Zakaria 3:9 - MUKANDA USANDU WA ZAMBI 1975

⁹ Ha liwe lino hinasa kumeso ja Yoshua, liwe limuwika lia yihanda shimbiali mungwolaho sona jalio, munguchiza uhie wa chifuchi ha tangwa limuwika. Chocho kanambe Yehova-wa-Tujita.

Mukanda Wa Zambi 1970

⁹ Kulutwe lia Yoshua ngunase ko limwe liwe lia mambango shimbiali. Mungusoneka ho amwe maliji; ha tangwa limuwika lume mungukachiza shili ya akwa chifuchi chino.

Zakaria 3:9 Iomraidhean Croise

1 Yitanga Ya Mianangana 1:20

Mwene wami mwanangana; meso ja A-Izalele eswe kuli yenu anatale nukaalweze yoze matwama ha ngunja ya yenu mwene wami mwanangana kulutwe lia yenu.

2 Sango Ja Mianangana 16:9

Mumu meso ja Yehova kakuzomboka ndusu hashi heswe akalisolole mukwa tachi kukwasa yoze uli ni mbunge yingunu kuli iye. Ha chuma chino hiwalinga ni uhepuke, mumu chize ku musono muopwa ni jita.

Miaso (Masamu) 103:12

Chize wapwa usuku wa Chivumbuko ndo ku Chitokelo, chocho wahandununa kuli yetu Utanguko wetu.

Miaso (Masamu) 118:22

Liwe lize alitunyine tungi, hilinapu lia helu lia mbango.

Kutuhuka 28:11

Ukole e mawe aali ni milimo ya mukwa kwola ha mawe, ngwe mola ha kazeya nikulita ni majina ja ana a Izalele. Ukaanjise mu maselo ja oru.

Kutuhuka 28:21

E mawe akalite ni majina ja ana a Izalele, kumi lia mawe ni mawe aali nikulita ni majina jo, ngwe kwola cha ha kazeya, vungu ni vungu nikulita ni jina lialio. Akapwe a mavungu kumi ni aali.

Kutuhuka 28:36

Ukafule chipenya cha oru ya kusayisa. Ukoleho ngwe kwola cha ha kazeya, ngwo, MUSANDU KULI YEHOVA.

Izaya 28:16

Kashika Mwene Yehova kanambe ngwenyi, Talenu, ngunase yimwe fundamentu mu Zaione, liwe, liwe lia kweseka, liwe lilemu lia ha mbango, fundamentu ya ngú. Mweswe mafuliela kechi kalipupula.

Jeremia 31:34

Mutu kechi kalongesa mwenyembo wenyi, hanji usoko wenyi, ngwenyi, Nyingika Yehova mumu eswe mangunyingika chize kuli mukepe Wahiana ndo kuli munene Wahiana. Mumu mungukonekena uhenge wo; chichi kwiwuluka nawa shili yo. Chocho kanambe Yehova.

Jeremia 50:20

Yehova kanambe ngwenyi, Ha matangwa aze ni ha mwaka uze makafupa uhenge mu Izalele alioze kechi kawana niumwe; makafupa shili mu Yunda, alioze kechi kawana niyimwe; mumu mungukonekena waze ngunahichika ngwe masalila.

Zakaria 13:1

Ha tangwa lize makajikula fuji lia meya ha munyachi wa David ni hali akwa Yerusaleme lia kwapemesa ku shili ni luchisa.

Zakaria 3:4

Mungelo yamba kuli waze anamana kumeso jenyi ngwenyi, Muzulenu mazalo wano a luchisa. Mba yamba kuli iye ngwenyi, Tala hinakuchiza uhenge we; mungukujika ni mazalo a ndando yinene.

Zakaria 4:10

Mumu iya halelesa tangwa lia yuma yikepe? Kumakawahilila; kumakamona prumo mu kwoko lia Zorobabele. Wano shimbiali o meso ja Yehova kakwendangana hashi heswe.

Yoano 1:29

Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

Yoano 6:27

Kanda nukalinga milimo ha kulia chize cha kutoka, alioze nukalinge milimo ha kulia chize chili ni mwono wa mutolo, chenacho mwe Mwana Mutu makanwaha: mumu iye, Zambi mwe Tata hanamujiki ni Chijikilo.

Yilinga 4:11

Iye lie liwe lize asele liamokomoko kuli yenu tungi, kuliapwa liwe lia helu lia ha mbango.

A-ROMA 9:33

Ngwe chinasonewa ngwo, Talenu mungusa mu Zaione liwe lia kuhukanyisa, ni luliwe lwa kutalingisa; ni yoze mafuliela kuli iye kechi kevwa sonyi.

2 Korintu 1:22

iye watujikile ni Chijikilo chenyi, watuhele chifungo cha Spiritu mu mbunge jetu.

2 Korintu 3:3

chinasoloka ngwe nuli mukanda wa Kristu, wa kulinga kuli yetu, kuunasonewa hi ni ulombo ko, alioze ni Spiritu ya Zambi ya mwono; hi ha mawe ko, alioze ha mbunge ja musunya.

2 Timoteu 2:19

Hindu fundamentu yingunu ya Zambi kuyakola, yikwete Chijikilo chino ngwo, Mwene kananyingika ninyenyi; chikwo ngwo, Mweswe mavuloka jina lia Mwene akakatuke ku uhenge.

Hebreu 7:27

Yoze kuchamutambile tangwa ha tangwa, chizechene ngwe asasendote akwa lutwe waze, kulambula yitapo, hatangu ha milonga yenyi mwene, ni kulutwe ha milonga ya atu: mumu chino wachilingile kamuwika kunahu, muze alilambwile mwene.

1 Yoano 2:2

Iye lie kuka ha milonga yetu; hi ha milonga yetu wika ko, alioza nawa ha milonga ya akwa hashi eswe.

Usolwelo 5:6

Mba namwene mukachi ka ngunja ni akwa mwono awana, ni mukachi ka makulwana, mwana-panga kanamana ngwe hamushiha, kali ni mbinga shimbiali, ni meso shimbiali, eno maspiritu shimbiali a Zambi a kutumiwa hashi heswe.