Zakaria 5:1 - MUKANDA USANDU WA ZAMBI 1975

¹ Cheka nawa yinguhetula meso jami, yingumona mukanda umwe wa chivungo unahumuka.

Mukanda Wa Zambi 1970

¹ Yingutala nawa, yingumona chivungo cha mukanda chinatelumioka mu tetela.

Zakaria 5:1 Iomraidhean Croise

Izaya 8:1

Yehova yamba kuli yami ngwenyi, Anda chilolwa chinene cha kusonekaho Usoneke ni sona ja matangwa eswe ngwe, Kuli Maha-shala-hasha-baze.

Zakaria 5:2

Aye yamba kuli yami ngwenyi, Yika unamono? Yingukumbulula ngwami, Ngunamono mukanda wa chivungo unahumuka; usuhe wawo makumi aali a mbandu, ni utohe wawo kumi lia mbandu.

Usolwelo 10:2

Iye wapwile ni kamukanda ka kupakula ha kwoko lienyi: iye wasele chiliato chenyi cha chindume ha kalunga-lwiji, ni chiliato chenyi cha chimeso hashi.