Zakaria 5:3 - MUKANDA USANDU WA ZAMBI 1975

³ Henaho yamba kuli yami ngwenyi, Lie shingo lienalio linayi chifuchi cheswe, mumu kulutwe mweswawo meya chuma mamusuma nikulita ni mukanda, ni mweswawo malishinga ni mahuza mamusutula nikulita nawo.

Mukanda Wa Zambi 1970

³ Mba yangwamba ngwenyi: “Ha mukanda uze hanasonewa Shingo lize mulitanda mu chifuchi cheswe. Ku sali limwe lia chivungo kunasonewa ngwo, mweswawo meya, maamuhuma mu chifuchi; ku sali likwo linasonewa ngwo, mweswawo malishinga ni mahuza, maamuhuma.

Zakaria 5:3 Iomraidhean Croise

Kutuhuka 20:15

Kanda ukeya.

Yishima 29:24

Mweswe malianyina ni mwiji kalizangile mwene; kanevu kulishinga hindu kambile nichimwe.

Yishima 3:33

Shingo lia Yehova lili ha zuwo lia chingulungulu, alioze kakuwahisa muze mwatwama mukwa ululi.

Yishima 30:9

kuchina hanji mungukuta mba mungulikala yena ngwami, Yehova iya? Hanji kuchina ngupwe chiswale mba ngukeye ni kujilula jina lia Zambi yami.

Izaya 24:6

Kashika shingo linawumbula he hashi, ni akwa hashi kanamono lamba mumu ha uhie wo. Kashika akwa hashi kanapapiwa ni malunga akehe wika asala.

Izaya 43:28

Kashika najilwile alemu a muma musandu; nakunjikile Yakomba akanonge liakulu, nakunjikile Izalele ku sau.

Izaya 48:1

Panjikenu chino, enu akwa munyachi wa Yakomba, enu hanwaha jina lia Izalele, ni yenu nwasemukine kuli Yunda. Nwakulishinga ni jina lia Yehova, mwakutayiza Zambi ya Izalele, alioze kunwachilingile ni umwenemwene ni ululi.

Jeremia 23:10

Mumu chifuchi hichazala ni yitanji. Mumu chifuchi chinalinyenge ha mukunda wa shingo; kelo ja ku puya hijoma. Jila yo yipi; ngolo jo kujalulamine.

Jeremia 26:6

nyi chocho, mungupwisa zuwo lino ngwe Shilo, mungupwisa chihunda chino shingo lia mavungu eswe a hashi.

Jeremia 5:2

Chipwe akwamba ngwo, Ni mwono wa Yehova, hindu hanalishingi ni mahuza.

Jeremia 7:9

Te nunazange kwiya, ni kushiha, ni kulinga utanji, ni kulishinga ni mahuza, nikwochela Mbale insensu, ni kukaula mazambi eka kunwaanyingikine,

Ezekiel 2:9

Ha kutala kumanyi kwoko limwe alizozele kuli yami, linakwata mukanda wa chivungo;

Daniel 9:11

A-Izalele eswe Hahambuluka, hatangula shimbi je, kasolo kupanjika ku liji lie. Kashika lie shingo ni che chilakenyo asonekene mu shimbi ja kavumbi ka Zambi Mose, hanayizukula hali yetu, mumu hitwamuvulumuna.

Hosea 4:2

Alioze chize chiliko, kutukana, ni mahuza, ni ungalwe, ni wiji, ni utanji. Kakuhiana shimbi jeswe; ungalwe unalitumbikila ha ungalwe.

Alevi 19:11

Kanda nwiya. Kanda nwonga. Kanda nuhanjika mahuza umwe kuli mukwo.

Alevi 19:12

Kanda nulishinga ni mahuza ku jina liami, nukajilule jina lia Zambi yenu. Yami Yehova.

Amose 3:10

Yehova kanambe ngwenyi, Waze akuvundula upupilo ni wiji mu mbonge jo; kanyingikine kulinga yipema.

Zakaria 5:4

Yehova-wa-Tujita kanambe ngwenyi, Munguutuma mba muunjila mu zuwo lia mwiji, ni mu zuwo lia mukwa kulishinga ni mahuza ni jina liami, mba muutwama mu zuwo lienyi nikulilia lieswe, ni mitondo ni mawe.

Zakaria 8:17

kanda nulitakila chipi mu mbunge jenu umwe kulimika ni mukwo; kanda nuzanga shingo lia mahuza. Mumu Yehova kanambe ngwenyi, Yino yeswe yangupihila.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Malaki 4:6

Kumakatalikisa mbunge ja atato kuli ana jo, ni mbunge ja ana kuli atato, kuchina mungwiza nikulamba chifuchi ni shingo.

Mateu 25:41

Hohene makamba nawa kuli waze ali ku chimeso ngwenyi, Katukenu kuli yami, yenu kunwashingiwa, nuye ku kahia ka mutolo kaze alulikile hali Ndiapu ni angelo jenyi.

Luka 21:35

Mumu chocho mulikeza hali waze eswe akutwama ha kuzazuluka cha hashi heswe.

Efesu 4:28

Yoze weyile kanda akeya nawa; alioze Shinaho akakilikite, akalinge yipema ni moko jenyi, hanga akapwe ni chize cha kulianyina ni yoze mahona.

1 Timoteu 1:9

Nikunyingika chino, shimbi kayikolesele hali mukwa ululi, alioze ayikolesele hali yihulia ni akwa kulolema, ni yitanganyanyi ni yivulumunyi, ni akwa luchisa ni yijiluke, ni akwa kulamba atato, ni akwa kulamba anaye, ni yingalwe,

Tiangu (Jake) 5:12

Alioze kuhiana yuma yeswe, mandumbu jami, kanda nulishinga, chipwe ni lilu, chipwe ni hashi, chipwe ni shingo likwo nilimwe: aiioze “ewa” yenu yikapwe “ewa”, ni “ka” yenu yikapwe “ka”; hanga kunuchi kulimbukila mu upatwilo.

Tiangu (Jake) 5:4

Talenu, fweto ya akwa milimo jenu waze hanachi minda yenu, yize nwaalimwine, kuyakuteta; ni miteto ya waze hanachi hiyinanjila mu matwi ja Mwene wa yizavu ya tujita.

Yoshua 9:20

Mutulinga no chino. Akatwame ni mwono kuchina ufwatulo muwiza hali yetu mumu ha shingo lize twalishingile nalio kuli ayo.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.

Usolwelo 22:15

Haze atwama tuwa ni akwa kupanda, ni yitanji, ni yingalwe, ni akwa kukombelela mahamba, ni mweswawo wakufwila, wakutomba mahuza.