Zakaria 4:6 - MUKANDA USANDU WA ZAMBI 1975

⁶ Aye yamba kuli yami ngwenyi, Lie liji lino lia Yehova kuli Zorobabele ngwenyi, Yehova-wa-Tujita kanambe ngwenyi, Hi ku ndundo ko hanji ku ngolo alioze kuli Spiritu yami.

Mukanda Wa Zambi 1970

⁶ Kanganda ka mwilu yangwaha maliji wano a kuli Mwene Zambi ha kulweza Zerubabele ngwenyi: “Kumuukumba, alioze hi ku tachi ja tujita ko, hanji ja yena mwene, alioze ku tachi ja mwiku wami.

Zakaria 4:6 Iomraidhean Croise

Ubutukilo 41:16

José yakumbulula kuli Falau ngwenyi, Muli yami kuchishimo, alioze Zambi kumahana kuli Falau kumbululo lia sambukila.

1 Yitanga Ya Mianangana 19:12

Kulutwe lia munyiko kwejile kahia alioze Yehova kapwile mu kahia. Kulutwe lia kahia kwejile liji limwe likepe lia vumbi.

2 Sango Ja Mianangana 14:11

Asa yalemba kuli Yehova Zambi yenyi ngwenyi, Yehova, kukushi chikwashi shina yena hakachi ka mukwa ndundo ni yoze keshi tachi. Tukwase kama, Yehova Zambi yetu, mumu hali yena tunajikijila ni mu jina lie hitwatuhuka kulimika ni mbunga yino. Yehova, uli Zambi yetu, kanda utayiza atu kukukumba.

Ezra 2:2

Ejile hamwe ni Zorobabele, ni Yeshua, ni Nehemia, ni Seraia, ni Relaia, ni Mordekai, ni Bilesane, ni Mizepare, ni Bikavaia, ni Rehume, ni Bana. Kwalula cha malunga A-Izalele chino:

Ezra 3:10

Muze akwa kutunga asele fundamentu ya tembele ya Yehova aselele asasendote mu uzalo wo ni yitavwi, ni A-Levi ana ja Asafwe ni sembalu, akachichimieke Yehova nikulita ni yiyulo ya David mwanangana wa Izalele.

Ezra 5:2

Mba Zorobabele mwana Salatiele ni Yeshua mwana Jozadake yakatuka, yaputuka kutunga zuwo lia Zambi lize lili mu Yerusaleme; ni aprofeta a Zambi apwile hamwe no nikwakwasa.

Miaso (Masamu) 33:16

Mwanangana keshi kumulamwina ha kwoka cha yizavu. Chitakame keshi kumupulula ku tachi jenyi jinji.

Longeshi 9:11

Chikwo nawa, namwene kushi lia tangwa, mukwa tambu keshi kukumba mu Chizomboka; mukwa tachi keshi kukumba mu jita; mukwa mana keshi kuzuka kulia; mukwa yinyingi keshi kuzuka upite; mukwa utotombo keshi kumulemesa, alioze chakwawana nikulita ni tangwa liacho; chakupwa chipwila.

Izaya 30:1

Yehova kanambe ngwenyi, Lamba kuli e ana a uhulia, waze akulinga nikulita ni kuhala, alioze hi kuhala cha yami ko. Kakukolesa usendo alioze hi wa Spiritu yami ko hanga akaweze mulonga ha mulonga.

Izaya 32:15

Ndo mwilu matuzukwila Spiritu ni puya muyalumuka munda wa chinuno, ni munda wa chinuno maumona ngwe usaki.

Izaya 34:16

Fupenu nukatange mu mukanda wa Yehova; niumwe hakachi ka wano mahona, niumwe chihwo mahona kuji yenyi. Mumu kanwa lia Yehova hiliachituma ni Spiritu yenyi hanaakongo.

Izaya 59:19

Chocho akwa Chitokelo mavwila woma jina lia Yehova. Akwa Chivumbuko mavwila woma uhenya wenyi. Mumu meza ngwe muhwiji wa tachi wa kushinjika ni fuji ya Yehova.

Daniel 2:34

Shimbu munuchitala, liwe limwe alipulile, alioze hi ni kwoko lia mutu ko. Lialambile kaponya ha yiliato yenyi ya utale ni uma, yayipalwola.

Hosea 1:7

Alioze munguvwila keke munyachi wa Yunda, mba mungukaapulula ni kwoko lia Yehova Zambi yo. Chichi kaapulula ni uta, hanji ni katana, hanji ni jita, hanji ni tuvwalu, hanji ni akwa kwendesa tuvwalu.

Hagai 1:1

Ha mwaka wamuchiali wa mwanangana Dariu, ha kakweji wamuchisambano ni tangwa litangu lia kakweji liji lia Yehova liejile mu kanwa lia profeta Hagaia kuli Zorobabele mwana Salatiele nguvulu wa Yunda, ni kuli sasendote mukwa lutwe Yoshua mwana Jehozadake ngwenyi,

Hagai 2:21

Hanjika kuli Zorobabele nguvulu wa Yunda ngwe, Mungunyika malilu ni hashi,

Zakaria 6:12

ukambe kuli iye ngwe, Yehova-wa-Tujita kanambe ngwenyi, Talenu mwe lunga jina lienyi Mutango; mumu makatatuka muma mwenyi; makatungisa tembele ya Yehova.

Kwalula 27:16

Yehova, Zambi ya maspiritu a atu eswe, asakule umwe lunga wa helu lia chikungulwila,

Efesu 6:17

Andenu nawa ngalau ya ulamwino, ni katana ka Spiritu, mwenawo liji lia Zambi.

1 Petulu 1:12

Aalwezele ngwe, hi kuli ayo ko, aiioze kuli yetu atuvumbikile ni yino yuma, yize haliapwila hananwambulwilayo ku makanwa ja akwa kwambujola, muli Spiritu Musandu kanatumiwa mwilu; yuma yize angelo kakwivwa usona kuhengulamo.

1 Samuel 14:6

Jonatas yamba kuli kambaji kenyi yoze wambachile yitwa yenyi ngwenyi, Tuye ku chilombo cha wano yilima. Hanji Yehova matukwasa mumu hi chikalu ko kuli Yehova kulamwina atu chipwe ni anji chipwe ni akehe.

1 Samuel 17:47

Chikwo nawa hanga wano eswe anakunguluka kuno akanyingike ngwo, Yehova keshi kutemwina ni katana hanji ni kunga. Mumu jita ya mbala ya Yehova neye makuhana mu kwoko lietu.