Zakaria 2:12 - MUKANDA USANDU WA ZAMBI 1975

¹² Mba Yehova mahinga Yunda ngwe chihinga chenyi mu chifuchi chisandu, matongola Yerusaleme nawa.

Mukanda Wa Zambi 1970

¹² Ayuda maakabwa nawa atu alemu a mbala a Mwene Zambi mu chifuchi chenyi cha chijila, ni Yerusaleme makabwa limbo lize azanga kuhiana membo akwo eswe.

Zakaria 2:12 Iomraidhean Croise

2 Sango Ja Mianangana 6:6

Alioze binatongola Yerusaleme hanga jina liami Ukapweko; binatongola David akayule atu jami A-Izalele.

Estere 6:13

Hamane yambulwila pwo lienyi Zereshe ni masepa jenyi eswe yuma yize yeswe yamuwana. Mba akwa mana jenyi ni pwo lienyi Zereshe yamba kuli iye ngwo, Nyi Mordekai, yono haputuka kukulimbula, wapwa wa vungu lia A-Yunda kuchi kuhasa kumukumba. Pundu mulimbuka kumeso jenyi.

Miaso (Masamu) 105:15

ngwenyi, Kanda nusunga waze naawayishile ni maji. Aprofeta jami kanda nwalinga nichimwe chipi.

Miaso (Masamu) 132:13

Mumu Yehova hanatongola Zaione. Hanayizange yikapwe mahienyi, ngwenyi,

Miaso (Masamu) 132:14

Kuno kwene mukupwa uhwimino wami wa mutolo. Kuno kwene mungutwama, mumu kunachizanga.

Miaso (Masamu) 135:4

Mumu Yehova hanatongola Yakomba akapwe niwenyi. Hanatongola Izalele akapwe upite wa iye mwene wika.

Miaso (Masamu) 33:12

Vungu lize likwete Yehova Zambi yo kuliawaha. Kawaha atu aze iye hatongola akapwe chihinga chenyi.

Miaso (Masamu) 82:8

Katuka Zambi! Patwila akwa hashi. Mumu yena kumukahinga mavungu eswe.

Izaya 14:1

Yehova kumakavwila keke A-Yakomba; kumakatongola cheka nawa A-Izalele, ni kwasa mu chifuchi cho ene. Chipwe tundaka malifutula no ni kulalaminya ku munyachi wa Yakomba.

Izaya 17:14

Ha chingoloshi, kumanyi mwongo! Shimbu kanda kucha o keshiko nawa! Chenacho muchipwa kuli akwa kutupupa, che chihinga cha waze mapunda yuma yetu.

Izaya 41:9

ena nakuchijile ku masongo a hashi, nakutambikile ku mbango jisuku, nikwamba kuli yena ngwami, Uli kavumbi kami, nakutongwele, chakumbilile;

Jeremia 10:16

Yoze wapwa chihinga cha Yakomba kapwile ngwe ayo, mumu iye mwe mukwa kuwumba yuma yeswe. Mba Izalele lie vungu lia chihinga chenyi; jina lienyi Yehova-wa-Tujita.

Jeremia 30:16

Kashika waze akukunongesa kumakanonga, akwa kole je eswe kumaya ku ufunge, e eswe lume. Waze mapunda upite we kumakaapunda. Waze eswe makupupa kumakapupiwa.

Jeremia 51:19

Yoze wapwa chihinga cha Yakomba kapwile ngwe wano, mumu iye wawumbile yuma yeswe, Izalele lie vungu lia chihinga chenyi, jina lienyi Yehova-wa-Tujita.

Zakaria 1:17

Kololoka cheka nawa ngwe, Yehova-wa-Tujita kanambe ngwenyi, Mu yihunda yami kuwaha muchikalumbamamo, ni Yehova cheka nawa makalembejeka Zaione, cheka nawa makatongola Yerusaleme.

Zakaria 3:2

Yehova yamba kuli Satana ngwenyi, Satana, Yehova akukanjise! Yehova mukwa kutongola Yerusaleme akukanjise! Yono hi mutondo ko wa kuchangumuna ku kahia?

Shimbi 32:10

Wamuwanyine mu chifuchi cha puya, mwe mu makanga ahululu mwakupozonoka ngongo. Yamujingulula, yamulela, yamufunga ngwe katumba ka liso lienyi.

Shimbi 32:9

Mumu chihanda cha Yehova chapwa atu jenyi. Yakomba yapwa chihinga chenyi cha kutongola.