Zakaria 8:16 - MUKANDA USANDU WA ZAMBI 1975

¹⁶ Yuma munukalinga yino; Hanjikenu umwenemwene umwe kuli mukwo ni mukwo; ku malwaza jenu lingenu upatwilo wamwenemwene uze wakukoka sambukila;

Mukanda Wa Zambi 1970

¹⁶ Yuma yize chanutamba kulinga yili yino: hanjikenu umwenemwene umwe ni mukwo. Mu yisopelo batulenu ni ululi, mba nubwe mu uhwimino.

Zakaria 8:16 Iomraidhean Croise

Miaso (Masamu) 15:2

Yoze wakwenda keshi chitela; yoze wakulinga ululi: yoze wakuhanjika umwenemwene ku mbunge yenyi.

Miaso (Masamu) 34:15

Meso a Yehova katala kuli akwa ululi. Matwi jenyi kajikuka ku muteto wo.

Yishima 12:17

Yoze mahanjika umwenemwene masolola ululi; alioze chela cha mahuza kakusolola kwonga.

Yishima 12:19

Kanwa lia kuhanjika umwenemwene kumakalikolesa lia mutolo; alioze limi lia mahuza liapwa lia kashimbu wika.

Izaya 9:7

Kutanda cha chiyulo chenyi ni cha sambukila kuchichi kusula, ha ngunja ya David ni ha wanangana wenyi kuukolesa ni kuujikijisa ni upatwilo ni ululi chize ku tangwa lize ni ndo ku miaka yeswe. Tachi ja Yehova-wa-Tujita mujilinga chino chuma.

Jeremia 22:3

Yehova kanambe ngwenyi, Patulenu nikulita; lingenu ululi, pululenu ku kwoko lia mukwa kupinjisa yoze hamwiya. Kanda nulinga uhenge hanji upupilo kuli chilambala, hanji mwana-shiwa, hanji tuliwa, kanda numwanga muma muno manyinga ja waze keshi chitela.

Ezekiel 18:8

keshi kuhana mbongo ha mbwezo hanji ha kulifumbula chimwe; kakuchiza kwoko lienyi ku uhenge; kakupatula ni ululi wamwenemwene hakachi ka mutu ni mutu;

Ezekiel 45:9

Mwene Yehova kanambe ngwenyi, Kunahu, enu alemu ja Izalele! Mbilenu upupilo ni upinjiso, nukapatule nikulita ni ululi. Mwene Yehova kanambe ngwenyi, Litwaminenu kufwetesa atu jami chocho.

Alevi 19:11

Kanda nwiya. Kanda nwonga. Kanda nuhanjika mahuza umwe kuli mukwo.

Amose 5:15

Vwilenu lwaji yuma yipi; zangenu yuma yipema kolesenu upatwilo wa ululi mu chota. Hanji Yehova Zambi-ya-Tujita mavwila vumbi masalila ja José.

Amose 5:24

Alioze upatwilo wa kulita ukapwe ngwe sanga lia meya; ululi ukapwe ngwe muhwiji wa mutolo.

Mika 6:12

Pichi jenu kanazala ni upupilo; waze atungamo kakuhanjika mahuza malimi ja mu makanwa jo a kwonga.

Mika 6:8

Ena lunga, hanakulweze chize Chinapeme. Yehova yika anafupu kuli yena shina kupatula ni ululi, ni kuzanga vumbi, ni kuliendela ni Zambi ye ni kulikehesa?

Zefania 3:13

Waze malisalaho mu Izalele kechi kalinga chipi nichimwe. Kechi kahanjika mahuza; chipwe kuwana mu makanwa jo limi lia kwonga. Mumu makawana kelo; makapomba; niumwe makaakolesa woma wakuhi.

Zakaria 7:9

Yehova-wa-Tujita kanambe ngwenyi, Patulenu ni ululi; lingenu ni utu ni keke mutu mweswe kuli mukwo.

Zakaria 8:19

Yehova-wa-Tujita kanambe ngwenyi, Kulitwamina kulia ha kakweji wamuchiwana, ni ha kakweji wamuchitano, ni ha kakweji wamuchishimbiali, ni ha kakweji wamuchikumi, yeswe muyipwa kuli akwa munyachi wa Yunda matangwa a uwahililo ni chiseke, ni yiwanyino ya maseho. Kashika zangenu umwenemwene ni sambukila.

Zakaria 8:3

Yehova kanambe ngwenyi, Mungukahiluka ku Zaione, mungukatwama hakachi ka Yerusaleme, mba makatongola Yerusaleme ngwo, Chihunda cha jika, ni mulundu wa Yehova-wa-Tujita, makautongola ngwo, Mulundu usandu.

Mateu 5:9

Kawaha yitakanyishi, mumu kumakaavuluka ngwo, Ana a Zambi.

Efesu 4:17

Kashika chino ngunambe, ngunashindakenya muli Mwene ngwami, Kanda nukenda nawa ngwe mavungu akwenda mu kunyonga cho chamokomoko,

Efesu 4:25

Kashika nikumbila mahuza, hanjikenu umwenemwene mweswe ni mwenyembo wenyi; mumu tuli yihanda yimwe ya mukwo.

1 Tesalonika 4:6

Niumwe kanda ahiana akavulumune ndumbwenyi ha chuma chino: mumu Mwene iye mukwa kukala yino yuma yeswe, chizechene ngwe twanwambulwilile kulu twashindakenyene chikolo.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.