Zakaria 2:9 - MUKANDA USANDU WA ZAMBI 1975

⁹ wambile ngwenyi, Mungukapula kwoko liami hali ayo mba malumuka upite wa kupupa kuli waze aavumbikile. Henaho mununyingika Yehova-wa-Tujita wangutumine.

Mukanda Wa Zambi 1970

⁹ “Mwene Zambi iye mwene makahamika ni yenu, ni atu waze abwile tuvumbi twenu maakabuba yuma yenu.” Muze yuma yino hiyabwa, atu eswe maakanayingika ngwo, kuma Mwene Zambi Mukwa Ndundo Jeswe hangutuma.

Zakaria 2:9 Iomraidhean Croise

Izaya 10:32

Tangwa lia musono mamanyina ha Nobe ni kunuzozela kome, ku mulundu wa mwana-pwo Zaione, mulundu wa Yerusaleme.

Izaya 11:15

Yehova majimuna liakulu limi lia kalunga-lwiji wa Engitu. Molola kwoko lienyi helu lia mwe Lwiji ni fuji yenyi ya chivukuminya. Mamupula akapwe yitwetwe shimbiali hanga atu akazauke ni sapato jo.

Izaya 12:6

Likwizenu, imbenu ni uwahililo, enu nwatwama mu Zaione, mumu mwe Musandu wa Izalele kalema hakachi kenu.

Izaya 13:2

Mikenu mbandeira ha mulundu wa hululu, tambikenu kuli ayo ni tachi; lahulenu ni moko akanjile mu yikolo ya alemu.

Izaya 14:2

Akwa mavungu maanda, maatwala kuma kwo, ni akwa munyachi wa Izalele maazuka mu chifuchi cha Yehova ngwe ndungo ja malunga ni a mapwo. Kumakakwachila funge waze aafungile funge ayo, makayula waze aapinjishile.

Izaya 19:16

Ha tangwa lize A-Engitu mapwa ngwe mapwo. Machikima ni woma shimbu te kwoko lia Yehova-wa-Tujita kanda lichinyika hali ayo.

Izaya 26:1

Ha tangwa lize kumakemba mwaso uno mu chifuchi cha Yunda ngwo, chihunda cha tachi tuli nacho; iye kakumika ulamwino ngwe yipanga-ya-mawe ni yipanga ya kukolesa.

Izaya 33:1

Lamba kuli yena chonwonyi, yena mwene kakwonwene; ena mukwa mafwefwe, niumwe halinga ni mafwefwe kuli yena. Muze mulitwamina kwonwona, mba akwo makwonwona; muze mulitwamina kulinga ni mafwefwe, akwo malinga ni mafwefwe kuli yena.

Izaya 33:21

Kwenako Yehova mapwa ha sali lia yetu ni uhenya wenyi kuma kwa njiji jinene ni yitwetwe yinene, kuze mato-a-jita ni yilapo yo kuyichi kahasa kuya, chipwe ulungu unene kuuchi kapalika.

Izaya 33:23

Mihipu yenu yinakokoloka; kuyahashile kukolesa mutondo wa wato kuma kwawo, chipwe kuzazulula mwe lona. Henaho atu a kupupa malipangilo hamwe ni upite wa jita; chipwe yitonji makwata upite.

Izaya 4:5

mba Yehova matanga helu lia chihela cheswe cha mulundu wa Zaione ni helu lia yikungulwila yenyi lelwa ha mwalwa, ni mwishi ni kupanguka cha kahia ka kulekwoka ha ufuku. Mumu helu lia uhenya weswe muhapwa chifuko.

Izaya 48:16

Kundamenu kuli yami nwivwe chino chuma. Chize ku uputukilo chahanjikile ku tenga. Chize ku miaka ya chino chuma, ni yami kunguli. Haliapwila Mwene Yehova hangutuma hamwe ni Spiritu yenyi.

Izaya 60:18

Upupilo kechi ka wivwa nawa mu chifuchi chenu, chipwe kwenyeka ni kwonwona mu manjiza jenu. Munukatongola yipanga yenu ngwenu, Ulamwino, munukatongola mapito jenu ngwenu, Uhaliso.

Izaya 60:19

Tangwa kulichi kapwa nawa pang u lienu lia mwalwa; kakweji kechi katemuka kuli yenu ha ufuku. Alioze Yehova makapwa pangu lienu lia mutolo, Zambi yenu makapwa uhenya kuli yenu.

Jeremia 27:7

Mavungu eswe mamulingila, ni mwanenyi, ni mujikulu wenyi ndo mwaka wa chifuchi chenyi hiwaheta, mba mavungu anji ni mianangana anene mamupwisa kapinji ko.

Jeremia 28:9

Mba profeta yoze maprofeteza ngwenyi, Sambukila, muze liji lia profeta yoze mulimanunuka, mba eswe manyingika ngwo, Pundu, Yehova hatuma yono profeta.

Jeremia 8:19

Panjikenu muteto wa mwana wa pwo atu jami, ha usuhe ni unene wa chifuchi ngwo, Yehova keshimo mu Zaione? Mwanangana wenyi katwamine muli iye? Kuchi te hanangwihi ni tuponya two twa kwola hi mahamba jo a tundaka?

Ezekiel 39:10

chocho kechi kafupa kunyi ja mu yambu, chipwe kujichá mu musenge, mumu matenga kunyi ye yuma ya jita. Makapupa waze aapupile nikupunda upite wa waze apunjile niwo. Chocho kanambe Mwene Yehova.

Joele 2:27

Munukanyingika ngwenu, Zambi kwali hakachi ka A-Izalele. Munukanyingika ngwenu, Yehova iye Zambi yetu, kukushi mukwo. Atu jami kechi kevwa nawa sonyi.

Habakuke 2:17

Upupilo uze walingilile Lebano muukulundumukina, kwonwona cha tushitu muchikukolesa woma mumu ha manyinga ja atu ni upupilo wa hashi, ku yihunda ni waze eswe atwamamo.

Habakuke 2:8

Mumu yena hiwapupa mavungu anji, kashika waze analisalaho ku mavungu kumakakupupa, mumu ha manyinga ja atu ni upupilo wa hashi, ku yihunda ni waze eswe atwamamo.

Zefania 2:9

Yehova-wa-Tujita, Zambi ya Izalele kanambe ngwenyi, Kashika, ni mwono wami Moape malumuka ngwe Sondome, ni A-Amone mapwa ngwe Ngomora, chifuchi cha kutakana ni mikalale ni matenga a mungwa, chifuchi cha hululu ndo ku miaka. Masalila ja atu jami maapupa, ni atu jami aze alisalaho maazuka.

Zefania 3:15

Yehova hachiza uhiso uze wa kulimika ni yena; hambila akwa kole je. Mwanangana wa Izalele, mwe Yehova mwali muli yena; kuchi kevwa nawa woma wa yuma yipi.

Zakaria 2:11

Mavungu anji malifutula ni Yehova ha tangwa lize nikwalumuka akapwe atu jami. Mba mungutwama hakachi kenu. Ni yenu mununyingika Yehova-wa-Tujita wangutumine kuli yenu.

Zakaria 2:8

Mumu Yehova-wa-Tujita wambile muze te uhenya wenyi wangutumine ku mavungu aze anupupile, (mumu yoze manusunga chapwa ngwe kunguchoka mu katumba ka liso),

Zakaria 4:9

Moko ja Zorobabele hasa fundamentu ja zuwo lino, ni moko jenyi mwene malimanuna. Henaho mununyingika Yehova-wa-Tujita wangutumine kuli yenu.

Zakaria 6:15

Waze ali kusuku makeza akakwase kutunga tembele ya Yehova, mba mununyingika Yehova-wa-Tujita wangutumine kuli yenu. Chino muchiza kupwa nyi munwononoka ku liji lia Yehova Zambi yenu ni mbunge yeswe.

Zakaria 9:15

Yehova-wa-Tujita maafunga; makashiha ni kuliata akwa kukonga mawe. Makanwa manyinga jo ngwe vinyu. Makazala ngwe misenge, ngwe mbango ja chilumbilo ja pwocha ni manyinga.

Yoano 13:19

Chize ku haliapwila ngunanwambulwila shimbu kanda chipwa, hanga muze muchipwa, nukafuliele ngwe yami nguli.

Yoano 16:4

Alioze yino yuma hinahanjika kuli yenu, hanga muze mwaka wayo hiweza, nukewuluke, ngwe nanwambulwilile. Ni yino yuma chambile kuli yenu chize ku uputukilo, mumu napwile hamwe ni yenu.