Zakaria 3:8 - MUKANDA USANDU WA ZAMBI 1975

⁸ Yena Yoshua sasendote mukwa lutwe, panjika hamwe ni akwenu waze akutwama kumeso je, mumu o kapwa chilayi. Tala, mungukaneha kavumbi kami mwe Mutango.

Mukanda Wa Zambi 1970

⁸ Yena Yoshua, mwata wa mahako, banjika! Yenu mahako waze nwalinga nenyi, waze nuli chilayi cha yiwape yize muyiza ho, banjikenu! Mungunusolwela kavumbi kami yoze akuvuluka ngwo, Mwe Mutango!

Zakaria 3:8 Iomraidhean Croise

Miaso (Masamu) 71:7

Napwa ngwe nguli chikomokeso kuli anji, alioze yena uli uchinyino wami wa tachi.

Izaya 11:1

Kumukusoka mutombo umwe ku chimbunji cha Yese; mutango wa ku miji yenyi muukema mihuko.

Izaya 20:3

Mba Yehova yamba ngwenyi, Chizechene ngwe kavumbi kami Izaia hanende miaka yitatu keshi mazalo keshi haku, chikapwe chilayi ni chilweza cha kulimika ni Engitu ni Etiopia,

Izaya 4:2

Ha tangwa lize mutango wa Yehova muukapwa upema wa uhenya, ni mihuko ya chifuchi muyipwa uhenya wa kulisamba nawo wa waze anasala mu Izalele.

Izaya 42:1

Talenu kavumbi kami yoze ngunamukundwiza, yoze wa kusakula kuli yami, mbunge yami yinawahilila muli iye. Hinamusa Spiritu yami, kumakasolola ululi kuli akwa mavungu.

Izaya 49:3

Yangwamba ngwenyi, Uli kavumbi kami; ena Izalele munguwana uhenya wami muli yena.

Izaya 49:5

Mba haliapwila Yehova yoze wanguwumbile chize ku jimo ngukapwe kavumbi kenyi, ngukahilwise kuli iye Yakomba, hanga Izalele akalikungulule kuli iye, mumu nguli mulemu kumeso ja Yehova, Zambi yami hanapu tachi jami—

Izaya 52:13

Kavumbi kami mawaha mu milimo yenyi. Kumakanangama ni kuzunduka; kumakapwa kwe kwilu lume.

Izaya 53:11

Kumakamona mihuko ya lamba lienyi lia mbunge, mba kumakayuka. Kavumbi kami, mwe mukwa ululi, kumakasambisa anji ni chinyingi chenyi. Iye kumakalitwika uhenge wo.

Izaya 53:2

Mumu kumakatatuka kumeso jenyi ngwe lutombo, ngwe muji wa mu mavu omu; keshi ni upeme wa mujimba hanji wa meso hanga tukamutale, chipwe uhenya keshi nawo hanga tukamuzange.

Izaya 8:18

Nyingikenu, yami ni ana aze Yehova hangwaha hi twapwa yilayi ni yinyingi mu Izalele ya kuli Yehova-wa-Tujita, yoze watwama ha mulundu wa Zaione.

Jeremia 23:5

Yehova kanambe ngwenyi, Matangwa kaneza muze mungukasolola hali David Mutango wa ululi, mba iye kumakapwa mwanangana wa kuyula, nikulinga ni mana, ni kupatula ni kulita ni ululi mu chifuchi.

Jeremia 33:15

Ha matangwa aze ha mwaka uze mungusokesa Mutango wa ululi hali David. Iye kumakalinga ululi ni kulita mu chifuchi.

Ezekiel 12:11

Amba ngwe, Nguli chilayi kuli yenu. Chino nalinga yami, chocho malinga kuli ayo nawa, mba kumakaya ku unjize, ku ufunge.

Ezekiel 12:6

Kumeso jo mukazundula yikwata ha chipaya che ukayimbate ha ufuku. Fuka ku meso kanda umona chifuchi, mumu hinakutenga chilayi ku munyachi wa Izalele.

Ezekiel 24:24

Chocho Ezekiel mapwa chilayi kuli yenu; yenu munulinga nikulita ni yize yeswe iye halinga. Ha kuheta chuma chino mba munukanyingika yami nguli Mwene Yehova.

Ezekiel 34:29

Mungukaaha minda ya lufuma kanda akafwa nawa ni zala mu chifuchi, ni kanda akalenyewa nawa kuli akwa mavungu.

Ezekiel 37:24

Kavumbi kami David kumapwa mwanangana wo, no eswe kumakapwa ni kafunga umuwika. Kumakakaula shimbi jami; kumakatala kanawa kufunga yiyulo yami.

Zakaria 6:12

ukambe kuli iye ngwe, Yehova-wa-Tujita kanambe ngwenyi, Talenu mwe lunga jina lienyi Mutango; mumu makatatuka muma mwenyi; makatungisa tembele ya Yehova.

Luka 1:78

Mumu ha mbunge ya keke ya Zambi yetu, ku yenayo kucha cha tangwa kwilu muchikacha hali yetu,