Zakaria 3:10 - MUKANDA USANDU WA ZAMBI 1975

¹⁰ Yehova-wa-Tujita kanambe ngwenyi, Ha tangwa lize yenu eswe, mutu ni mutu, makalakenya mwenyembo kutwama mushi lia mutondo wenyi wa uva ni wa mukuyu.

Mukanda Wa Zambi 1970

¹⁰ Muze lie tangwa hilieza, mutu mweswe wa kuli yenu makalakenya mwenyembo wenyi eze hanga awahilile nenyi mu uhwimino, ni kutwama mushi lia mitondo yenyi ya vinyu ni ya mikuyu.”

Zakaria 3:10 Iomraidhean Croise

1 Yitanga Ya Mianangana 4:25

A-Yunda ni A-Izalele atwamine kawape mutu mweswe mushi lia mutondo wenyi wa uva hanji mukuyu, chize ku Ndane ndo ku Mbia-shipa matangwa eswe a Solomone.

1 Yitanga Ya Mianangana 5:5

Kashika ngunazange kutunga zuwo ha jina lia Yehova Zambi yami chizechene ngwe Yehova yamba kuli tata David ngwenyi, Mwané yoze mungusa ha ngunja ye kukusalakana, iye makatunga zuwo ha jina liami.

Izaya 32:18

Atu jami makatwama muma mwa sambukila, mu mazuwo keshi woma, mu yihela ya kuhwima ni kuhola.

Izaya 36:16

Kanda nupanjika kuli Hezekia mumu mwanangana wa Asuria kanambe ngwenyi, Litesenu ni yami nutuhuke kuli yami; mba munulia mutu mweswe ku mutondo wenyi wa uva, ni mutondo wenyi wa makuyu, ni mweswe manwa ku meya a mu shima lienyi:

Jeremia 32:15

Mumu Yehovawa-Tujita, Zambi ya Izalele kanambe ngwenyi, Mazuwo, ni minda, ni minda ya uva kumakayilanda cheka nawa mu chifuchi chino.

Hosea 2:18

Ha tangwa lize mungukakukolesela usendo ni tushitu a mu yambu, ni tujila a mu tetela, ni tututu a hashi. Mungukamakuna mu chifuchi, mata, ni tutana, ni jita. Mungukakupombesa kuze chipi chakuhi.

Mika 4:4

alioze mutu mweswe matwama mushi lia mutondo wenyi wa uva hanji mushi lia mutondo wenyi wa makuyu; niumwe maavwisa woma mumu kanwa lia Yehova-wa-Tujita hilinahanjika.

Zakaria 2:11

Mavungu anji malifutula ni Yehova ha tangwa lize nikwalumuka akapwe atu jami. Mba mungutwama hakachi kenu. Ni yenu mununyingika Yehova-wa-Tujita wangutumine kuli yenu.