Zakaria 3:7 - MUKANDA USANDU WA ZAMBI 1975

⁷ Yehova-wa-Tujita kanambe ngwenyi, Nyi muwenda mu majila jami, nikufunga shimbi jami, mukayilia zuwo liami, nikufunga maze jami, ni yami mungukwaha poko ya kunjila hakachi ka wano anamana kuno.

Mukanda Wa Zambi 1970

⁷ Mwene Zambi Mukwa Ndundo Jeswe amwambile ngwenyi: “Nyi wononoka ku Shimbi jami ni kulinga milimo yize hingunakutongwela, mba muulinduluka mu milimo ya kuyula zuwo liami ni e maaze jalio, mungwivwa kulemba che ngwe chize nakwivwa yilemba ya tunganda twa mwilu waze anamana kulutwe liami.

Zakaria 3:7 Iomraidhean Croise

Ubutukilo 26:5

Mumu Apalahama wononokene ku liji liami, wafungile shiko liami, ni shimbi jami, ni yiyulo yami, ni yilakenyo.

1 Yitanga Ya Mianangana 2:3

Funga shimbi ya Yehova Zambi ye ukende mu majila jenyi ukafunge yiyulo yenyi, ni shimbi jenyi, ni upatwilo wenyi, ni Shindakenyo yenyi nikulita ni chize chinasonewa mu shimbi ya Mose hanga Ukawahe mu yuma yeswe mukalinga kweswako mutalikisa,

1 Yitanga Ya Mianangana 3:14

Nyi yena muwenda mu ndako jami mukufunga yiyulo yami ni shimbi jami ngwe tatenu David wendele mungwokesa matangwa je.

1 Sango Ja Mianangana 23:32

Yayula nawa akapwe ni ulayilo wa mbalaka ya chikungulwila, ni ulayilo wa muma musandu, ni ulayilo wa usoko wo ana ja Arone ha milimo ya zuwo lia Yehova.

Izaya 62:9

Alioze waze mayicha mayilia, nikuhalisa Yehova, ni waze mayihela mayinwa mu maze ja zuwo liami lisandu.

Ezekiel 44:8

Chikwo nawa kunwafungile yuma yami yisandu, alioze hinwasa tundaka kufunga shimbi jami mu zuwo liami lisandu.

Ezekiel 48:11

Chino muchikapwa cha asasendote asandu, ana ja Zadoke waze afungile shimbi jami, kapiangukile muze A-Izalele apiangukile, ngwe A-Levi alingile.

Alevi 10:3

Henaho Mose yamba kuli Arone ngwenyi, Chino che chuma Yehova hamba ngwenyi, Mungupwa wajila kuli waze eswe makakundama kuli yami. Kumeso ja e atu eswe mungukalema. Arone yaliholela lume.

Alevi 8:35

Kwe ku chikolo cha mbalaka ya chikungulwila munukatwama matangwa shimbiali, mwalwa ni ufuku, ni kufunga chiyulo cha Yehova kuchina munufwa, mumu chocho angutumine.

Zakaria 3:6

Mungelo wa Yehova yalongesa Yoshua ngwenyi,

Zakaria 4:14

Aye yamba ngwenyi, Wano e aali a kuwayisa ni maji akumana kumeso ja mwe Mwene wa hashi heswe.

Zakaria 6:15

Waze ali kusuku makeza akakwase kutunga tembele ya Yehova, mba mununyingika Yehova-wa-Tujita wangutumine kuli yenu. Chino muchiza kupwa nyi munwononoka ku liji lia Yehova Zambi yenu ni mbunge yeswe.

Zakaria 6:5

Mungelo yangukumbulula ngwenyi, Wano fuji jiwana ja malilu jize jakutuhuka muze te halikunjika kuli Mwene wa hashi heswe.

Mateu 19:28

Yesu ngwenyi, Pundu ngwami, Yenu hinunangukaula, ha kupwisa chaha cha yuma yeswe, muze mwe Mwana Mutu makatwama ha ngunja yenyi ya uhenya, ni venu nawa kumunukatwama ha kumi lia ngunja ni ngunja jiali, nikupatwila kumi lia mavungu ni mavungu aali a Izalele.

Luka 22:30

Hanga nukalile, nukanwine ku mesa yami mu wanangana wami. Kumunukatwama ha ngunja nikupatwila kumi lia mavungu ni mavungu aali a Izalele.

Yoano 14:2

Mu zuwo lia Tata muyili yipatulo yinji; kachi hi chocho ko, kachi nanwambulwilile. Ngunayi mukunululikila muhela.

Usolwelo 3:21

Yoze makumba mungumwaha mukutwama hamwe ni yami ha ngunja yami, chizechene ngwe ni yami nawa hingunakumbu, hingunatwama hamwe ni Tata ha ngunja yenyi.