Zakaria 8:9 - MUKANDA USANDU WA ZAMBI 1975

⁹ Yehova-wa-Tujita kanambe ngwenyi, Yenu matangwa wano nwakwivwavwa maliji ano ku makanwa ja aprofeta chize ku tangwa lize asele fundamentu ya zuwo lia Yehova-wa-Tujita, moko jenu atakame hanga tembele yino yikatungiwe.

Mukanda Wa Zambi 1970

⁹ “Hamukenu! Hinwevwa maliji waze akwa munanyi ahanjikile muze asele fundamentu ya zuwo liami.

Zakaria 8:9 Iomraidhean Croise

1 Sango Ja Mianangana 22:13

Chocho mukawaha nyi mutala kanawa kulinga yiyulo ni upatwilo yize Yehova wambilile Mose ha kutwala kuli A-Izalele. Takama; pwako ni hamu linji; kanda wivwa woma chipwe kulishimwoka.

1 Sango Ja Mianangana 28:20

David yamba kuli mwanenyi Solomone ngwenyi, Takama; hamuka uchilinge. Kanda wivwa woma, hanji kulishimwoka mumu Yehova Zambi, mwe Zambi yami, kwali hamwe ni yena. Kechi kahona. Kechi kakwehuka ndo milimo yeswe ya uvumbiko wa zuwo lia Yehova muyihwa.

2 Sango Ja Mianangana 15:7

Alioze takamenu; moko jenu kanda akokoloka, mumu manukundulwila milimo yepu.

Ezra 6:14

Ni makulwana ja A-Yunda yatunga nikusenya kulutwe mumu ha kuprofeteza cha profeta Hagaia ni Zekaria mwana Ido. Yatunga, yamanununa nikulita ni shimbi ya Zambi ya Izalele, nikulita ni chiyulo cha Siru, ni Dariu, ni Artasherke, mwanangana wa Persia.

Izaya 35:3

Takamisenu moko a upekepeke, kolesenu makungunwa aze keshi tachi.

Izaya 35:4

Ambenu kuli akwa mbunge ja woma ngwenu, Takamenu! Kanda nwivwa woma! Talenu Zambi yenu meza ni kufwetesa, meza ni kwononona cha Zambi. Meza nikunulamwina.

Hagai 1:1

Ha mwaka wamuchiali wa mwanangana Dariu, ha kakweji wamuchisambano ni tangwa litangu lia kakweji liji lia Yehova liejile mu kanwa lia profeta Hagaia kuli Zorobabele mwana Salatiele nguvulu wa Yunda, ni kuli sasendote mukwa lutwe Yoshua mwana Jehozadake ngwenyi,

Hagai 1:12

Henaho Zorobabele mwana Salatiele, ni Yoshua mwana Jehozadake mwe sasendote mukwa lutwe, ni masalila eswe ja atu ononokene ku liji lia Yehova Zambi yo, ni maliji ja profeta Hagaia, chize Yehova Zambi yo hamutuma; mba e atu evwilile woma Yehova.

Hagai 2:18

Nyongenu kanawa chize ku tangwa lino ni kulutwe; chize ku tangwa makumi aali ni liamuchiwana lia kakweji wamuchilivwa. Chize ku tangwa lize asele fundamentu ya tembele ya Yehova nyongenu.

Hagai 2:21

Hanjika kuli Zorobabele nguvulu wa Yunda ngwe, Mungunyika malilu ni hashi,

Zakaria 8:13

Nwapwile kashilikilo ka kushinga hakachi ka mavungu, chizechene yenu akwa munyachi wa Yunda ni munyachi wa Izalele mungukanulamwina mba munupwa chiwape. Kanda nwivwa woma; moko jenu akatakame.

Zakaria 8:18

Liji lia Yehova-wa-Tujita yiliza kuli yami ngwenyi,

Efesu 6:10

Ha yize yinasala, mandumbu jami, ngwami, Likolezenu muli Mwene, ni mu ngolo ja ndundo jenyi.

2 Timoteu 2:1

Kashika yena, mwanami, takama mu vumbi lize lili muli Kristu Yesu.

Yoshua 1:6

Takama, hamuka mumu yena muhetesa vungu lino mu chifuchi cha chihinga chize nalakenyene ni shingo kuli tulamba two kwaaha.

Yoshua 1:8

Mukanda uno wa shimbi kanda ukatuka mu kanwa lie, alioze ukaupukune mwalwa ni ufuku, ukalinge kanawa nikulita ni yize yeswe yasonewenamo. Chocho muwahisa jila ye; chocho yuma ye muyiwaha.