Zakaria 7:9 - MUKANDA USANDU WA ZAMBI 1975

⁹ Yehova-wa-Tujita kanambe ngwenyi, Patulenu ni ululi; lingenu ni utu ni keke mutu mweswe kuli mukwo.

Mukanda Wa Zambi 1970

⁹ “Ku shakulu nahanyine Shimbi jino kuli atu jami ngwami: ‘Chanutamba kubatula milonga ni ululi, ni kulilweza utu ni keke umwe ni mukwo.

Zakaria 7:9 Iomraidhean Croise

2 Samuel 9:7

David yamba kuli iye ngwenyi, Kanda wivwa woma, mumu pundu mungukulinga vumbi mumu hali tatenu Jonatas. Mungukwaha minda yeswe ya kakenu Saulu. Kumuolia ku mesa yami matangwa eswe.

Jobe 31:20

nyi molu jenyi kanguhalishile; kachi kavumine ni wona wa ku mapanga jami,

Jobe 6:14

Chatamba mutu kupwa ni utu kuli sepa lienyi yoze kanalezumuka; nyi ka kanambila woma wa Mukwa-Ndundo-Jeswe.

Yishima 21:3

Kulinga ululi ni upatwilo wapemena Yehova kuhiana yitapo.

Jeremia 21:12

Enu munyachi wa David! Yehova kanambe ngwenyi, Ha chimene patulenu ni upatwilo uze unalite, pululenu ku kwoko lia mukwa kupinjisa yoze hamwiya, kuchina ufwatulo wami muutuhuka ngwe kahia ukalekwoke ni yoze maujima wakuhi mumu ha yitanga yenu yipi.

Jeremia 22:3

Yehova kanambe ngwenyi, Patulenu nikulita; lingenu ululi, pululenu ku kwoko lia mukwa kupinjisa yoze hamwiya. Kanda nulinga uhenge hanji upupilo kuli chilambala, hanji mwana-shiwa, hanji tuliwa, kanda numwanga muma muno manyinga ja waze keshi chitela.

Jeremia 7:23

Alioze naahele shimbi yino ngwami, Ononokenu ku liji liami mba mungupwa Zambi yenu ni yenu munupwa atu jami. Endenu mu jila yeswe mungunwamba hanga chikapwe kanawa ni yenu.

Jeremia 7:5

Mumu nyi munupemesa majila jenu ni yitanga yenu pundu; nyi munulinga ni kulita umwe kuli mukwo ni mukwo,

Ezekiel 18:8

keshi kuhana mbongo ha mbwezo hanji ha kulifumbula chimwe; kakuchiza kwoko lienyi ku uhenge; kakupatula ni ululi wamwenemwene hakachi ka mutu ni mutu;

Ezekiel 45:9

Mwene Yehova kanambe ngwenyi, Kunahu, enu alemu ja Izalele! Mbilenu upupilo ni upinjiso, nukapatule nikulita ni ululi. Mwene Yehova kanambe ngwenyi, Litwaminenu kufwetesa atu jami chocho.

Hosea 12:7

Aye kapwa mukwa kusepa wa mbalansa ja kwonga, kakuzanga kupinjisa.

Alevi 19:15

Kanda nupatula ni uhenge hanji ni katonde kuli chiswale, hanji ni ulemeso kuli mulemu. Alioze munukapatwila mukwenu ni ululi.

Amose 5:24

Alioze upatwilo wa kulita ukapwe ngwe sanga lia meya; ululi ukapwe ngwe muhwiji wa mutolo.

Mika 6:8

Ena lunga, hanakulweze chize Chinapeme. Yehova yika anafupu kuli yena shina kupatula ni ululi, ni kuzanga vumbi, ni kuliendela ni Zambi ye ni kulikehesa?

Zakaria 7:7

Shimbu machitwama mu Yerusaleme ni kuwaha ni yihunda yeswe ya kujingilika, ni chifuchi cha ku Sule ni chifuchi cha ku mwanda yeswe ni atu, te Yehova kambile maliji wano ene kuli aprofeta jenyi a kushi?

Zakaria 7:8

Liji lia Yehova yiliza kuli Zekaria ngwenyi,

Mateu 23:23

Lamba lienu, akwa kusonyeka ni A-Fwariseu, yilembese! mumu nwakufweta chihanda cha kumi cha ku chimbumba ni endru ni kominyu, alioze hinunalelesa yuma yilemu yahiana ya shimbi, upatwilo wa kulita, ni keke, ni Ufulielo: alioze yino Chanutamba kulinga, alioze kanda nulelesa yikwo.

Luka 11:42

Alioze lamba lienu A-Fwariseu! nwakutambula chihanda cha kumi cha chimbumba ni aluta, ni yilimalima yeswe, alioze nwakulelesa ululi ni zango lia Zambi: Chanutamba Shinaho kulinga yino ni kulitwamina yikwo, ka.

Yoano 7:24

Kanda nukapatula nikulita ni meso jenu, alioze patulenu upatwilo wa ululi.

Yoano 7:51

ngwenyi, Shimbi yetu muyipatwila mutu shina hatangu mamwivwa, akanyingike chize kakulinga, nyi?

Shimbi 22:1

Nyi mumona ngombe ya mukwenu matoka, hanji panga yenyi, kanda wakalishila mbunge ye. Ukaahilwise kuli mukwenu.