Zakaria 8:7 - MUKANDA USANDU WA ZAMBI 1975

⁷ Yehova-wa-Tujita kanambe ngwenyi, Mungukalamwina atu jami ku chifuchi cha ku Chivumbuko ni ku chifuchi cha ku Chitokelo.

Mukanda Wa Zambi 1970

^7-8 Mungukapulula atu jami ku yifuchi ku chivumbuko, ni ku chitokelo kuze aatwalile ni kwaahilwisa ku Yerusaleme. Kumaakabwa atu jami, ni yami mungukabwa Zambi yo, mungukaayula ni umwenmwene ni ululi.

Zakaria 8:7 Iomraidhean Croise

Nehemia 1:9

Alioze nyi munuhiluka kuli yami ni kufunga shimbi jami ni kujilinga, chipwe akwa kumwangana haya ku masongo a hashi, hindu mungwachizako ni kwaneha kuma kuze binatongola kusako jina liami.

Miaso (Masamu) 113:3

Chize ku kuvumbuka cha tangwa ndo ku kutoka chalio, jina lia Yehova akalihalise.

Miaso (Masamu) 147:2

Yehova kakutunga Yerusaleme. Kakukungulula waze amwanganyine a kuli Izalele.

Miaso (Masamu) 50:1

Mukwa Ndundo, Zambi, Yehova hanahanjika. Hasanyika hashi chize ku chivumbuko cha tangwa ndo ku Chitokelo.

Izaya 49:12

Wano kumakeza kusuku, ni wano kumakatuka ku Norte ni ku Chitokelo, ni wano ku chifuchi cha Sinime.

Izaya 59:19

Chocho akwa Chitokelo mavwila woma jina lia Yehova. Akwa Chivumbuko mavwila woma uhenya wenyi. Mumu meza ngwe muhwiji wa tachi wa kushinjika ni fuji ya Yehova.

Jeremia 31:8

Mungwachiza ku chifuchi cha ku Norte, mungwakonga chize ku kusula-songo lia hashi. Hakachi ko kumukukapwa afwa-meso ni yitonji, ni tufumba ni tufumbakaji hamuwika, mbunga yinene, eswe makahiluka kuno kwene.

Ezekiel 11:17

Kashika amba ngwe, Mwene Yehova kanambe ngwenyi, Mungukanukonga ku mavungu; mungukanuchiza ku yifuchi kuze hinwamwanganyina, mungukanwaha chifuchi cha Izalele.

Ezekiel 36:33

Mwene Yehova kanambe ngwenyi, Ha tangwa lize mungukanupemesa ku uhenge wenu weswe, mungukapwisa yihunda yenu ni atu anji, mba yihela ya hululu makayitungulula.

Zakaria 10:6

Kumungukutakamisa munyachi wa Yunda; kumungukalamwina munyachi wa José. Mungukaahilwisa mumu ngunaavwila keke, mba makapwa ngwe chalitunyino, mumu yami nguli Yehova Zambi yo kashika mungukaakumbulula.

Malaki 1:11

Mumu chize ku Chivumbuko ndo ku Chitokelo jina liami liafumana hakachi ka mavungu, ni kweswe kakwochela insensu jina liami nikuhana mulambu wa kulinanga, mumu jina liami liafumana hakachi ka mavungu. Chocho kanambe Yehova-wa-Tujita.

Shimbi 30:3

Yehova Zambi yenu kumakalumuna ufunge wenu, makanuvwila keke, nikunukonga ku mavungu eswe kuze Yehova Zambi yenu wanumwanginyine.