Zakaria 3:1 - MUKANDA USANDU WA ZAMBI 1975

¹ Mba yangulweza Yoshua, sasendote mukwa lutwe, kanamana kumeso ja mungelo wa Yehova, ni Satana kanamana ku chindume chenyi amusume.

Mukanda Wa Zambi 1970

¹ Mu Usolwelo ukwo Mwene Zambi yangulweza Yoshua, mwata wa mahako a Zambi kanamana kulutwe lia kanganda ka Mwene Zambi. Kwenako ku chindume cha mwe Yoshua, Sakwonga kanamana amusume mulonga.

Zakaria 3:1 Iomraidhean Croise

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

Ubutukilo 48:16

Mwe mungelo hanangupulula ku yipi yeswe, akawahise wano akweze, Jina liami likapwe muli ayo, ni jina lia atata Apalahama ni Izake. Akoke ndo mapwa chihuji hashi.

1 Sango Ja Mianangana 21:1

Satana yalimika ni Izalele. Yasongojola David alule A-Izalele.

2 Sango Ja Mianangana 29:11

Ana jami, kanda nulengulula chuma chino, mumu Yehova hananutongola nukamane kumeso jenyi ni kumuvumbika, nukapwe tuvumbi twenyi, ni kwocha insensu.

Ezra 10:18

Hakachi ka ana ja asasendote yawana amwe hambata mapwo yilambala, majina jo wano: a kuli ana ja Yeshua, mwana Jozadake ni asongo jenyi, Maseia, ni Elieza, ni Jaripe, ni Gedalia.

Ezra 2:2

Ejile hamwe ni Zorobabele, ni Yeshua, ni Nehemia, ni Seraia, ni Relaia, ni Mordekai, ni Bilesane, ni Mizepare, ni Bikavaia, ni Rehume, ni Bana. Kwalula cha malunga A-Izalele chino:

Ezra 5:2

Mba Zorobabele mwana Salatiele ni Yeshua mwana Jozadake yakatuka, yaputuka kutunga zuwo lia Zambi lize lili mu Yerusaleme; ni aprofeta a Zambi apwile hamwe no nikwakwasa.

Miaso (Masamu) 106:23

Kashika wambile kwaonwona kachi Mose yoze wamutongwele kamanyine kumeso jenyi mu chituwa akatewulule ufwatulo wenyi kuchina akaenyeke.

Miaso (Masamu) 109:6

Upwise kama chingulungulu helu lienyi. Mukwa kulimika akamane kwe ku chindume chenyi.

Jeremia 15:19

Kashika Yehova kanambe ngwenyi, Nyi muhiluka mungukuhuzulula, mba mukamana kumeso jami. Nyi muwamba chize chinaleme, hi chize ko chamokomoko, kumuopwa ngwe kanwa liami. O matalikisa kuli yena, hi yena ko mutalikisa kuli ayo.

Ezekiel 44:11

O makapwa tuvumbi mu zuwo liami lisandu nikulayila yikolo ya tembele ni kuvumbika mu tembele. O makashiha milambu ya kulumba, ni yitapo hali e atu; o makavumbika e atu ni kwalingila.

Ezekiel 44:15

Alioze asasendote ja A-Levi, ana ja Zadoke, waze afungile ulayilo wa zuwo liami lisandu muze A-Izalele akatukile kuli yami, o makundama kuli yami kunguvumbika, no mangulingila akangulambule e maji ni manyinga. Chocho kanambe Mwene Yehova.

Hagai 1:1

Ha mwaka wamuchiali wa mwanangana Dariu, ha kakweji wamuchisambano ni tangwa litangu lia kakweji liji lia Yehova liejile mu kanwa lia profeta Hagaia kuli Zorobabele mwana Salatiele nguvulu wa Yunda, ni kuli sasendote mukwa lutwe Yoshua mwana Jehozadake ngwenyi,

Hagai 1:12

Henaho Zorobabele mwana Salatiele, ni Yoshua mwana Jehozadake mwe sasendote mukwa lutwe, ni masalila eswe ja atu ononokene ku liji lia Yehova Zambi yo, ni maliji ja profeta Hagaia, chize Yehova Zambi yo hamutuma; mba e atu evwilile woma Yehova.

Hagai 2:4

Alioze Yehova kanambe ngwenyi, Ena Zorobabele, hamuka! Ni yena sasendote mukwa kutwe Yoshua mwana Jehozadake, hamuka! Ni yenu atu eswe a chifuchi, hamukenu! Chocho kanambe Yehova. Yehova-wa-Tujita kanambe ngwenyi, Hondanganenu! Mumu kunguli hamwe ni yenu,

Zakaria 1:13

Yehova aye yakumbulula ni maliji a vumbi ni kulembejeka kuli mungelo yoze te unahanjika ni yami.

Zakaria 1:19

Yingwamba kuli mungelo yoze unahanjika ni yami ngwami, Ajo jika? Aye yangukumbulula ngwenyi, Ajo je mbinga jamwangine Yunda, ni Izalele, ni Yerusaleme.

Zakaria 1:9

Ami yingwamba ngwami, Aka aze, mwene wami? Mba mungelo yoze unahanjika ni yami yamba ngwenyi, Mungukulweza chize apwa.

Zakaria 2:3

Mwe mungelo yoze te unahanjika ni yami yakundama, ni mungelo mukwo yakundama akatakane nenyi.

Zakaria 3:8

Yena Yoshua sasendote mukwa lutwe, panjika hamwe ni akwenu waze akutwama kumeso je, mumu o kapwa chilayi. Tala, mungukaneha kavumbi kami mwe Mutango.

Zakaria 4:14

Aye yamba ngwenyi, Wano e aali a kuwayisa ni maji akumana kumeso ja mwe Mwene wa hashi heswe.

Zakaria 6:11

Tambula kuli ayo prata ni oru; linga yipangula ukayise ha mutwe wa sasendote mukwa lutwe Yoshua mwana Jehozadake,

Malaki 3:1

Ngunatumu kanganda kami akalulike jila yami kulutwe liami, mba Mwene yoze nunamufupu meza susumuku mu tembele yenyi. Yehova-wa-Tujita kanambe ngwenyi, Kanganda ka usendo yoze nunawahilila nenyi, kumanyi kaneza.

Luka 21:36

Alioze lenu ha shimbu lieswe, nikuliumba, hanga nukakumbe, nupuluke ku yino yuma yeswe kumuyikapwa, nukamane kumeso ja mwe Mwana Mutu.

Luka 22:31

Mba Mwene wambile ngwenyi, Semone, Semone, tala, Satana hananufupu hanga akanusale ngwe tiliku.

Shimbi 10:8

Ha mwaka uze Yehova yahandununa munyachi wa Levi, mukumbata mushete wa usendo wa Yehova, mukumana kumeso ja Yehova amuvumbike, akawahise ni jina lienyi ndo ku tangwa lino.

Shimbi 18:15

Yehova Zambi yenu kumakanusolwela profeta umwe hakachi kenu wa kuli usoko wenu, malifwa ni yami. Munukamupanjika iye;

1 Petulu 5:8

Keyelenu, lenu; mumu mukwa kole yenu ndiapu, ngwe ndumba wa kuhanjika lundunjila kakwendangana nikufupa yoze mahasa kumuumbula.

1 Samuel 6:20

Mba A-Mbete-Shemeshe ambile ngwo, Iya mahasa kumana kumeso ja Yehova, yono Zambi musandu? Kuli iya makanduka atweche yetu?