswale ja atu; kumakalamwina ana ja akwa kuhona. Kumakamakwona mukwa kuyindamisa.

Kutuhuka 3:7

Yehova yamba ngwenyi, Chamwenemwene hinamona luyinda wa atu jami ali mu Engitu. Hinevwa muteto wo mumu ha mukunda wa tupatashi two; ngunanyingika yinyengo yo.

Kutuhuka 3:9

Mba haliapwila muteto wa A-Izalele kuunahete kuli yami. Chikwo nawa hinamona lamba anaamwesalio kuli A-Engitu.

Yishima 3:25

Kanda wivwa woma wa mwongo wa susumuku, hanji wa kwonwona cha yingulungulu muze muchiza;

Izaya 26:1

Ha tangwa lize kumakemba mwaso uno mu chifuchi cha Yunda ngwo, chihunda cha tachi tuli nacho; iye kakumika ulamwino ngwe yipanga-ya-mawe ni yipanga ya kukolesa.

Izaya 31:5

Ngwe tujila muze mamekena chocho Yehova-wa-Tujita makafunga Yerusaleme. Kumakayifunga, kumakayipulula, kumakayivwila keke ni kuyilamwina.

Izaya 4:5

mba Yehova matanga helu lia chihela cheswe cha mulundu wa Zaione ni helu lia yikungulwila yenyi lelwa ha mwalwa, ni mwishi ni kupanguka cha kahia ka kulekwoka ha ufuku. Mumu helu lia uhenya weswe muhapwa chifuko.

Izaya 52:1

Laula Zaione! Laula ukazale tachi je! Yerusaleme, limbo lisandu, zala mazalo je apema, mumu yilima ni akwa luchisa kechi keza nawa kuli yena.

Izaya 52:12

Mumu kunuchi kakatuka kapupushi; kunuchi kakatuka ngwe nunachina, mumu Yehova kumakanutetekela ni Zambi ya Izalele manufunga kunyima.

Izaya 54:14

Mukajikijila mu ululi, mukatwama kusuku ni upinjiso, mumu kuchi kwivwa woma; mukatwama kusuku ni mwongo mumu kuuchi kakukundama.

Izaya 60:18

Upupilo kechi ka wivwa nawa mu chifuchi chenu, chipwe kwenyeka ni kwonwona mu manjiza jenu. Munukatongola yipanga yenu ngwenu, Ulamwino, munukatongola mapito jenu ngwenu, Uhaliso.

Jeremia 31:12

Kumakeza ni kwimba ni liji linene ha mulundu wa Zaione; kumakalikwiza ha yuma yipema ya Yehova, mbuto, ni vinyu, ni maji, ni misamba ya mapanga ni ngombe. Mwono wo kumuukapwa ngwe chala cha kutuchika, mba kechi kahonga nawa.

Jeremia 46:13

Liji Yehova wambile kuli profeta Jeremia ha kutwala ku kwiza cha Nabukanezore mwanangana wa Babilonia akalambe chifuchi cha Engitu, ngwenyi,

Jeremia 46:2

Ha kutwala ku Engitu. Liji lia tujita twa Falau-Neko, mwanangana wa Engitu, aze apwile ku lwiji Ufrateze ku Karkemishi, aze Nabukanezore mwanangana wa Babilonia wakumbile ha mwaka wamuchiwana wa Jehoakime mwana Josia mwanangana wa Yunda ngwenyi,

Ezekiel 39:29

Chichi kaaswekela nawa meso jami muze mungukazukula Spiritu yami hali akwa munyachi wa Izalele. Chocho kanambe Mwene Yehova.

Amose 9:15

Mungukaatumba mu chifuchi cho, mba kechi katukukako nawa ku chifuchi chize hinaaha. Chocho kanambe Yehova Zambi yenu.

Zakaria 12:4

Yehova kanambe ngwenyi, Ha tangwa lize munguvwisa mwongo tuvwalu eswe; munguzalwisa waze akwaendesa. Alioze ku munyachi wa Yunda mungukalawishila meso jami muze mungukafwisa meso ja tuvwalu eswe a mavungu.

Zakaria 12:8

Ha tangwa lize Yehova majingilika akwa Yerusaleme ni lukepwe, chocho chipwe alelu chikolo hakachi ko ha tangwa lize makapwa ngwe David, mba akwa munyachi wa David makapwa ngwe Zambi, ngwe mungelo wa Yehova kulutwe lio.

Zakaria 14:11

Atu makatwamamo mumu kukuchi kapwa nawa shingo. Yerusaleme muyikatwama kawape.

Zakaria 9:7

Mungukachiza manyinga mu kanwa lienyi, mungukachiza chuma cha lwaji hakachi ka mazo jenyi, neye nawa makapwa ngwe atu a masalila kuli Zambi yetu; kumakalumuka ngwe umwe munyachi wa Yunda, ni A-Ekrone makapwa ngwe A-Yepushe.

Yilinga 7:34

Yami chamwenemwene hingunamono yihungumiona yize akumona atu jami, waze ali mu Engitu, hingunevu mikuma yo, hingunahulumuka mukwapulula. Haliapwila tweya, mungukutuma ku Engitu.

Usolwelo 20:9

O afutunukine ha kuzazuluka cha hashi, o ajingilikile chilombo cha asandu, ni limbo lize analizange chikolo: ni kahia kahulumukine ka kuli Zambi mwilu, kaalesele.