Zakaria 5:4 - MUKANDA USANDU WA ZAMBI 1975

⁴ Yehova-wa-Tujita kanambe ngwenyi, Munguutuma mba muunjila mu zuwo lia mwiji, ni mu zuwo lia mukwa kulishinga ni mahuza ni jina liami, mba muutwama mu zuwo lienyi nikulilia lieswe, ni mitondo ni mawe.

Mukanda Wa Zambi 1970

⁴ Mwene Zambi Mukwa Ndundo Jeswe kanambe ngwenyi: ‘Mungumwangina Shingo lize kweswe; mulikanjila mu zuwo lia mwiji mweswe ni lia yoze wakulishinga ni mahuza. Mulikanjila mu mazuwo jo ni kwenyeka mo.’ ”

Zakaria 5:4 Iomraidhean Croise

Jobe 18:15

Mu zuwo lienyi mwatwama chuma hi nichenyi ko; fundanga majimwanga ha zuwo lienyi.

Jobe 20:26

Hanamutulikila milima ha upite wenyi; kahia kaze kakasambijile mukamulalisa; chize chasala mu zuwo lienyi muchikakuwa.

Jobe 8:15

Malishachila ha zuwo lienyi, kuliakolele; malikwata, kulialindulukile.

Jobe 8:22

Akwa kole je makaafuka ni sonyi, ni mazuwo ja yingulungulu kumakajimuka.

Yishima 3:33

Shingo lia Yehova lili ha zuwo lia chingulungulu, alioze kakuwahisa muze mwatwama mukwa ululi.

Izaya 24:6

Kashika shingo linawumbula he hashi, ni akwa hashi kanamono lamba mumu ha uhie wo. Kashika akwa hashi kanapapiwa ni malunga akehe wika asala.

Jeremia 2:26

Ngwe mwiji kakwivwa sonyi ha kumukwata chocho akwa munyachi wa Izalele mevwa sonyi, o, ni mianangana jo, ni alemu jo, ni asasendote jo, ni aprofeta jo.

Hosea 4:2

Alioze chize chiliko, kutukana, ni mahuza, ni ungalwe, ni wiji, ni utanji. Kakuhiana shimbi jeswe; ungalwe unalitumbikila ha ungalwe.

Hosea 4:3

Kashika chifuchi chinalinyenge, ni waze eswe atwamamo kanahongo, ni tushitu a mu yambu nawa, ni tujila a mu tetela, ni chipwe yishi a mu kalunga-lwiji kanaachiza.

Amose 3:10

Yehova kanambe ngwenyi, Waze akuvundula upupilo ni wiji mu mbonge jo; kanyingikine kulinga yipema.

Zakaria 5:3

Henaho yamba kuli yami ngwenyi, Lie shingo lienalio linayi chifuchi cheswe, mumu kulutwe mweswawo meya chuma mamusuma nikulita ni mukanda, ni mweswawo malishinga ni mahuza mamusutula nikulita nawo.

Zakaria 8:17

kanda nulitakila chipi mu mbunge jenu umwe kulimika ni mukwo; kanda nuzanga shingo lia mahuza. Mumu Yehova kanambe ngwenyi, Yino yeswe yangupihila.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Shimbi 28:16

Munukashingiwa mu membo, munukashingiwa mu minda.

Shimbi 7:26

Kanda nunjisa mu mazuwo jenu chizelwokeso chimwe, kuchina munulifwa nacho mba munupwa ajila; nukachichine, nukachivwile lwaji lume; mumu kuchapwa chuma chajila.

Yoshua 9:20

Mutulinga no chino. Akatwame ni mwono kuchina ufwatulo muwiza hali yetu mumu ha shingo lize twalishingile nalio kuli ayo.