Zakaria 4:2 - MUKANDA USANDU WA ZAMBI 1975

² Yamba kuli yami ngwenyi, Yika unamono? Yingwamba ngwami, Ngunamono chikwachilo cha ndeya cheswe cha oru. Chili ni musenge helu liacho, ni ndeya shimbiali jiliho. Ndeho jize jiliho yimwe ha yimwe yili ni tumihembo shimbiali.

Mukanda Wa Zambi 1970

² Yanguhula ngwenyi: “Yika unamono?” Yingukumbulula ngwami: “Ngunamono chikwachilo cha ndeya chakulinga ni oru. Helu chili ni musenge wa kusa maji. He ha chikwachilo hali ndeya shimbiali, ndeya ni ndeya yiibwa ni mikungo shimbiali ha kusa mo ngoji.

Zakaria 4:2 Iomraidhean Croise

1 Sango Ja Mianangana 28:15

Yamwaha nawa pezu ya oru ha yikwachilo ya ndeya ya oru, ni oru ha ndeya ha pezu ya kulita ni chikwachilo cheswe ni ndeya jaho, ni ha yikwachilo ya ndeya ya prata yamwaha prata ha pezu ha chikwachilo cheswe ni ndeya jaho nikulita ni milimo ya chikwachilo cheswe.

2 Sango Ja Mianangana 13:11

O kakwochela milambu ya kulumba ni insensu ya lupembo mupema kuli Yehova chimene ni chingoloshi. Ni mbolo ja kutumbieka kakusa nikulita ha mesa ya kulinanga. Kakuwika ndeya ha chikwachilo cha oru jikatemuke matangwa eswe ha ngoloshi, mumu yetu twakufunga milimo ya Yehova Zambi yetu, alioze yenu hinwamwehuka.

2 Sango Ja Mianangana 4:7

Yalinga kumi lia yikwachilo ya ndeya ya oru nikulita ni shimbi yayo. Yayisa mu tembele, yitano ku chindume, yitano ku chimeso.

Longeshi 12:6

Shimbu kanda apatula mujipa wa prata, shimbu musenge wa oru kanda ufwa, shimbu mulondo kanda ufwa ku fuji lia meya, hanji roda kanda yifwa ku Chitende,

Jeremia 24:3

Yehova yamba kuli yami ngwenyi, Jeremia, yika unamono? Yingwamba ngwami, Ngunamono makuyu. Makuyu apema kanapeme chikolo; makuyu api kanapiha chikolo chocho mutu kahashile kwalia.

Jeremia 52:19

Yambata nawa misenge, ni yikombelo, ni mbasia, ni ndeho, ni yikwachilo ya ndeya, ni yenga ya insensu, ni misenge ya milambu ya kunwa. Yize yeswe yapwile ya oru kapitau ka tulayi yambata ngwe oru, ni yize yapwile ya prata yambata ngwe prata.

Amose 7:8

Yehova yamba kuli yami ngwenyi, Amose, yika unamono? Yingwamba ngwami, Ngunamono prumo. Mba Mwene yamba ngwenyi, Yami ngunase prumo hakachi ka atu jami A-Izalele; chichi kwapalika nawa nilimwe tangwa.

Zakaria 5:2

Aye yamba kuli yami ngwenyi, Yika unamono? Yingukumbulula ngwami, Ngunamono mukanda wa chivungo unahumuka; usuhe wawo makumi aali a mbandu, ni utohe wawo kumi lia mbandu.

Usolwelo 1:12

Natewulukile hanga ngumone liji lize liahanjikile ni yami; mba ha kutewuluka, namwene yikwachilo ya ndeya ya oru shimbiali;

Usolwelo 1:20

Chijimbikilo cha matongonoshi shimbiali waze hiwamona ha kwoko liami lia chindume, ni yikwachilo shimbiali ya ndeya ya oru ngwami, Matongonoshi shimbiali, angelo ja yikungulwila shimbiali; ni yikwachilo shimbiali ya ndeya, yikungulwila shimbiali.

Usolwelo 4:5

Mu ngunja mwatuhuka mihenyo ni maliji ni kukulunguza; ni temo shimbiali ja kahia ja kuyila kulutwe lia ngunja, jenajo maspiritu shimbiali a Zambi;