Zakaria 3:2 - MUKANDA USANDU WA ZAMBI 1975

² Yehova yamba kuli Satana ngwenyi, Satana, Yehova akukanjise! Yehova mukwa kutongola Yerusaleme akukanjise! Yono hi mutondo ko wa kuchangumuna ku kahia?

Mukanda Wa Zambi 1970

² Mwe kanganda ka Mwene Zambi, yambila Sakwonga ngwenyi: “Sakwonga, Mwene Zambi akukande! Mwene Zambi yoze wakuzanga Yerusaleme akukande. Mumu mutu yono kali ngwe mutondo uze haachangumuna mu kahia.”

Zakaria 3:2 Iomraidhean Croise

2 Sango Ja Mianangana 6:5

Chize ku tangwa lize nachijile atu jami ku chifuchi cha Engitu, chatongwele chihunda nichimwe hakachi ka minyachi yeswe ya Izalele ngutungeko zuwo, jina liami likatwameko. Chikwo nawa chatongwele lunga niumwe apwe mwanangana wa atu jami A-Izalele.

2 Sango Ja Mianangana 6:6

Alioze binatongola Yerusaleme hanga jina liami Ukapweko; binatongola David akayule atu jami A-Izalele.

Miaso (Masamu) 109:31

Mumu iye kumakamana ku chindume cha mukwa kuhona akamulamwine kuli waze akusopesa mbunge yenyi.

Izaya 7:4

Amba kuli iye ngwe, Panjika uhwime, kanda wivwa woma, ni mbunge ye kanda yilezumuka mumu ha yimbunji yino yiali ya kufwinda, chipwe ha utenu usasu wa Rezine ni Seria, ni mwe mwana Remalia.

Daniel 12:1

Ha mwaka uze Mikele, mwe mukwa kuyula munene yoze wakufunga ana ja atu je, makamana; kumukukapwa mwaka wa lamba limwe, kanda lisoloka chize ku uputukilo wa vungu lino ndo ku miaka yize. Ha mwaka uze atu je kumakaapulula, atu eswe aze makaawana a kusoneka mu mukanda.

Amose 4:11

Nanungwine amwe hakachi kenu ngwe Zambi wanungwine Sondome ni Ngomora, ni yenu nwapwile ngwe lukunyi wa kuchanga mu mbwemena. Hindu kunwahilukile kuli yami. Chocho kanambe Yehova.

Zakaria 1:17

Kololoka cheka nawa ngwe, Yehova-wa-Tujita kanambe ngwenyi, Mu yihunda yami kuwaha muchikalumbamamo, ni Yehova cheka nawa makalembejeka Zaione, cheka nawa makatongola Yerusaleme.

Zakaria 2:12

Mba Yehova mahinga Yunda ngwe chihinga chenyi mu chifuchi chisandu, matongola Yerusaleme nawa.

Marku 1:25

Yesu wamukanjishile ngwenyi, Hola kulungunga kwe, utuhuke muli iye.

Marku 9:25

Muze Yesu amwene mbunga azombokele nikulikungulula, Wámbilile Spiritu ya luchisa ngwenyi, Yena spiritu ya kamama kanda ya kafwamatwi, ngunakwambe ngwami, Tuhuka muli iye, kanda ukanjila nawa muli iye.

Luka 22:32

Alioze naliumbile hali yena, hanga Ufulielo we kuuchi kahwa; ni yena muze hiwalumuka, ukajikijise mandumbu je.

Luka 4:35

Yesu yamwambila ngwenyi, Hola, tuhuka muli iye, ni muze te ndemoniu hamulimbwila hashi mukachi ko, watuhukile muli iye, kamulemekene nichimwe.

Luka 9:42

Alioze shimbu te achili nikwiza, ndemoniu wamulimbwile, wamutunyishine chikolo. Yesu wakanjishile Spiritu ya luchisa, wahindwishile mwana-lunga, wamuhilwishile kuli tato.

Yoano 13:18

Chishi kuhanjika hali yenu eswe; ngunanyingika waze hingunatongola; alioze hanga chisoneko chikamanunuke ngwo, Yoze wakulia mbolo hamwe ni yami, hananguzundwila kashijino kenyi.

A-ROMA 16:20

Alioze Zambi ya sambukila kumakafwenya Satana kushi lia yiliato yenu kamunomuno. Vumbi lia Mwene wetu Yesu Kristu likapwe hamwe ni yenu eswe. Amene.

A-ROMA 8:33

Iya masuma mulonga waze hanaatongola Zambi? Ngwetu, Zambi yoze wakusambisa, nyi?

1 Yoano 3:8

Yoze wakuvulumiona iye wa kuli Ndiapu; mumu chize ku uputukilo Ndiapu kakuvulumiona. Mumu ha chino hanasolola mwe Mwana Zambi hanga akonwone yitanga ya Ndiapu.

Yuda 1:23

ni akwo alamwinenu nikwachangumuna ku kahia; ni akwo avwilenu keke ni woma; mazalo a luchisa wa musunya nukaavwile kupiha.

Yuda 1:9

Alioze Mikele mungelo mukwa lutwe, muze ahangulwile ni Ndiapu, wahamikine ha kutwala ku mujimba wa Mose, kahamukine kumukumika ni maliji a kutuka, aiioze wambile ngwenyi, Mwene akwámbile.

Usolwelo 17:14

Wano kumakasa jita ni mwe Mwana-panga, ni mwe Mwana-panga kumakaakumba, mumu iye Mwene wa ene, Mwanangana wa mianangana; ni waze ali hamwe nenyi, hanaatambika, aze hanaatongola, aze amwenemwene.