Zakaria 3:4 - MUKANDA USANDU WA ZAMBI 1975

⁴ Mungelo yamba kuli waze anamana kumeso jenyi ngwenyi, Muzulenu mazalo wano a luchisa. Mba yamba kuli iye ngwenyi, Tala hinakuchiza uhenge we; mungukujika ni mazalo a ndando yinene.

Mukanda Wa Zambi 1970

⁴ Kanganda ka mwilu yambila waze te anamana ko ngwenyi: “Muzulenu mahina a luchisa.” Mba yambila Yoshua ngwenyi: “Hinakuchiza shili ye, mungukujika mahina aha.”

Zakaria 3:4 Iomraidhean Croise

2 Samuel 12:13

David yamba kuli Natane ngwenyi, Yehova hinamuvulumuna. Natane yamba kuli David ngwenyi, Yehova hakuchiza mutonga we. Kuchi kutwa.

1 Yitanga Ya Mianangana 22:19

Mikaia ngwenyi, Ena kashika panjika ku liji lia Yehova. Namwene Yehova ha ngunja yenyi ni mbunga yeswe ya mwilu kanamana ha chindume chenyi ni ha chimeso chenyi.

Miaso (Masamu) 51:9

Ufuke meso je ku milonga yami, ujimune uhenge wami weswe.

Izaya 43:25

Yami, Yami Nguli mwe mukwa kujimuna Utanguko wenu ha mukunda wa yami mwene; chichi kewuluka nawa milonga yenu.

Izaya 44:22

Hinajimuna utanguko we ngwe lelwa. Hinajimuna milonga ye ngwe mbundu. Hiluka kuli yami mumu nakukulile.

Izaya 52:1

Laula Zaione! Laula ukazale tachi je! Yerusaleme, limbo lisandu, zala mazalo je apema, mumu yilima ni akwa luchisa kechi keza nawa kuli yena.

Izaya 61:10

Munguwahilila chikolo muli Yehova, mbunge yami muyilikwiza muli Zambi yami; mumu hanangujiki ni mazalo a ulamwino, hanangufuku ni chikuto cha ululi, chizechene ngwe sandungi kakulisa chipangula cha yitemo, ni ndungi kakuliwahisa ni yuma ya uhenya.

Izaya 61:3

kusela kuli akwa kulinyenga mu Zaione— kwaaha chipangula cha yitemo kusalakana uto, maji a uwahililo kusalakana chinyengo, chikuto cha uhaliso kusalakana mbunge ya kuhonga, hanga akaatongole ngwo, Carvalho ya ululi ya kutumba kuli Yehova akamwehe uhenya.

Jeremia 52:33

Chocho Jehoachine yazula mazalo jenyi ja zuwo lia ususu. Matangwa eswe a mwono wenyi walile ku mesa ya mwanangana ni kuhona ka.

Ezekiel 36:25

Mungukanusapwila meya apema mba munukapema ku luchisa wenu mweswe. Mungukanupemesa ku mahamba jenu eswe.

Ezekiel 42:14

Muze asasendote manjila muma musandu, kechi kukatukamo akaye ku yiza ya haze ndo matulikilamo mazalo jo aze akuvumbika no mumu mazalo aze asandu. Shimbu makundama ku yuma ya atu mazala mazalo eka.

Mika 7:18

Iya mapwa Zambi ngwe yena, mukwa kukonekena uhenge, ni kuzomboka milonga ya masalia ja chihinga chenyi? Kechi kufunga utenu wenyi wa mutolo mumu kakuwahilila ni utu wa zango.

Mika 7:19

Kumakatuvwila keke cheka nawa; kumakaliata uhenge wetu ni molu jenyi. Kumukambila milonga yetu mu mashima ja kalunga-lwiji.

Zakaria 3:1

Mba yangulweza Yoshua, sasendote mukwa lutwe, kanamana kumeso ja mungelo wa Yehova, ni Satana kanamana ku chindume chenyi amusume.

Zakaria 3:7

Yehova-wa-Tujita kanambe ngwenyi, Nyi muwenda mu majila jami, nikufunga shimbi jami, mukayilia zuwo liami, nikufunga maze jami, ni yami mungukwaha poko ya kunjila hakachi ka wano anamana kuno.

Zakaria 3:9

Ha liwe lino hinasa kumeso ja Yoshua, liwe limuwika lia yihanda shimbiali mungwolaho sona jalio, munguchiza uhie wa chifuchi ha tangwa limuwika. Chocho kanambe Yehova-wa-Tujita.

Mateu 22:11

Alioze muze mwanangana anjilile mukutala ngeji, wamwenemo mutu kazalile uzalo wa ulungi:

Luka 1:19

Mungelo wamukumbulwile ngwenyi, Yami nguli Gabriele, nakumana kumeso ja Zambi; angutumine mukuhanjika ni yena, ngukwambulwile lusango yono mupema.

Luka 15:22

Alioze tato wambile kuli ndungo jenyi ngwenyi, Nehenu nikawashi mazalo apema ahiana, numujike; senu kazeya ku kwoko lienyi, jikenu haku ku molu jenyi.

Yoano 1:29

Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

A-ROMA 3:22

te ululi wa Zambi ku Ufulielo muli Yesu Kristu, kuli eswe, ni hali waze eswe akufuliela; mumu kulipwila chakuhi nichimwe.

A-ROMA 6:23

Mumu fweto ya shili kufwa; alioze chawana cha vumbi lia Zambi, mwono wa mutolo muli Kristu Yesu Mwene wetu.

1 Korintu 6:11

Ngwe wano amwe a kuli yenu nwapwile: alioze hananusanyisa, alioze hananusela ku usandu, alioze hananusambisa mu jina lia Mwene Yesu Kristu, muli Spiritu ya Zambi yetu.

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

Kolosu 3:10

nunazala mutu mwaha, yoze kanamupwisa mwaha ha yinyingi yeswe, nikulita ni kulifwa cha yoze wamutangile:

Hebreu 8:12

Mumu kumungwavwila keke ha uhenge wo, ni milonga yo chichi kayiwuluka nawa ndo ku miaka ya mutolo.

Usolwelo 5:11

Namwene, nevwile liji lia angelo anji ha kujingilika ngunja, ni akwa mwono awana ni makulwana; ni chize aalwile ngwo, Chihuji cha yihuji ni tununu twa tununu.

Usolwelo 7:14

Nambile kuli iye ngwami, Mwene wami, yena unanyingika. Iye wambile kuli yami ngwenyi, Waze anatuhuka mu luyinda munene, hanakoso mahina jo ja ngungu, hanaatomesa mu manyinga ja mwe Mwanapanga.