Zakaria 7:12 - MUKANDA USANDU WA ZAMBI 1975

¹² Yapwisa mbunge jo jikalu ngwe diamante kuchina mevwa shimbi ni maliji aze Yehova-wa-Tujita watumine ni Spiritu yenyi kuli aprofeta a kushi. Kashika ufwatulo unene wejile wa kuli Yehova-wa-Tujita.

Mukanda Wa Zambi 1970

¹² yijikala ngwe mawe. Nevwile wuli unji mumu te kaasolo kubanjika ku maliji jami waze alongesele akwa munanyi ku shakulu.

Zakaria 7:12 Iomraidhean Croise

2 Sango Ja Mianangana 36:13

Aye nawa yakatukila Nabukanezore; te hanamushingisa ni jina lia Zambi. Alioze yakwata pami nikukalisa mbunge yenyi kanda yitala kuli Yehova, Zambi ya Izalele.

2 Sango Ja Mianangana 36:16

Alioze alenyene tunganda twa Zambi; yalelesa maliji jenyi; ni kuchimbunguna aprofeta jenyi ndo ufwatulo wa Yehova wavundukile kulimika ni atu jenyi, mumu chize malinga kwakwasa chakuhi nawa.

Jobe 9:4

Iye mukwa mbunge ya mana, mukwa kutakana ni ndundo. Yoze wakwata nenyi pami mba yatwama kanawa, iya?

Miaso (Masamu) 50:17

Se kwazangile lufumbo, wakumbila kunyima maliji jami.

Kutuhuka 7:13

Mbunge ya Falau yakalile, kahalakanyine kuli ayo, ka, ngwe ambile Yehova.

Izaya 46:12

Panjikenu kuli yami, enu akwa mbunge ja pami, enu nuli kusuku ni ululi.

Izaya 48:4

Se ngunanyingika nuli akwa pami, kota jenu japwa ngwe mujipwa wa utale, ni mahuma jenu ngwe unengu,

Izaya 6:10

Pwisa mbunge ja wano atu ja maji, ni matwi jo akaleme, ni meso jo akafuke, kuchina akamone ni meso jo, akevwe hi matwi jo, akanyingike ni mbunge jo, akalumuke aawuke.

Izaya 65:12

Mungunufunjikila katana, yenu eswe munuhetamina ku kufwa. Mumu ha kutambika chami, kunwakumbulwile, ha kuhanjika chami, kunwapanjikile. Alioze nwalingile chipi kumeso jami, nwatongwele chize yami Chawahililile nacho.

Jeremia 17:1

Shili ya A-Yunda hanayisoneka ni chisonekeso cha utale. Hanayolo ni songo lia diamante ha mbunge jo, ni ha mbinga ja yilumbilo yo,

Jeremia 17:23

Hindu kapanjikile chipwe kutela matwi, alioze akalishile makota jo, kuchina mevwa akaafumbule.

Jeremia 26:19

Te Hezekia mwanangana wa Yunda ni atu ja A-Yunda yamushiha nyi? Kevwile woma wa Yehova nikulembelela kuli Yehova, mba Yehova yalikonyeka ha kutwala ku yuma yikalu yize hahanjika hali ayo? Alioze yetu tunambe kulikokela yuma yikalu chikolo.

Jeremia 42:21

Tangwa lino lia musono hinanulwezacho alioze kunwononokene ku liji lia Yehova Zambi yenu ha chuma nichimwe chize hangutuma kumulweza.

Jeremia 5:3

Yehova, ngwami, meso je kakufupa umwenemwene. Hiwaalamba, alioze kevwile kupiha. Hiwaonwona, alioze kasolo kutambula lufumbo. Hakalisa meso jo kuhiana yimawe. Kasolo kulikonyeka.

Jeremia 7:20

Kashika Mwene Yehova kanambe ngwenyi, Utenu wami ni ufwatulo wami kumuukazukuka homa hano hali atu, ni yimuna, ni ha mitondo ya mu minda ni ha mihuko ya mavu, kumuukalekwoka, kechi kuhasa kuujima.

Ezekiel 11:19

Mba mungukaaha mbunge yaha; mungukasa Spiritu yaha muli ayo. Mungukachiza ku musunya wo mbunge jo ja mawe, mungukaaha mbunge ja musunya,

Ezekiel 14:5

hanga ngukakwate ku mbunge ja akwa munyachi wa Izalele, waze eswe hanalumuka kuli yami ngwe ngeji, ha mukunda wa mahamba jo.

Ezekiel 2:4

Atu wano kapwa akwa shino, akwa pami. Ngunakutumu kuli ayo ukambe kuli ayo ngwe, Mwene Yehova kanambe ngwenyi,

Ezekiel 36:26

Mungukanwaha mbunge yaha; mungukasa Spiritu yaha muli yenu. Mungukachiza mu mijimba yenu mbunge jize ja mawe; mungukanwaha mbunge ja musunya.

Zakaria 1:2

Yehova watenukine chikolo ni tulamba twenu

Zakaria 7:7

Shimbu machitwama mu Yerusaleme ni kuwaha ni yihunda yeswe ya kujingilika, ni chifuchi cha ku Sule ni chifuchi cha ku mwanda yeswe ni atu, te Yehova kambile maliji wano ene kuli aprofeta jenyi a kushi?

Mateu 13:15

Mumu mbunge ja atu ano hijinapapala, matwi jo kakufulamana ha kwivwa, hanafuku meso jo; kuchina hanji mamona ni meso jo, hanji mevwa ni matwi jo, hanji manyingika ni mbunge jo, hanji malumuka, ngwahindwise.

Marku 4:12

hanga ha kutala, akatale, alioze kechi kamona; mba ha kwivwa akevwe, alioze kechi kanyingika; kuchina hanji malumuka, maakonekenacho.

Luka 8:12

Alioze waze a ku sesa lia jila, waze hanevu; kulutwe lia chize meza Ndiapu, machiza liji ku mbunge jo, hanga kechi kafuliela akaalamwine.

Yilinga 28:27

Mumu mbunge ja atu ano hijinaleme, o hajika ku matwi jo, hafuka meso jo; kuchina hanji mamona ni meso jo, hanji mevwa ni matwi jo, hanji manyingika ni mbunge jo, akalumuke ngukaahindwise.

2 Petulu 1:21

Mumu uprofeto niumwe kuwejile niumwe mwaka ku upale wa atu: aiioze atu ahanjikile cha kuli Zambi, ni kuhungumuka kuli Spiritu Musandu.