Zakaria 2:4 - MUKANDA USANDU WA ZAMBI 1975

⁴ Yamba kuli iye ngwenyi, Zomboka uambe kuli yono mukweze ngwe, Yerusaleme muyipwa ni atu a kutwamamo ngwe yihunda yize kuyishi yipanga-ya-mawe, mumu ha kwokelamo cha atu ni yimuna.

Mukanda Wa Zambi 1970

⁴ Mutangu yambila musula ngwenyi: “Zomboka ulweze mukweze yoze uli ni lwoji wa kweseka nenyi ngwe: ‘Mu Yerusaleme kumumubwa atu ni ngombe anji kuhiana, kashika kechi kuhasa kubwa nawa ni chipanga.

Zakaria 2:4 Iomraidhean Croise

Estere 9:19

Kashika A-Yunda a mu yihunda yikepe, waze atwama mu yihunda kuyishi yipanga-ya-mawe o kakusela tangwa kumi ni liamuchiwana lia kakweji ka Adare tangwa lia chiseke, ni kulia, ni kuwaha; tangwa lia kutuma yawana umwe kuli mukwo ni mukwo.

Izaya 33:20

Tala ku Zaione chihunda cha yiwanyino ya kufunjika! Meso je makamona Yerusaleme, chihunda cha kuhwima, mbalaka kuyichi katutuluka, mbambo jayo kechi kajizula nilimwe tangwa, ni mihipu yayo kuyichi kapatuka.

Izaya 44:26

kakukolesa liji lia kavumbi kenyi, kakulinga longeso lia mikeji jenyi; kakwamba ha kutwala ku Yerusaleme ngwenyi, Atu matwamamo; kakwamba ha kutwala ku yihunda ya Yunda ngwenyi, Kumuyikatungiwa; mungutungulula yize yapuzuka.

Izaya 49:20

Ana aze asemukine ha mwaka we wa utuliwa kumakamba limwe tangwa mu matwi je ngwo, Chifuchi chino changukehela naye, ngusele chihela cha kutwama.

Izaya 54:16

Hinatanga fuli yoze wakuheha makala, akafule chikungo ha chikuma chacho. Hinatanga nawa chenyeke akanongese.

Jeremia 1:6

Ami yingwamba ngwami, Mwene Yehova, Chanyingikine kuhanjika mumu nguchili mukweze.

Jeremia 31:24

Mba Yunda ni yihunda yako yeswe makatwamako hamuwika, ni njimi ni akwa kwendangana ni yimuna jo.

Jeremia 31:27

Yehova kanambe ngwenyi, Matangwa kaneza muze munyachi wa Izalele ni munyachi wa Yunda mungukuwako mbuto ya atu ni mbuto ya tushitu.

Jeremia 33:22

Chizechene ngwe akwa mwilu kechi kuhasa kwaalula, ni masekeseke a ku kalunga-lwiji kechi kahasa kwaeseka, chocho mungwokesa waze masemuka kuli kavumbi kami David, ni asasendote ja Levi waze akunguvumbika.

Ezekiel 38:11

ukambe ngwe, Mimguya kulimika ni chifuchi cha yihunda kuyishi yipanga-ya-mawe. Munguhulumukina hali atu ahwima waze anatwama ni chipi chakuhi, eswe kanatwama keshi ni yipanga-ya-mawe, chipwe njalo, chipwe mapito,

Daniel 1:17

Ha kutwala kuli wano akweze awana, Zambi yaaha chinyingi ni kulongoloka mu sona jeswe ni mana, ni Daniel wapwile ni chinyingi cha usolwelo weswe ni yilota.

Daniel 1:4

akweze keshi kapalia, apema chikolo, ni akwa kujama ni mana eswe, ni yinyingi, akwa kulongoloka, waze mahasa kuvumbika mu zuwo lia mwanangana, akaalongese je sona ni limi lia A-Kaletea.

Mika 7:11

Lie tangwa lia kutungayipanga ye ya mawe! Ha tangwa lize njiza ye muyikapalika kusuku.

Zakaria 1:16

Kashika Yehova kanambe ngwenyi, Hinahiluka ku Yerusaleme ni keke. Yehova-wa-Tujita kanambe ngwenyi, Zuwo liami malitungamo; muhipu wa kweseka mautachika ha Yerusaleme.

Zakaria 1:17

Kololoka cheka nawa ngwe, Yehova-wa-Tujita kanambe ngwenyi, Mu yihunda yami kuwaha muchikalumbamamo, ni Yehova cheka nawa makalembejeka Zaione, cheka nawa makatongola Yerusaleme.

Zakaria 12:6

Ha tangwa lize mungukapwisa akwa minyachi ya Yunda ngwe ndeho ya kahia hakachi ka kunyi; ngwe soka lia kahia lia kulekwoka hakachi ka yichita ya mwambu. Kumakalalisa mavungu eswe a kwajingilika ku sali lia chindume ni lia chimeso, shimbu Yerusaleme muyitwama ni atu jamo lume, mwe mu Yerusaleme.

Zakaria 14:12

Yehova makalamba ni musongo mavungu aze eswe makasa jita ni Yerusaleme. Musunya wo muukapola shimbu anachimana ha molu jo; meso jo makapola mu mitwe yo; malimi jo makapola mu makanwa jo.

1 Timoteu 4:12

Niumwe kanda alelesa ukweze we; alioze pwako chilweza kuli akwa kufuliela, ha liji, ha yilinga, ha zango, ha Ufulielo, ha kulinanga.