Zakaria 7:5 - MUKANDA USANDU WA ZAMBI 1975

⁵ Amba kuli atu eswe a mu chifuchi hamwe ni asasendote ngwenu, Ha kulitwamina kulia ni kulinyenga ha kakweji wamuchitano ni wamuchishimbiali, miaka yino makumi shimbiali, te yami nunachilingila?

Mukanda Wa Zambi 1970

⁵ ngwenyi: “Lweza atu a mu chifuchi ni mahako a Zambi ngwe: ‘Muze te nwakulitwamina kulia ni kunenganyana ha kakweji wa muchitano ni wa muchishimbiali ha miaka yino makumi shimbiali, te nwakuchilinga hanga nungulemese, nyi?

Zakaria 7:5 Iomraidhean Croise

1 MIANANGANA 25:23

Muze tupitau twa tujita ni atu jo hevwa ngwo, Mwanangana wa Babilonia hasela Gedalia kuyula, yeza kuli Gedalia ku Mizepa; Ishemali mwana Netania, ni Johanane mwana Karea, ni Seraia mwana Tanumete Ka-Netofate, ni Jazania mwana wa mwe Ka-Maka, o eswe ni atu jo.

1 MIANANGANA 25:25

Ahoze ha kakweji wamuchishimbiali Ishemali mwana Netania mwana Elisama wa munyachi wa wanangana yeza ni kumi lia malunga; yalamba Gedalia mba iye yafwa hamwe ni A-Yunda ni A-Kaletea aze apwile no ku Mizepa.

Izaya 43:23

Kunwanehene kuli yami mapanga ha milambu ya kulumba. Kunwangulemesene ni yitapo yenu. Ami chanuvwishile kulema ni milambu, chanukatalishile ni libano.

Izaya 58:3

Kuchi te twakulitwamina kulia, alioze yena kwachimwene? Kuchi te twakulilelesa, alioze yena kwachisele mbunge? Mumu ha tangwa lia kulitwamina kulia nunafupu kuliwahisa yenwene, hindu nwakupinjisa ngamba jenu.

Jeremia 25:11

Chifuchi chino cheswe muchalumuka cha kwenyeka ni cha mwongo, ni minyachi yino muyilingila mwanangana wa Babilonia makumi shimbiali a miaka.

Jeremia 29:10

Mumu Yehova kanambe ngwenyi, Muze makumi shimbiali a miaka hamanunuka ku Babilonia mungununangisa; mungumanununa kuli yenu chize nalakenyene. Mungunuhilwisa ku chifuchi chino.

Jeremia 52:12

Ha kakweji wamuchitano ha tangwa liamuchikumi lia kakweji—we mwaka kumi ni wamuchilivwa wa mwanangana Nabukanezore mwanangana wa Babilonia—kwejile Nabuzaradane, kapitau ka tulayi, kanda kavumbi ka mwanangana wa Babilonia ku Yerusaleme.

Daniel 9:2

ha mwaka wenyi utangu wa kuyula, yami Daniel nasele chinyingi mu mikanda, nikulita ni liji lia Yehova kuli profeta Jeremia, kwalula cha miaka yize muyipalika ndo ku songo lia kupwa Yerusaleme ya hululu—chinalumbunuka, makumi shimbiali a miaka.

Hosea 7:14

Katambikile kuli yami ni mbunge, alioze ha mihela yo kakulila mbimbi. Kakukungulukila mbuto ni vinyu; kakungukatukila.

Zakaria 1:12

Henaho mungelo wa Yehova yamba ngwenyi, Yehova-wa-Tujita, ndo mwiji muka kuchi kapwa ni keke ha Yerusaleme ni ha yihunda ya Yunda hiwapwa ni ufwatulo wa kulimika nayo miaka yino makumi shimbiali?

Zakaria 7:3

akahule asasendote a zuwo Iia Yehova-wa-Tujita ni aprofeta ngwenyi, Changutamba kulinyenga ni kulitwamina kulia ha kakweji wamuchitano chizechene ngwe nakulinga miaka yino yinji nyi ka?

Zakaria 7:4

Mba liji lia Yehova-wa-Tujita yiliza kuli yami ngwenyi,

Zakaria 7:6

Ni shimbu munulia ni shimbu mununwa te kunwalile, kunwanwine kuli yenwene?

Zakaria 8:19

Yehova-wa-Tujita kanambe ngwenyi, Kulitwamina kulia ha kakweji wamuchiwana, ni ha kakweji wamuchitano, ni ha kakweji wamuchishimbiali, ni ha kakweji wamuchikumi, yeswe muyipwa kuli akwa munyachi wa Yunda matangwa a uwahililo ni chiseke, ni yiwanyino ya maseho. Kashika zangenu umwenemwene ni sambukila.

Mateu 23:5

Yitanga yo yeswe kakuyilinga akamoneke kuli atu: mumu kakutohesa yipenya yo, kakutohesa mapula jo.

Mateu 6:16

Muze munulitwamina kulia, kanda nupwa ngwe yilembese, akuhonga ku meso: mumu kakupihisa meso jo, hanga akasoloke kuli atu ngwe analitwamina kulia. Pundu ngunambe kuli yenu ngwami, Hanatambula kwononona cho.

Mateu 6:2

Kashika muze muhana yawana, kanda ukemba chitavwi kulutwe lie, ngwe yilembese akulinga mu masunangonga ni mu mikombwelo, hanga akaachichimieke kuli atu. Pundu ngunambe kuli yenu ngwami, Hanatambula kwononona cho.

Mateu 6:5

Muze mulemba kanda upwa ngwe yilembese, mumu mafwila kulemba nikumana mu masunangonga ni ha malindalinda ja matapalo, hanga akasoloke kuli atu. Pundu ngunambe kuli yenu ngwami, Hanatambula kwononona cho.

1 Korintu 10:31

Chipwe kashika munulia, hanji mununwa, hanji cheswacho munulinga, lingenu yuma yeswe ha uhenya wa Zambi.

2 Korintu 5:15

iye wafwilile eswe, hanga waze ali ni mwono, kechi kupwa ni mwono nawa kuli ayo ene, alioze kuli yoze waafwilile mba wahindukile.

Kolosu 3:23

Cheswacho munulinga, chilingenu ni mbunge, chizechene ngwe kuli Mwene, hi kuli atu ko.